સુરત: સરસાણા સ્થિત AC Dome ખાતે Surat Mandap Electric Association દ્વારા Decore Meet 2026 અંતર્ગત 32મી એન્યુઅલ કોન્ફરન્સ અને એક્ઝિબિશનનું ભવ્ય આયોજન કરવામાં આવ્યું છે. આ પ્રદર્શનમાં મંડપ, ઇવેન્ટ, લાઇટિંગ, ડેકોરેશન, ટેક્સટાઇલ સહિત વિવિધ ક્ષેત્ર સાથે સંકળાયેલા વેપારીઓ અને વ્યવસાયિકોએ ઉત્સાહપૂર્વક ભાગ લીધો છે.
પ્રદર્શનમાં આશરે 200 જેટલા સ્ટોલ ઊભા કરવામાં આવ્યા છે, જેમાં સમગ્ર ગુજરાતમાંથી ઇવેન્ટ, મંડપ, લાઇટિંગ અને ડેકોરેશન ક્ષેત્ર સાથે સંકળાયેલા વેપારીઓ અને ઉત્પાદકો જોડાયા છે. મુલાકાતીઓને અહીં મંડપ ડેકોરેશનની નવી ડિઝાઇન, આધુનિક પ્રોડક્ટ્સ, લાઇટિંગ ટેકનોલોજી તથા ઇવેન્ટ ડેકોરેશનના નવા ટ્રેન્ડ્સ જોવા મળી રહ્યા છે.
Decore Meet 2026ના ચેરમેન મુકેશ મિસ્ત્રીએ જણાવ્યું હતું કે, “આ પ્રદર્શનમાં આશરે 200 જેટલા સ્ટોલ છે અને સમગ્ર ગુજરાતમાંથી આ ક્ષેત્ર સાથે સંકળાયેલા લોકો અહીં જોડાયા છે. પ્રદર્શન આગામી સોમવાર સુધી ચાલુ રહેશે. નવી ડિઝાઇન અને નવા ટ્રેન્ડ્સને એક જ સ્થળે જોવા અને સમજવાની મુલાકાતીઓને ઉત્તમ તક મળી રહી છે.”
Surat Mandap Electric Associationના પ્રમુખ મગનભાઈએ જણાવ્યું હતું કે, “એસોસિએશન દ્વારા આયોજિત આ પ્રદર્શન મંડપ, ઇલેક્ટ્રિકલ, લાઇટિંગ અને ડેકોરેશન ક્ષેત્રના વ્યવસાયિકો માટે એક મહત્વપૂર્ણ પ્લેટફોર્મ બની રહ્યું છે. ઉદ્યોગના વિકાસ સાથે નવી ટેકનોલોજી અને નવા ટ્રેન્ડ્સને પ્રોત્સાહન આપવાનો આ પ્રયાસ છે.”
કોરાટ એન્ટરપ્રાઇઝિસના CEO રીત્વિક ગોરાટે જણાવ્યું હતું કે, “સુરત મંડપ એસોસિએશન દ્વારા 8, 9 અને 10 તારીખે આયોજિત આ મંડપ ડેકોરેશન પ્રદર્શન ખૂબ જ સુંદર રીતે યોજાયું છે. ગ્રાહકો સરળતાથી પ્રદર્શનની મુલાકાત લઈ રહ્યા છે અને સમગ્ર સંચાલન પણ ખૂબ જ વ્યવસ્થિત છે. અમારી કંપનીનું મુખ્ય કાર્ય મંડપ ડેકોરેશન માટે બેકડ્રોપ અને ખુરશીના કવરનું હોલસેલ સપ્લાય કરવાનું છે.”
સાગર ટેક્સટાઇલના મુકેશ જૈને જણાવ્યું હતું કે, “આ પ્રદર્શન ખૂબ જ શાનદાર છે અને અહીંનું મેનેજમેન્ટ પણ ખૂબ જ સુંદર રીતે કરવામાં આવ્યું છે. અમે મંડપ ડેકોરેશન સાથે સંબંધિત વિવિધ પ્રકારના ટેક્સટાઇલ પ્રોડક્ટ્સ આ પ્રદર્શનમાં રજૂ કર્યા છે.”
લેક્સસ લાઇટિંગના તેજસે જણાવ્યું હતું કે, “હાલમાં ઇવેન્ટ ડેકોરેશનમાં Glow Garden Theme Lightingનો ટ્રેન્ડ ખૂબ જોવા મળી રહ્યો છે. વિવિધ પ્રકારની લાઇટિંગનો ઉપયોગ કરીને ગાર્ડન તથા ઓપન વેન્યુને આકર્ષક અને પ્રીમિયમ લુક આપવામાં આવી રહ્યો છે.”
Saarthi Event & Media Group દ્વારા સમગ્ર મેનેજમેન્ટ
Decore Meet 2026નું સમગ્ર ઇવેન્ટ મેનેજમેન્ટ Saarthi Event & Media Group દ્વારા Rikin Vyasના નેતૃત્વ હેઠળ કરવામાં આવ્યું હતું. પ્રદર્શનને સફળ બનાવવા માટે એસોસિએશન દ્વારા Saarthi Event & Media Group અને સમગ્ર મેનેજમેન્ટ ટીમનો આભાર વ્યક્ત કરવામાં આવ્યો હતો.
આ સમગ્ર આયોજનને સફળ બનાવવામાં Surat Mandap Electric Associationના હોદ્દેદારો, મેનેજિંગ કમિટી તથા તમામ સભ્યોનો મહત્વપૂર્ણ ફાળો રહ્યો છે. એસોસિએશનના સભ્યોના સહકાર, આયોજનબદ્ધ કામગીરી અને મહેનતના પરિણામે Decore Meet 2026ને સફળતા મળી રહી છે. Decore Meet 2026 માત્ર એક પ્રદર્શન નહીં પરંતુ મંડપ, ઇવેન્ટ, લાઇટિંગ અને ડેકોરેશન ક્ષેત્રના વ્યવસાયિકોને એકસાથે લાવતું એક મહત્વપૂર્ણ બિઝનેસ અને નેટવર્કિંગ પ્લેટફોર્મ બની રહ્યું છે.
