સુરતઃ- ટીએમ પટેલ ઈન્ટરનેશનલ સ્કૂલ દ્વારા દેશ માટે મહાપુરુષોએ આપેલા બલિદાનને બિરદાવવા અને વિદ્યાર્થીઓમાં દેશભક્તિની ભાવનાને પ્રોત્સાહિત કરવા 76માં સ્વાતંત્ર્ય પર્વની ઉત્સાહભેર ઉજવણી કરવામાં આવી હતી. આ રંગારંગ સાંસ્કૃતિક કાર્યક્રમ રજૂ કરવા પૂર્વ-પ્રાથમિક, પ્રાથમિક, માધ્યમિક શાળા અને માધ્યમિક વિભાગના 260 જેટલા વિદ્યાર્થીઓએ ભાગ લીધો હતો.
શાળાની ટીમ દ્વારા સમગ્ર શાળાને વિવિધ કલાકૃતિઓથી શણગારવામાં આવી હતી. સમારંભની શરૂઆત મુખ્ય મહેમાન હરીશભાઈ પટેલ (અધ્યક્ષ) અને ટીએમ પટેલ ઈન્ટરનેશનલ સ્કૂલના આચાર્ય કે મેક્સવેલ મનોહર દ્વારા રાષ્ટ્રધ્વજ લહેરાવીને કરવામાં આવી હતી.
ટીએમ પટેલ ઇન્ટરનેશનલ સ્કૂલની યુવા પ્રતિભાઓના આકર્ષક પ્રદર્શનમાં દેશભક્તિના ગીતો, અટલ બિહારી વાજપેયીના કાવ્ય પઠન, પ્રેરક ભાષણો અને આકર્ષક નૃત્ય પ્રદર્શનનો સમાવેશ થાય છે. શાળાના બેન્ડે તેમના સુંદર પ્રદર્શનથી શ્રોતાઓના દિલ જીતી લીધા અને સૌનો આભાર માનીને કાર્યક્રમનો અંત આવ્યો.
