સુરત: ટુ-વ્હીલર સેગમેન્ટમાં વૈશ્વિક સ્તરે અગ્રણી ટીવીએસ મોટર કંપની (ટીવીએસએમ) એ આજે ટીવીએસ iQubeS 4.7 kWh લોન્ચ કરવાની જાહેરાત કરી છે, જે ભારતના સૌથી પસંદગીના ફેમિલી ઈલેક્ટ્રિક વાહન (ઇવી) માં નવો ઉમેરો છે. 9 લાખથી વધુ ભારતીય પરિવારોનો વિશ્વાસ મેળવનાર ટીવીએસ iQubeએ ભારતમાં ઇલેક્ટ્રિક મોબિલિટી અપનાવવામાં મહત્વપૂર્ણ ભૂમિકા ભજવી છે. ટીવીએસ iQubeS 4.7 kWhની કિંમત રૂ. 1,37,142 (દિલ્હી એક્સ-શોરૂમ મુજબની અસરકારક કિંમત, કેન્દ્ર અને રાજ્યની સબસિડી સહિત) છે અને તે આઈડીસી પ્રમાણિત 175 કિમીની રેન્જ આપે છે. નવા કલર વિકલ્પો સાથે, આ મોડલ પરિવારોને વધુ સરળતા અને વિશ્વાસ સાથે લાંબી મુસાફરી કરવાની સગવડ આપે છે.
ટીવીએસ iQubeS 4.7 kWh આ નવા મોડલમાં મોટી બેટરી આપવામાં આવી છે. વધારેલી રેન્જ સાથે બે નવા કલર વિકલ્પો મેગ્નિફિસન્સ પર્પલ બેઝ અને હાર્લેક્વિન બ્લુ બેઝ સાથે ટાઇટેનિયમ ગ્રે મેટ પણ ઉપલબ્ધ છે, જે ગ્રાહકો માટે વધુ વિકલ્પો પ્રદાન કરે છે.ટીવીએસ iQubeS ને હવે 4.7 kWh સુધી અપગ્રેડ કરવામાં આવ્યું છે, જે વધુ બેટરી ક્ષમતા સાથે પણ જાણીતા અને વિશ્વસનીય રાઇડિંગ અનુભવને જાળવી રાખે છે.હાલમાં, ટીવીએસ iQubeઇલેક્ટ્રિક સ્કૂટર્સ ભારતના 1,000થી વધુ શહેરોમાં અને 3,300થી વધુ ડીલરશીપ્સ પર ઉપલબ્ધ છે.
