“સુરત ગ્રામ્ય જીલ્લા પોલીસ & જિલ્લા શિક્ષણાધિકારી સુરત દ્વારા આયોજીત કરેલ સુરક્ષા, શક્તિ અને વિદ્યાર્થી જાગૃતિ અભિયાન અંતર્ગત ધ રેડિયન્ટ ઇન્ટરનેશનલ સ્કૂલના ધોરણ:8 ના ૩૦૦ વિદ્યાર્થીઓને રીઝર્વ પોલીસ ઇન્સ્પેકટરની કચેરી પોલીસ મુખ્યમથક – ઘલુડીની મુલાકાતે લઇ જવામાં આવ્યાં હતાં.
જ્યાં વિદ્યાર્થીઓને અશ્વ પરેડ અને તાલીમ પામેલા અશ્વ દ્વારા અવનવી કરતબ ઉપરાંત પોલીસ પોતાની કાર્યશૈલીમાં શ્વાનનો કઈ રીતે ઉપયોગ કરે છે તેનાં વિશેની માહિતી તથા શ્વાન પરેડ અને શ્વાન દ્વારા આરોપીની શોધખોળ માટે કઈ પધ્ધતિથી કાર્ય થાય છે તેનો લાઈવ ડેમો બતાવી તેનાં વિશે માહિતગાર કર્યા તથા પોલીસ દ્વારા ઉપયોગમાં લેવાતાં શસ્ત્રો, બુલેટ પ્રુફ જેકેટ, બોમ્બ નિષ્ક્રિય કરતી વખતે ઉપયોગમાં લેવાતું જેકેટ વગેરે વિશેની માહિતી અને સમજણ ડેમો દ્વારા વિદ્યાર્થીઓને આપવામાં આવી હતી.
જેના દ્વારા વિદ્યાર્થીઓમાં રહેલ પોલીસનો ડર દૂર કરી શકાય, પોલીસની કાર્યશૈલીથી માહિતગાર થાય તથા પોતાની કારકિર્દી પસંદગી માટેની માહિતી મેળવી શકે તેવો સફળ પ્રયત્ન કરવામાં આવેલ.
