અદાણી પોર્ટ્સની મરીન પાંખ એસ્ટ્રો ઓફશોરના યુરોપિયન સબસીના વિસ્તરણ માટે ઓશનિયરિંગ ઇન્ટરનેશનલ સાથે કરાર

અમદાવાદ, ૧૨ મે ૨૦૨૬: ભારતની સૌથી વિશાળ સંકલિત પરિવહન ઉપયોગિતા કંપની અદાણી પોર્ટ્સ અને સ્પેશિયલ ઇકોનોમિક ઝોન લિ. (APSEZ) એ તેની દરિયાઈ પાંખ એસ્ટ્રો ઓફશોર દ્વારા યુરોપમાં વિશિષ્ટ ઓફશોર અને સબસી તકોને અનુસરવા માટે યુએસ સ્થિત એન્જિનિયરિંગ અને એપ્લાઇડ ટેકનોલોજી કંપની ઓશનિયરિંગ ઇન્ટરનેશનલ સાથે કરાર કર્યા છે.

આ કરાર અદાણી પોર્ટ્સ અને સેઝની અલ્ટ્રા-ડીપવોટર કામગીરી અને આંતરરાષ્ટ્રીય બજારોમાં વિશ્વના સૌથી મોટા સંકલિત મરીન પ્લેટફોર્મમાંથી એક બનવા માટેની વ્યૂહરચનાને વધુ મજબૂત કરવાના ભાગરુપ તેના વિસ્તરણની દિશામાં એક મહત્વનું પગલું છે.

એસ્ટ્રો ઓફશોર કંપનીએ પ્રસ્તુત કરેલા પ્રથમ અલ્ટ્રા-ડીપવોટર જહાજ એસ્ટ્રો એટલાસની અદ્યતન ક્ષમતાઓ અને નાના, ઉચ્ચ- કોટીના વિશિષ્ટ જહાજોને વ્યૂહાત્મક રીતે હસ્તગત કરવામાં તેના નિરંતર રોકાણને દર્શાવવા સાથે આ ઉદ્યોગના અદ્યતન અને સ્માર્ટ કાફલાઓમાંના એકને ચલાવવાની એસ્ટ્રોની મહત્વાકાંક્ષાને મજબૂત બનાવવા ઉપરાંત નવા ઓફશોર બજારોમાં પ્રવેશને સક્ષમ બનાવી અદાણી પોર્ટસની દરિયાઇ પાંખની વ્યાપક વૃદ્ધિની મહત્વાકાંક્ષાને ટેકો આપે છે.

અદાણી પોર્ટ્સ અને સેઝના પૂર્ણકાલિન ડિરેક્ટર અને સી.ઇ.ઓ શ્રી અશ્વની ગુપ્તાએ જણાવ્યું હતું કે આ વિકાસ વૈશ્વિક સ્તરે વૈવિધ્યસભર દરિયાઈ પ્લેટફોર્મ બનાવવાની કંપનીની મહત્વાકાંક્ષાને બળ આપે છે. એસ્ટ્રો ઓફશોરના વિસ્તરી રહેલા ઉચ્ચ કક્ષાના કાફલાને ઓશનિયરિંગના ડીપવોટર એન્જિનિયરિંગ અને ROV કુશળતા સાથે સાંકળીને યુરોપમાં વિસ્તરણ કરતી વખતે જટિલ ઓફશોર કામગીરીમાં અમે અમારી ક્ષમતાઓમાં વધારો કરી રહ્યા છીએ.

