સુરત: શહેરના ઘોડદોડ રોડ વિસ્તારમાં આવેલી SpineX Global દ્વારા બાળકો માટે ખાસ “Little Leapers” સમર કેમ્પનું આયોજન કરવામાં આવ્યું હતું. 4 થી 10 વર્ષના બાળકોને ધ્યાનમાં રાખીને તૈયાર કરાયેલા આ કેમ્પનો મુખ્ય હેતુ બાળકોને મોબાઈલ અને ગેજેટ્સથી દૂર રાખી તેમની શારીરિક તંદુરસ્તી, માનસિક એકાગ્રતા અને સ્વસ્થ જીવનશૈલી તરફ પ્રેરિત કરવાનો રહ્યો હતો.
કેમ્પ દરમિયાન બાળકોના સર્વાંગી વિકાસ માટે પ્લે-બેઝડ એક્સરસાઇઝ, મૂવમેન્ટ એક્ટિવિટી તેમજ ફોકસ ટ્રેનિંગ જેવી વિવિધ પ્રવૃત્તિઓ યોજાઈ હતી. આયોજકોના જણાવ્યા મુજબ, બાળકોમાં હેલ્ધી હેબિટ્સ વિકસે, હાઇપરએક્ટિવિટી ઘટે અને તેઓ આનંદ સાથે સક્રિય રહે તે હેતુથી આ સમર કેમ્પનું આયોજન કરવામાં આવ્યું હતું.
સમર કેમ્પ પૂર્ણ કરનાર તમામ બાળકોને સર્ટિફિકેટ તથા ગુડીઝ કિટ આપી પ્રોત્સાહિત કરવામાં આવ્યા હતા.
