સુરત : વીઆઈપી રોડ પર આવેલા શ્રી શ્યામ મંદિર, સુરતધામના બારહ કાર્યકારિણી સભ્યો માટે રવિવારે વેસુ સ્થિત અગ્રવાલ વિદ્યા વિહાર સ્કૂલમાં ચૂંટણી યોજાઈ હતી. જેમાં “મેરા શ્યામ સબકા શ્યામ” ગ્રુપના તમામ બાર ઉમેદવારો વિજયી થયા છે. ચૂંટણી અધિકારી સાંવરપ્રસાદ બુધિયા, ગિરીશ મિત્તલ અને બજરંગલાલ ગાદોદિયાએ જણાવ્યું કે સવારે દસ વાગ્યાથી સાંજના પાંચ વાગ્યા સુધી મતદાન થયું હતું. ત્યારબાદ મતગણતરી કરવામાં આવી હતી.
ચૂંટણીમાં ટ્રસ્ટી સભ્યોની નવ બેઠકો માટે કુલ 940 વોટ પડ્યા હતા જેમાં 61 પ્રોક્સી વોટ સામેલ છે. 940માંથી કુલ 912 મત માન્ય ગણાયા હતા. આજીવન સભ્યોમાં કુલ 1293 સભ્યોએ મતદાન કર્યું હતું જેમાં 40 પ્રોક્સી વોટ સામેલ છે. 1293માંથી કુલ 1281 મત માન્ય ગણાયા હતા.
વિજેતા ઉમેદવારો
ટ્રસ્ટી સભ્યો 1. સંજય સરાવગી 2. અનિલ રૂંગટા 3. રાજકિશોર શાહ (પપ્પુ) 4. રમેશ અગ્રવાલ (વિનાયક) 5. અશોક ચોકડીકા 6. વિનય બેરીવાલા 7. શિવપ્રસાદ પોદ્દાર 8. યોગેશ ઝાખલિયા 9. શેખર ગૌરીસરિયા
આજીવન સભ્યો 1. અમિત સુદ્રાણીયા 2. શંકરલાલ મોર 3. સિતેશ બંસલ
