વિશ્વ સ્તરે અનેક કીર્તિમાન સ્થાપનાર સુરત શહેરના નામે 26મી ફેબ્રુઆરીના રોજ વધુ એક વિશ્વ કીર્તિમાન સ્થાપિત થયો છે. આનું શ્રેય જાય છે અર્ચના વિદ્યા નિકેતન,એક સોચ એનજીઓ- રીતુ રાઠી, ડૉ.શ્રીનિવાસ મિટકુલ, ગોયલ એન્ટરપ્રાઈઝ, રત્ન સાગર વિદ્યાલય અને મંગલમ્ વિદ્યાલય, ભરારી ફાઉન્ડેશનને.
આ તમામ સંસ્થાઓ દ્વારા યુનિવર્સલ અમેઝિંગ વર્લ્ડ રેકોર્ડના હોલ્ડર અશ્વિનભાઈ સુદાણીના માર્ગદર્શન હેઠળ “હર દિલ તિરંગા” શીર્ષક હેઠળ આયોજિત કાર્યક્રમમાં એક સાથે એક જ સ્થળે 11,111 લોકો તિરંગાનું ટેગ લગાવી પ્રતિજ્ઞા લેવામાં આવી હતી. જે એક વિશ્વ કીર્તિમાન સ્થાપીત થયો હતો. આ વિશ્વ રેકોર્ડને ગોલ્ડન બુક ઓફ વર્લ્ડ રેકોર્ડ,યુનિવર્સલ અમેઝિંગ વર્લ્ડ રેકોર્ડ, એશિયા બુક ઓફ રેકોર્ડ અને ઇન્ડિયા બુક ઓફ રેકોર્ડમાં સ્થાન મળ્યું હતું.
આ અંગે માહિતી આપતા આયોજકો દ્વારા જણાવ્યું હતું કે આ કાર્યક્રમનું આયોજન 26મી ફેબ્રુઆરીના રોજ સાંજે 4 કલાકે વરાછા ઉમિયાધામ મંદિર ખાતે કરવામાં આવ્યું હતું. આ પહેલા અર્ચના વિદ્યા નિકેતન સહિત સહભાગી સંસ્થાઓ દ્વારા ડોર ટુ ડોર સર્વે કરવામાં આવ્યો હતો. એક લાખથી વધુ લોકો સુધી સ્વયમ્ સેવકો પહોંચ્યા હતા અને તિરંગા વિશે જાગૃતિ ફેલાવી હતી. આ પણ એક વિશ્વ રેકોર્ડ બન્યો છે.
આજરોજ 26મી ફેબ્રુઆરીના રોજ ઉમિયાધામ મંદિર ખાતે એક સાથે 11,111 લોકોને તિરંગા ટેગ અર્પણ કરવામાં આવ્યા હતા અને આ તમામ લોકોએ ટેગ લગાવી તિરંગાને હંમેશા હૃદય સાથે લગાવી રાખવાની પ્રતિજ્ઞા લીધી હતી. આ રીતે એક સાથે આટલી સંખ્યામાં તિરંગા ના ટેગ સાથે પ્રતિજ્ઞા લેવાની વિશ્વની આ પહેલી ઘટના હતી. જેની નોંધ ગોલ્ડન બુક ઓફ વર્લ્ડ રેકોર્ડ, યુનિવર્સલ અમેઝિંગ વર્લ્ડ રેકોર્ડ, એશિયા બુક ઓફ રેકોર્ડ અને ઇન્ડિયા બુક ઓફ રેકોર્ડ દ્વારા લેવામાં આવી હતી.
આ પ્રસંગે મુખ્ય અતિથિ તરીકે શિક્ષણ મંત્રી પ્રફુલભાઇ પાનશેરિયા, પ્રદેશ પ્રમુખ ગુજરાત ભાજપ – રઘુભાઈ હુંબલ, ધારાસભ્ય મનુભાઈ પટેલ, સંદિપભાઇ દેસાઈ, પ્રવીણ ઘોઘારી સહિત જશુભાઇ પટેલ,રાજુભાઈ પટેલ તેમજ ઉમિયાધામ ટ્રસ્ટ પરિવાર, કાનજીભાઈ ભાલાળા તેમજ અન્ય સમાજ શ્રેષ્ઠીઓ પણ ઉપસ્થિત રહયા હતા.