એસ્ટ્રો ઓફશોરના સીઈઓ શ્રી માર્ક હમ્ફ્રીસે જણાવ્યું હતું કે “એસ્ટ્રો એટલાસની પ્રસ્તુતિ અમારી કાર્યકારી ક્ષમતામાં નોંધપાત્ર ઉમેરો કરી ખાસ કરીને અલ્ટ્રા-ડીપવોટર વાતાવરણમાં આધુનિક ઉચ્ચ-કોટીના કાફલામાં અમારા સતત રોકાણનો નિર્દેશ કરે છે. તેમણે કહ્યું હતું કે આજ સુધીના અમારા સૌથી મોટા અને સૌથી સક્ષમ જહાજ તરીકે તે અમને જટિલ ઓફશોર કામગીરીની વિશાળ શ્રેણીને આધાર આપવા અને ઉપભોક્તાની વધતી માંગને અસરકારક રીતે પહોંચી વળવા સક્ષમ બનાવે છે.

દરિયાઈ પ્રવૃત્તિઓમાં કેબલ પાથરવા, પાઇપ લાઇન નાખવી, પાણીમાં બાંધકામ, તેનું નિરીક્ષણ, જાળવણી અને ઊંડા પાણીના વાતાવરણમાં અંતરાય સહિતના અપતટીય ઊર્જા અને દરિયાઈ માળખાગત પ્રકલ્પો માટે મહત્વના એવા વિશિષ્ટ પાણીના પ્રવાહોમાં જટિલ ઇજનેરી પ્રક્રીયા જેવી બાબતોનો સમાવેશ થાય છે. આ પ્રકલ્પોમાં અદ્યતન જહાજો, દૂરસ્થ રીતે સંચાલિત વાહન (ROV) સિસ્ટમ્સ અને ઉચ્ચ-સ્તરીય કામગીરીની જરૂરિયાત રહે છે.

3,૦૦૦ મીટરથી વધુ ઉંડા પાણીમાં કામ કરવાની ક્ષમતા ધરાવતા એસ્ટ્રો એટલાસ એસ્ટ્રો ઓફશોરને અલ્ટ્રા-ડીપવોટર ક્ષેત્રમાં પ્રવેશને સક્ષમ બનાવશે, જે વધુ મુશ્કેલ, ઉચ્ચ-મૂલ્યવાળા ઓફશોર પ્રકલ્પોની પહોંચને ખોલશે. તેની અદ્યતન DP2 સિસ્ટમ અને મજબૂત ડિઝાઇન પડકારજનક વાતાવરણમાં સલામત અને કાર્યક્ષમ કામગીરીને મજબૂત આધાર આપે છે. એસ્ટ્રો ઓફશોર પાણીની અંદર બાંધકામ માટે એનર્જી સવાનાહ (જેને એસ્ટ્રો એટલાસ નામ આપવામાં આવશે) DP2 97-મીટર બહુલક્ષી આધાર સમાન જહાજના ઉમેરા સાથે તેના કાફલાનું વિસ્તરણ કરી રહ્યું છે.

આ કરાર યુરોપમાં વિશિષ્ટ સબસી કામગીરીમાં અદાણી પોર્ટસના પ્રવેશને ચિહ્નિત કરી વિશ્વના સૌથી મોટા મરીન પ્લેટફોર્મમાંથી એક બનાવવાની તેની મહત્વાકાંક્ષાને આગળ ધપાવે છે.

આ પ્રગતિ કંપનીના લોજિસ્ટિક્સ, ઓફશોર સપોર્ટ, પાણીમાં ઇજનેરી અને ઊંડા પાણીની માળખાકીય સેવાઓને આવરી લેતા વિશ્વના સૌથી મોટા સંકલિત મરીન પ્લેટફોર્મમાંથી એક બનાવવાની વ્યૂહરચના સાથે સુમેળ સાધીને તેના લાંબા ગાળાના રોડ મેપના ભાગ રૂપે કંપની ૨૦૩૧ના નાણાકીય વર્ષ સુધીમાં 200-જહાજોના કાફલાને લક્ષ્ય બનાવી રહી છે, જેમાં રુ.૬,000 કરોડની દરિયાઈ આવક અને રુ.૧૩,000 કરોડના આયોજિત મૂડીખર્ચ શામેલ છે.