ગુરુગ્રામ, 4 ઑગસ્ટ, 2026:એક ઉલ્લેખનીય ઓટોમોટિવ ક્ષમતાના નોંધપાત્ર પ્રદર્શન સાથે નિસાન મોટર ઇન્ડિયા પ્રાઇવેટ લિમિટેડ (એનએમઆઇપીએલ)એ એસયુવી ક્ષેત્રમાં નિસાનના 75 વર્ષના શ્રેષ્ઠ વારસાને વધુ મજબૂત બનાવી છે. નિસાન મોટર ઇન્ડિયાએ ‘લેહ સુધી પહોંચેલા એક જ મોડલના સૌથી વધુ ફોર-વ્હીલ વાહનોના કાફલા’ તરીકે ઇન્ડિયા બુક ઑફ રેકોર્ડ્સમાં સ્થાન મેળવ્યું છે. નવી નિસાન ટેક્ટોન પ્રીમિયમ એસયુવીના 60 વાહનોના કાફલાએ સફળતાપૂર્વક પાંચ દિવસીય હિમાલયન અભિયાન પૂર્ણ કર્યું. આ અભિયાન દરમિયાન 700 કિલોમીટરથી વધુનું અંતર કાપવામાં આવ્યું હતું. ચંડીગઢની 1,053 ફૂટની ઊંચાઈથી લઈને શિંકુ લા પાસની 16,703 ફૂટ અને લેહની 11,480 ફૂટની ઊંચાઈ સુધી વાહનોને લઈ જવામાં આવ્યા હતા. આ અભિયાન દ્વારા નિસાનની નવી પ્રીમિયમ એસયુવીની ક્ષમતા, મજબૂતાઈ અને એન્જિનિયરિંગની શક્તિનું પ્રદર્શન કરવામાં આવ્યું હતું.
આ રેકોર્ડ સર્જનારા અભિયાનમાં હાઇવે, પહાડી વિસ્તારો, બદલાતી હવામાન પરિસ્થિતિઓ તેમજ ઊંચાઈવાળા વિસ્તારોમાં નવી નિસાન ટેક્ટોનની ક્ષમતા ઉજાગર થઈ હતી. આ માત્ર એક સિદ્ધિ નથી, પરંતુ ચંડીગઢ–મનાલી–જાંગલા માર્ગે શિંકુ લા પાસ થઈ લેહ સુધીની વિવિધ અને પડકારજનક પરિસ્થિતિઓમાં ટેક્ટોનના ઉત્કૃષ્ટ પ્રદર્શનનો પુરાવો છે. સમગ્ર પ્રવાસ દરમિયાન ટેક્ટોનના કાફલાને મીડિયા પ્રતિનિધિઓ અને ઓટોમોબાઇલ ઉદ્યોગના નિષ્ણાતોએ ચલાવ્યો હતો.
આ સિદ્ધિ અંગે નિસાન મોટર ઇન્ડિયાના મેનેજિંગ ડિરેક્ટર સૌરભ વત્સે જણાવ્યું હતું કે, “નવી નિસાન ટેક્ટોન સાથે ઇન્ડિયા બુક ઑફ રેકોર્ડ્સમાં સ્થાન મેળવવું નિસાન મોટર ઇન્ડિયા માટે ગૌરવની ક્ષણ છે અને એસયુવી ક્ષેત્રમાં અમારી 75 વર્ષની ઉજવણી માટે પણ એક મહત્વપૂર્ણ સિદ્ધિ છે. 60 ટેક્ટોન એસયુવીએ સફળતાપૂર્વક આ હિમાલયન અભિયાન પૂર્ણ કરીને વાસ્તવિક પરિસ્થિતિઓમાં તેની ક્ષમતા, મજબૂતાઈ અને એન્જિનિયરિંગની શક્તિ સાબિત કરી છે. આ ઉપલબ્ધિ દરેક સફરમાં ગ્રાહકોને આત્મવિશ્વાસ આપતી પ્રીમિયમ એસયુવી પ્રદાન કરવાની નિસાનની પ્રતિબદ્ધતાને દર્શાવે છે. સાથે જ તે અમારા વિશ્વાસને વધુ મજબૂત બનાવે છે કે નવી ટેક્ટોન ભારતની વિવિધ માર્ગ અને હવામાન પરિસ્થિતિઓમાં શ્રેષ્ઠ પ્રદર્શન કરવા માટે જ તૈયાર કરવામાં આવી છે.”
સિદ્ધિ વિશે:ઇન્ડિયા બુક ઑફ રેકોર્ડ્સમાં સ્થાન મેળવવાની આ સિદ્ધિએ માત્ર એસયુવી સેગમેન્ટમાં નિસાનની લાંબા સમયથી ચાલી આવતી મજબૂત પરંપરાને વધુ મજબૂત બનાવી નથી, પરંતુ નવી નિસાન ટેક્ટોન વિવિધ અને પડકારજનક ભૌગોલિક પરિસ્થિતિઓમાં પણ ઉત્તમ પ્રદર્શન કરવામાં સક્ષમ છે તે પણ સાબિત કર્યું છે.
નિસાનની પ્રતિષ્ઠિત પેટ્રોલ (Patrol)થી પ્રેરિત આ પ્રીમિયમ એસયુવી આકર્ષક ડિઝાઇન, જાપાની કારીગરી, અદ્યતન સલામતી ટેક્નોલોજી, ગૂગલ બિલ્ટ-ઇન સાથે ગૂગલ પ્લે મારફતે 200થી વધુ એપ્સની સુવિધા અને 100 ટકા ટર્બોચાર્જ્ડ એન્જિન લાઇન-અપ જેવી વિશેષતાઓથી સજ્જ છે. સમગ્ર પ્રવાસ દરમિયાન 60 નિસાન ટેક્ટોન એસયુવીના કાફલાને ઓટોમોબાઇલ ઉદ્યોગના નિષ્ણાતો અને મીડિયા પ્રતિનિધિઓએ ચલાવ્યો હતો.
નિસાનની ‘વન કાર, વન વર્લ્ડ’ ફિલોસોફી હેઠળ ચેન્નાઈ સ્થિત પ્લાન્ટમાં નિર્માણ પામેલી નવી નિસાન ટેક્ટોનને ભારતીય ગ્રાહકોની જરૂરિયાતોને ધ્યાનમાં રાખીને ભારતમાં વિકસાવવામાં આવી છે. સાથે જ તેનું મધ્ય પૂર્વ અને આફ્રિકા જેવા આંતરરાષ્ટ્રીય બજારોમાં પણ નિકાસ કરવામાં આવશે.
નવી નિસાન ટેક્ટોનની શરૂઆતની એક્સ-શોરૂમ કિંમત ટર્બો T160 રેન્જ માટે ₹10.49 લાખ અને ટર્બો T280 રેન્જ માટે ₹14.99 લાખ નક્કી કરવામાં આવી છે. તેની બુકિંગ દેશભરના નિસાન ડીલરશિપ નેટવર્ક તેમજ ડિજિટલ પ્લેટફોર્મ્સ પર શરૂ થઈ ચૂકી છે. ગ્રાહકોને વાહનની ડિલિવરી 20 જુલાઈ, 2026થી શરૂ થઈ ગઈ છે.
