સુરતઃ અખિલ ભારતીય શૈક્ષણિક મહાસંઘ, લિંબાયત ઝોન, સુરત મહાનગરના પ્રાથમિક સંવર્ગ તથા HTAT સંવર્ગના સંયુક્ત ઉપક્રમે તા. 29-07-2026, બુધવારના રોજ ગુરુપૂર્ણિમાના પાવન અવસરે શાળા નં. 140/146, ઈશ્વરપરા, નવાગામ ખાતે ભવ્ય ‘ગુરુ વંદના કાર્યક્રમ’નું સફળતાપૂર્વક આયોજન કરવામાં આવ્યું હતું.
કાર્યક્રમનું આયોજન લિંબાયત ઝોનના અધ્યક્ષ રાકેશ પાટીલ તથા સુરત મહાનગરના કાર્યાલય મંત્રી શ્રી રામદાસભાઈ ઠાકરેના માર્ગદર્શન અને નેતૃત્વ હેઠળ કરવામાં આવ્યું હતું.કાર્યક્રમના મુખ્ય વક્તા તરીકે સુરેન્દ્ર પરીખજી (ગોડાદરા ભાગ, કુટુંબ પ્રબોધન સંયોજક, RSS) ઉપસ્થિત રહ્યા હતા. તેમણે ગુરુના મહિમા, શિક્ષકના કર્તવ્ય, રાષ્ટ્ર નિર્માણમાં શિક્ષકની જવાબદારી તથા સમાજના સર્વાંગી વિકાસમાં શિક્ષકની મહત્વપૂર્ણ ભૂમિકા અંગે પ્રેરણાદાયી અને વિચારપ્રેરક માર્ગદર્શન આપ્યું હતું.
કાર્યક્રમમાં અતિથિ વિશેષ તરીકે નગર પ્રાથમિક શિક્ષણ સમિતિ, સુરત (મરાઠી માધ્યમ)ના નિરીક્ષક નુરૂદ્દીનભાઈ શાહ ઉપસ્થિત રહ્યા હતા. તેમણે પોતાના સંબોધનમાં શિક્ષકોને ગુણવત્તાયુક્ત શિક્ષણ, મૂલ્યનિષ્ઠ શિક્ષણ અને સંસ્કાર આધારિત સમાજ નિર્માણ માટે સતત કાર્યરત રહેવા પ્રેરણા આપી હતી.
આ પ્રસંગે સુરત મહાનગરના મહામંત્રી ડૉ. દિનેશ વાઘ સાહેબે અખિલ ભારતીય શૈક્ષણિક મહાસંઘના ધ્યેય, ઉદ્દેશ્યો, કાર્યપદ્ધતિ તેમજ શિક્ષક હિત માટે સંઘ દ્વારા કરવામાં આવતી વિવિધ રચનાત્મક પ્રવૃત્તિઓ અંગે વિસ્તૃત માહિતી આપી હતી.
કાર્યક્રમમાં ઉપસ્થિત મહાનુભાવોનું ઉષ્માભર્યું સ્વાગત શ્રીમતી કલ્પનાબેન પવાર (મહિલા ઉપાધ્યક્ષ, લિંબાયત ઝોન) દ્વારા કરવામાં આવ્યું હતું. મુખ્ય વક્તા અને મહેમાનોનો પરિચય વાસુદેવ પાટીલ (સંગઠન મંત્રી, લિંબાયત ઝોન) દ્વારા કરાવવામાં આવ્યો હતો. કાર્યક્રમનું અસરકારક અને સુવ્યવસ્થિત સૂત્રસંચાલન ઇન્દિરાબેન પટેલ (મહિલા મહામંત્રી, લિંબાયત ઝોન) દ્વારા કરવામાં આવ્યું હતું.
આ અવસરે સુરત મહાનગરના પ્રચાર મંત્રી ચંદુભાઈ સાહેબ તેમજ સહ સંગઠન મંત્રી દીપકભાઈ ત્રિવેદી પણ વિશેષ ઉપસ્થિત રહ્યા હતા અને કાર્યક્રમને સફળ બનાવવામાં મહત્વપૂર્ણ સહભાગી બન્યા હતા.
કાર્યક્રમમાં લિંબાયત ઝોનની વિવિધ શાળાઓમાંથી મોટી સંખ્યામાં આચાર્યશ્રીઓ, શિક્ષકમિત્રો તથા શિક્ષિકા બહેનોએ ઉત્સાહપૂર્વક ઉપસ્થિતિ નોંધાવી હતી. સૌના સક્રિય સહભાગ અને સહકારથી સમગ્ર કાર્યક્રમ સફળતાપૂર્વક તથા ભવ્ય રીતે સંપન્ન થયો હતો.
કાર્યક્રમને સફળ બનાવવા માટે શાળા નં. 140/146ના આચાર્યશ્રી કિશોરભાઈ દેસલે તથા સમગ્ર શાળા પરિવારના અમૂલ્ય સહયોગ બદલ વિશેષ આભાર વ્યક્ત કરવામાં આવ્યો હતો.
અંતમાં કાર્યક્રમમાં ઉપસ્થિત અખિલ ભારતીય શૈક્ષણિક મહાસંઘ, લિંબાયત ઝોનના તમામ હોદ્દેદારો, આચાર્યશ્રીઓ, શિક્ષકમિત્રો, શિક્ષિકા બહેનો તથા સહયોગી કાર્યકરો પ્રત્યે અખિલ ભારતીય શૈક્ષણિક મહાસંઘ, લિંબાયત ઝોન, સુરત મહાનગર દ્વારા હૃદયપૂર્વક કૃતજ્ઞતા વ્યક્ત કરવામાં આવી હતી. સૌના સહયોગ અને સમર્પણથી ગુરુપૂર્ણિમાનો આ પાવન કાર્યક્રમ જ્ઞાન, સંસ્કાર અને ગુરુ-શિષ્ય પરંપરાના મૂલ્યોને ઉજાગર કરતો યાદગાર પ્રસંગ બની રહ્યો હતો.
