સ્પેક્ટ્રમ એડવાન્સ આઈ કેર અને સ્પેક્ટ્રમ આઈ મેક્સનું વિસ્તરણ, 11 ઓક્ટોબરે ZEISS VisuMax SMILE pro સુવિધાનું ઉદ્ઘાટન
ચશ્માના નંબર દૂર કરવા માટેની અદ્યતન ટેકનોલોજી સાથે ત્રાસી આંખ, રેટિના, કોર્નિયા, મોતિયા, ગ્લોકોમા અને કોર્નિયા ટ્રાન્સપ્લાન્ટ સહિતની આંખની સારવારની સુવિધા એક જ સ્થળે
સુરત : સુરત અને દક્ષિણ ગુજરાતના લોકોને છેલ્લા 25 વર્ષથી આંખની સારવારની સેવાઓ પૂરી પાડતી સ્પેક્ટ્રમ એડવાન્સ આઈ કેર અને સ્પેક્ટ્રમ આઈ મેક્સ દ્વારા હોસ્પિટલનું વિસ્તરણ કરવામાં આવ્યું છે. ટાઇટેનિયમ સ્ક્વેર, અડાજણ ગામ, અડાજણ હજીરા રોડ, સુરત ખાતે દર્દીઓને આંખની સારવારની વધુ આધુનિક અને અદ્યતન સુવિધાઓ મળી રહે તે હેતુથી વિશ્વસ્તરીય ટેકનોલોજી અને મેડિકલ સુવિધાઓનો ઉમેરો કરવામાં આવ્યો છે.
સમગ્ર દક્ષિણ ગુજરાતમાં પ્રથમ આ હોસ્પિટલ ખાતે ચશ્માના નંબર દૂર કરવા માટે વિશ્વસ્તરીય ટેકનોલોજી અને અદ્યતન મશીનરી ઉપલબ્ધ કરવામાં આવી છે. આ અંતર્ગત 11 ઓક્ટોબરના રોજ ZEISS VisuMax SMILE pro સુવિધાનું ઉદ્ઘાટન કરવામાં આવશે. દર્દીઓને ચશ્માના નંબર દૂર કરવાની શ્રેષ્ઠ અને આધુનિક સુવિધા ઉપલબ્ધ કરાવવા માટે સંસ્થા સતત પ્રયત્નશીલ હોવાનું હોસ્પિટલ સંચાલકોએ જણાવ્યું હતું.
સંસ્થાના જણાવ્યા મુજબ, સમયની સાથે આંખોની સારવાર ક્ષેત્રે નવી ટેકનોલોજી ઉપલબ્ધ થતી જાય છે અને તે પ્રમાણે હોસ્પિટલમાં પણ સારવારની સુવિધાઓને સતત અપગ્રેડ કરવામાં આવે છે. હોસ્પિટલમાં રેટિના અને કોર્નિયાની સારવાર માટે ફુલટાઈમ નિષ્ણાત તબીબો ઉપલબ્ધ છે. આ ઉપરાંત મોતિયાના ઓપરેશન, ત્રાસી આંખના ઓપરેશનની સુવિધા
તેમજ આંખની વિવિધ બીમારીઓની તપાસ અને સારવારની સુવિધા પણ ઉપલબ્ધ છે.
હોસ્પિટલ હ્યુમન ઓર્ગન ટ્રાન્સપ્લાન્ટ હેઠળ રજિસ્ટર્ડ હોવાનું જણાવાયું છે અને અહીં કોર્નિયા ટ્રાન્સપ્લાન્ટના ઓપરેશન પણ કરવામાં આવે છે. ઉપરાંત ગ્લોકોમા (ઝામર) સંબંધિત બીમારીઓના નિદાન, નિષ્ણાત સલાહ અને ઓપરેશન માટેની સુવિધા પણ ઉપલબ્ધ છે.
આંખોની સારવારના વિવિધ ક્ષેત્રોને આવરી લેતા ન્યુરોઓપ્થેલ્મોલોજી અને ઓક્યુલોપ્લાસ્ટિક્સ ક્ષેત્રના નિષ્ણાત તબીબોની સેવાઓ પણ સેન્ટર ખાતે ઉપલબ્ધ છે. આંખોની સંપૂર્ણ તપાસની સુવિધા સાથે દર્દીઓને એક જ સ્થળે આંખ સંબંધિત મોટા ભાગની તપાસ, નિદાન અને સારવારની સુવિધા મળી રહે તે માટે વ્યવસ્થા કરવામાં આવી છે.
સેન્ટરના સંચાલન અને દર્દીઓની સારવાર માટે આશરે 20 તબીબોની ટીમ સેવા આપી રહી છે. આ ઉપરાંત સુરત અને દક્ષિણ ગુજરાતના વિવિધ વિસ્તારોના નિષ્ણાત તબીબો પણ પોતાના દર્દીઓને જરૂરી સારવાર અને નિષ્ણાત સેવાઓનો લાભ અપાવવા માટે સેન્ટરની મુલાકાત લે છે.
આ વિસ્તરણ સાથે સ્પેક્ટ્રમ એડવાન્સ આઈ કેર અને સ્પેક્ટ્રમ આઈ મેક્સ દ્વારા સુરત સહિત દક્ષિણ ગુજરાતના દર્દીઓને આંખોની વિશ્વની બેસ્ટ અદ્યતન સારવાર માટે વધુ વ્યાપક સુવિધાઓ ઉપલબ્ધ કરાવવાનો પ્રયાસ કરવામાં આવ્યો છે.
