સુરત : સાકેત ગ્રુપ દ્વારા “સ્વદેશી ફર્સ્ટ” સેવા પ્રકલ્પ અંતર્ગત મહિલાઓના આરોગ્ય અને સ્વચ્છતા જાગૃતિ માટે વિશેષ કાર્યક્રમનું આયોજન કરવામાં આવ્યું હતું. કાર્યક્રમ દરમિયાન 100 બહેનોને સ્વદેશી સેનિટરી નેપકીનનું વિતરણ કરવામાં આવ્યું. કાર્યક્રમનો મુખ્ય હેતુ મહિલાઓને આરોગ્ય અને સ્વચ્છતા પ્રત્યે જાગૃત કરવાનો રહ્યો હતો.
મધર્સ ડે નિમિત્તે યોજાયેલા “માતૃ સન્માન” કાર્યક્રમમાં બાળકો દ્વારા પોતાની માતાઓને તિલક કરી સન્માનિત કરવામાં આવી હતી તેમજ સંસ્કાર અને માતૃભાવનો સુંદર સંદેશ આપવામાં આવ્યો હતો. કાર્યક્રમ દરમિયાન માતાઓ અને બાળકો સાથે આત્મીયતાપૂર્વક ઝાલમુરી અને આઇસ્ક્રીમનું પણ વિતરણ કરવામાં આવ્યું હતું.
સાકેત ગ્રુપના સ્થાપક સાંવર પ્રસાદ બુધિયાના માર્ગદર્શન અને પ્રેરણાથી કાર્યક્રમ સફળતાપૂર્વક પૂર્ણ થયો હતો. કાર્યક્રમમાં ડૉ. મમતા ભક્કડ, કિંજલ દેસાઈ અને રવિ યાદવ ઉપસ્થિત રહ્યા હતા. જ્યારે કાર્યક્રમના સફળ સંચાલનમાં રંજનબેન રાઠોડ, બીનાબેન અને શીતલ પટેલનું વિશેષ યોગદાન રહ્યું હતું.
કાર્યક્રમના અંતે “સ્વદેશી ફર્સ્ટ – એક કદમ મહિલાઓના સંગ” સંદેશ સાથે મહિલાઓના આરોગ્ય અને સન્માન પ્રત્યે જાગૃતિ લાવવાનો સંકલ્પ લેવામાં આવ્યો હતો.
