મન કી બાત’ના 138મા એપિસોડનું સુરત શહેરના 3,099 બુથો પર આયોજન
મન કી બાતના 138મા એપિસોડનું સુરત રેલવે સ્ટેશન ખાતે કુલી એસોસિએશન દ્વારા ખાસ આયોજન કરવામાં આવ્યું
સુરત: વડાપ્રધાન નરેન્દ્રભાઈ મોદીના લોકપ્રિય કાર્યક્રમ ‘મન કી બાત’ના 138મા એપિસોડનું સુરત રેલવે સ્ટેશન ખાતે કુલી એસોસિએશન દ્વારા આયોજન કરવામાં આવ્યું હતું. કાર્યક્રમમાં આશરે 200 કુલી ભાઈઓએ ઉપસ્થિત રહી ‘મન કી બાત’ કાર્યક્રમ નિહાળ્યો હતો.
આ પ્રસંગે સુરત મહાનગર ભાજપા મહામંત્રી કરસનભાઈ ગોંડલિયા, મહામંત્રી દુર્ગા પ્રસાદ પાંડેજી, પૂર્વ પી.એસ.પી.એ.પી. મેમ્બર તથા રેલવે બોર્ડના છોટુભાઈ પાટીલ, ગુજરાત પ્રદેશ સંગઠનના ‘મન કી બાત’ ના ગુજરાત પ્રદેશ ના સહ સંયોજક અને દક્ષિણ ઝોનના પ્રભારી નિરવભાઈ શાહ, ‘મન કી બાત’ના સુરત શહેર ના ઇન્ચાર્જ-સહ ઇન્ચાર્જ તેમજ શહેર સંગઠનના હોદ્દેદારો ઉપસ્થિત રહ્યા હતા અને વડાપ્રધાનનું સંબોધન સાંભળ્યું હતું.આ કાર્યક્રમનું આયોજન કુલી એસોસિએશન દ્વારા કરવામાં આવ્યું હતું, જેમાં આયોજક તરીકે મનીષભાઈએ મહત્વની ભૂમિકા ભજવી હતી.
વડાપ્રધાન નરેન્દ્રભાઈ મોદીના લોકપ્રિય રેડિયો કાર્યક્રમ ‘મન કી બાત’ના 138મા એપિસોડનું સુરત મહાનગરમાં 30 વોર્ડમાં વિવિધ સ્થળોએ આયોજન કરવામાં આવ્યું હતું. સુરત શહેરમાં કુલ 3,099 બુથો ખાતે ધારાસભ્યશ્રીઓ,વોર્ડ પ્રમુખશ્રીઓ, વોર્ડ મહામંત્રીઓ, કોર્પોરેટરઓ, વોર્ડના હોદ્દેદારઓ, બુથ પ્રમુખઓ,કાર્યકર્તાઓ અને નાગરિકોએ એકત્ર થઈને ‘મન કી બાત’ કાર્યક્રમનું પ્રસારણ સાંભળ્યું હતું.
‘મન કી બાત’ કાર્યક્રમના માધ્યમથી વડાપ્રધાન દેશના વિવિધ ક્ષેત્રોમાં નોંધપાત્ર કામગીરી કરનારા નાગરિકો, સંસ્થાઓ અને સમાજના વિવિધ વર્ગોની સિદ્ધિઓ તથા દેશના વિકાસ સાથે જોડાયેલા વિષયો અંગે દેશવાસીઓ સાથે સંવાદ કરે છે. સુરત શહેરમાં પણ મોટી સંખ્યામાં નાગરિકો અને કાર્યકર્તાઓએ આ કાર્યક્રમમાં જોડાઈને ‘મન કી બાત’ સાંભળી હતી.
