સુરતઃ PP Savani Group of Schools એ JEE અને NEET જેવી સ્પર્ધાત્મક પરીક્ષાઓમાં ઉત્કૃષ્ટ પરિણામો બાદ હવે CBSE ધોરણ 12ના પરિણામમાં પણ શાનદાર સફળતા મેળવી ફરી એકવાર પોતાની શૈક્ષણિક શ્રેષ્ઠતા સાબિત કરી છે. વિદ્યાર્થીઓના તેજસ્વી પરિણામોથી સમગ્ર સંસ્થામાં આનંદ અને ગૌરવનો માહોલ સર્જાયો છે.
આ વર્ષે CBSE ધોરણ 12ના પરિણામોમાં કુલ 113 વિદ્યાર્થીઓએ A1 ગ્રેડ પ્રાપ્ત કર્યો છે, જ્યારે 275 વિદ્યાર્થીઓએ A2 ગ્રેડ મેળવી શાળાનું નામ રોશન કર્યું છે.
વિદ્યાર્થી ભવ્ય પટેલે 98.6% સાથે પ્રથમ ક્રમ મેળવી સમગ્ર સંસ્થાનું ગૌરવ વધાર્યું છે. અન્ય ટોપ રેન્કર્સમાં વંશિકા મોહાતા 97.4%, ધ્રુવ શાહ 97%, મલક માંગુકિયા 97%, પ્રિયંકા સાહુ 96.8% તથા તેજસ મોહાતા 96.8% સાથે ઉત્તમ સફળતા મેળવી છે.
વિદ્યાર્થીઓની આ સિદ્ધિ પાછળ શિક્ષકોનું માર્ગદર્શન, વાલીઓનો સહકાર અને વિદ્યાર્થીઓની સતત મહેનત મહત્વપૂર્ણ રહી હોવાનું સંસ્થાના સંચાલકોએ જણાવ્યું હતું.
શાળાના ટ્રસ્ટીઓ, પ્રિન્સિપાલ તથા શિક્ષકમંડળે તમામ સફળ વિદ્યાર્થીઓને અભિનંદન પાઠવી તેમના ઉજ્જવળ ભવિષ્ય માટે શુભેચ્છાઓ વ્યક્ત કરી છે.
