એજ્યુકેશન
ધ રેડિયન્ટ ઇન્ટરનેશનલ સ્કૂલની અન્ડર-17 ગર્લ્સ રોલબોલ ટીમે રાજ્ય કક્ષાએ કાંસ્ય ચંદ્રક જીત્યો
Gujarat State Roll Ball Championship 2026–27માં શાનદાર પ્રદર્શન સાથે ત્રીજું સ્થાન મેળવ્યું
સુરત : ધ રેડિયન્ટ ઇન્ટરનેશનલ સ્કૂલની Under-17 Girls Roll Ball Teamએ Roll Ball Association of Gujarat દ્વારા આયોજિત Gujarat State Roll Ball Championship 2026–27માં ઉત્કૃષ્ટ પ્રદર્શન કરીને ત્રીજું સ્થાન મેળવ્યું છે. ટીમે શાનદાર રમતનું પ્રદર્શન કરી કાંસ્ય ચંદ્રક પોતાના નામે કર્યો હતો.
13 સપ્ટેમ્બર, 2026ના રોજ પ્રાપ્ત થયેલી આ સિદ્ધિ ખેલાડીઓની ટીમવર્ક, સતત મહેનત, દૃઢ નિશ્ચય અને રમતગમતની ભાવનાનું પરિણામ હોવાનું શાળા દ્વારા જણાવાયું હતું. રાજ્ય કક્ષાની સ્પર્ધામાં ટીમના ખેલાડીઓએ જહેમત અને ઉત્સાહપૂર્વક રમત રમીને શાળાનું ગૌરવ વધાર્યું હતું.
આ સિદ્ધિ બદલ ધ રેડિયન્ટ ઇન્ટરનેશનલ સ્કૂલ પરિવાર દ્વારા તમામ ખેલાડીઓને હાર્દિક અભિનંદન પાઠવવામાં આવ્યા હતા. શાળા પરિવારએ ખેલાડીઓના ઉજ્જવળ ભવિષ્ય માટે શુભેચ્છાઓ પાઠવી હતી.
