સુરતની સેન્ટ માર્કસ સ્કૂલનું SSC પરિણામ ઝળહળ્યું: નબોદિતા કર 99.36 પર્સન્ટાઈલ સાથે પ્રથમ
A1ના 7 અને A2ના 18 વિદ્યાર્થીઓ સહિત કુલ 25એ મેળવી વિશિષ્ટ સફળતા, શાળાનું કુલ પરિણામ 88%
સુરતના અડાજણ વિસ્તારમાં આવેલી સેન્ટ માર્કસ હાયર સેકન્ડરી સ્કૂલનું ધોરણ 10 (SSC)નું પરિણામ આ વર્ષે ઉત્કૃષ્ટ રહ્યું છે. જાહેર થયેલા પરિણામમાં નબોદિતા દિલિપ કરએ 99.36 પર્સન્ટાઈલ સાથે શાળામાં પ્રથમ ક્રમાંક મેળવ્યો છે. તેણે સામાજિક વિજ્ઞાન અને સંસ્કૃત વિષયમાં 100 માંથી 100 ગુણ મેળવી વિશેષ સિદ્ધિ નોંધાવી છે.
દ્વિતીય ક્રમે દિયા શિલ્પેશકુમાર ઘીવાલા (98.72 પર્સન્ટાઈલ) અને તૃતીય ક્રમે માન્યા દિલિપ સંઘવી (98.14 પર્સન્ટાઈલ) રહ્યા છે. શાળાનું કુલ પરિણામ 88% આવ્યું છે, જે ગૌરવની બાબત માનવામાં આવે છે.
આ વર્ષે A1 ગ્રેડમાં 7 અને A2 ગ્રેડમાં 18 વિદ્યાર્થીઓ મળીને કુલ 25 વિદ્યાર્થીઓએ ઉત્તમ પ્રદર્શન કર્યું છે. શાળા પરિવાર દ્વારા તમામ સફળ વિદ્યાર્થીઓને અભિનંદન પાઠવવામાં આવ્યા છે.
શાળાના ટ્રસ્ટી બી.વી.એસ. રાવ, સુશીલા મેડમ, પ્રિન્સીપાલ પ્રણબકુમાર નાઇક, એડમિનિસ્ટ્રેટર ડેવિડ સર તેમજ શિક્ષકમંડળે વિદ્યાર્થીઓની સિદ્ધિની પ્રશંસા કરી અને તેમના ઉજ્જવળ ભવિષ્ય માટે શુભેચ્છાઓ પાઠવી.
આ પ્રસંગે સફળ વિદ્યાર્થીઓને શિલ્ડ આપી સન્માનિત કરવામાં આવ્યા હતા તેમજ તેમના વાલીઓને પુષ્પગુચ્છ આપી અભિનંદન આપવામાં આવ્યા હતા. શાળાએ જણાવ્યું કે વિદ્યાર્થીઓનો કઠોર પરિશ્રમ, શિક્ષકોનું માર્ગદર્શન અને વાલીઓના સહકારથી આ સફળતા શક્ય બની છે.
વિદ્યાર્થીઓએ સાબિત કર્યું કે “જો સફળતા મેળવવી હોય તો બહાના છોડવા પડે” તેમજ “સંઘર્ષને આદત બનાવશો તો સફળતા તમારી તકદીર બની જશે.”
