વેસુ સ્થિત વેસુ જૈન સંઘમાં નવનિર્મિત ઉપાશ્રય શ્રી આગમોદ્ધકર ધાનેરા આરાધના ભવનમાં આચાર્ય અશોકસાગર સૂરી મહારાજ, આચાર્ય સાગરચંદ્રસાગર સૂરી, આચાર્ય સૌમ્યચંદસાગર સૂરી અને આચાર્ય વિવેકચંદસાગર સૂરીનો ભવ્ય ચાતુર્માસ પ્રવેશ રવિવારે થયો હતો. સવારે 8.30 કલાકે હીરાબેન જીવતલાલ કોઠારી પરિવારના સ્થાનેથી પ્રવેશ શોભાયાત્રાનો ભવ્ય પ્રારંભ થયો હતો.
જેમાં બેન્ડ, બગ્ગી, નાસિકના ઢોલ અને 20 જેટલા મહિલા મંડળોએ ભાગ લીધો હતો. યુગભૂમિથી શરૂ થયેલી પ્રવેશ યાત્રા બ્લોસમ, ફ્લોરેન્સ, હેમટન પાર્ક થઈ ઉપાશ્રય પર પૂર્ણ થઈ અને પ્રવચન સભામાં ફેરવાઈ. આ પ્રસંગે આચાર્ય નયચંદસાગર સૂરી, ગણિવર્ય આગમચંદસાગર અને અન્ય આચાર્યો આવ્યા હતા.
