સુરતના વરાછા વિસ્તારમાં આવેલી નિકેતન સ્કૂલ દ્વારા 14 એપ્રિલના રોજ ‘માતૃ વંદના મહોત્સવ’નું શાનદાર આયોજન કરવામાં આવ્યું હતું. કાર્યક્રમમાં ઉપસ્થિત તમામ માતાઓનું રેડ કાર્પેટ પર ભવ્ય સ્વાગત કરવામાં આવ્યું હતું. આ પ્રસંગે માતાઓ માટે વિશેષ પ્રશ્નોત્તરી અને મનોરંજક પ્રવૃત્તિઓ રાખવામાં આવી હતી, જેમાં તેમનો ઉત્સાહ જોવા જેવો હતો. સમગ્ર કાર્યક્રમ દરમિયાન શ્રેષ્ઠ પ્રદર્શન કરનાર 5 માતાઓને સ્ટેજ પર મહાનુભાવોના હસ્તે સન્માનિત કરી ‘સુપર મોમ’નો ખિતાબ એનાયત કરવામાં આવ્યો હતો અને તમામ માટે સરપ્રાઈઝ ગિફ્ટ્સનું વિતરણ કરાયું હતું.
આ કાર્યક્રમ દરમિયાન સંસ્થા દ્વારા શિક્ષણ ક્ષેત્રે નવા સોપાનની જાહેરાત કરતા જણાવાયું હતું કે, આગામી 1 મે 2026થી ‘નિકેતન કરિયર એકેડેમી’નો પ્રારંભ થશે, જેમાં વિદ્યાર્થીઓને GPSC Class 3 અને Super Class 3 જેવી સ્પર્ધાત્મક પરીક્ષાઓનું માર્ગદર્શન અપાશે. આગામી શૈક્ષણિક વર્ષથી માતાઓ અને બહેનો માટે SSC અને HSCના બોર્ડના ફ્રી વર્ગો ચલાવવામાં આવશે. શાળાના ટ્રસ્ટીઓ અને સ્ટાફના સહયોગથી આ મહોત્સવ સફળતાપૂર્વક સંપન્ન થયો હતો, જેનો મુખ્ય હેતુ સમાજમાં માતાઓના યોગદાનને બિરદાવવાનો અને તેમને ગૌરવ અપાવવાનો હતો.
