અલથાણમાં BMGG ગરબા ક્લાસનું ભવ્ય ઉદ્ઘાટન
નવરાત્રીની તૈયારીઓનો પ્રારંભ, ગરબા રસિકોને #RAMVAAVO સાથે જોડાવા આમંત્રણ
સુરત: નવરાત્રીને હજુ થોડો સમય બાકી હોવા છતાં સુરતમાં ગરબાની તૈયારીઓનો માહોલ અત્યારથી જ જામવા લાગ્યો છે. શહેરના અલથાણ વિસ્તારમાં Bhavin’s Millennium Garba Group (BMGG) દ્વારા ગરબા ક્લાસનું ભવ્ય ઉદ્ઘાટન કરવામાં આવ્યું હતું, જેને લઈને ગરબા રસિકોમાં ભારે ઉત્સાહ જોવા મળ્યો હતો.
અલથાણ-ભટાર કોમ્યુનિટી હોલ, સોહમ સર્કલ નજીક યોજાયેલા ગ્રાન્ડ ઓપનિંગ કાર્યક્રમમાં મોટી સંખ્યામાં યુવાનો, મહિલાઓ અને બાળકો ઉપસ્થિત રહ્યા હતા. કાર્યક્રમ દરમિયાન આગામી નવરાત્રી માટેની તૈયારીઓ, નવી બેચ, તાલીમ પદ્ધતિ અને વિવિધ ગરબા શૈલીઓ અંગે વિસ્તૃત માહિતી આપવામાં આવી હતી.
Bmgg ના સંચાલક ભાવિન કડીવાળા ના જણાવ્યા અનુસાર, BMGG દ્વારા ગરબા શીખવા ઇચ્છુક તમામ વયજૂથના લોકોને વ્યાવસાયિક તાલીમ પૂરી પાડવામાં આવશે. સાથે જ સુરતનો સૌથી મોટો અને શ્રેષ્ઠ ગરબા ક્લાસ વિકસાવવાનો પ્રયાસ કરવામાં આવી રહ્યો છે.
BMGG દ્વારા ગરબા પ્રેમીઓને #RAMVAAVO અભિયાન સાથે જોડાઈને નવરાત્રીની ઉજવણી માટે અત્યારથી જ તૈયારી શરૂ કરવા આમંત્રણ આપવામાં આવ્યું છે. ભાવિન કડીવાળા નું માનવું છે કે નિયમિત તાલીમ અને યોગ્ય માર્ગદર્શન દ્વારા ગરબા રસિકો પોતાની પ્રતિભાને વધુ નિખારી શકશે અને આવનારી નવરાત્રીમાં શ્રેષ્ઠ પ્રદર્શન કરી શકશે.
કાર્યક્રમ દરમિયાન ઉપસ્થિત ગરબા પ્રેમીઓએ નવા ક્લાસની શરૂઆતને આવકારી હતી અને નવરાત્રી પૂર્વે જ મળતી તાલીમને લઈને ખુશી વ્યક્ત કરી હતી.
