સ્નેપડીલના સુરતના સેલર બેઝમાં એક વર્ષમાં લગભગ ત્રણ ગણો વધારો

સુરત : વેલ્યુ ફેશન પર કેન્દ્રિત માર્કેટપ્લેસ સ્નેપડીલે આજે ‘પ્રોજેક્ટ ગતિ’ શરૂ કરવાની જાહેરાત કરી છે. આ 45 દિવસનો એક્સીલરેશન પ્રોગ્રામ છે, જેનો હેતુ નવા સેલર્સને આગામી તહેવારોની ખરીદીની સિઝન માટે તૈયાર કરવામાં મદદ કરવાનો છે. સ્નેપડીલે ભારતના ગ્રાહકો માટે ફેશન પ્રોડક્ટ્સ શોધવાની અને ખરીદી કરવાની પ્રક્રિયાને વધુ સરળ અને સ્વાભાવિક બનાવવાના હેતુથી એઆઈ આધારિત વિવિધ સુવિધાઓની શ્રેણી પણ રજૂ કરી છે.

આ જાહેરાત એવા સમયે કરવામાં આવી છે જ્યારે સ્નેપડીલ સમગ્ર ભારતમાં મેન્યુફેક્ચરિંગ અને સોર્સિંગના મુખ્ય કેન્દ્રોમાં પોતાના સેલર ઇકોસિસ્ટમનો ઝડપથી વિસ્તાર કરી રહી છે.

સુરતમાં સ્નેપડીલના એક્ટિવ સેલર્સની સંખ્યામાં છેલ્લા એક વર્ષમાં લગભગ ત્રણ ગણો વધારો થયો છે. હવે શહેરનો સ્નેપડીલના સમગ્ર ભારતના એક્ટિવ સેલર બેઝમાં 27.2ટકા હિસ્સો છે અને તે દેશભરના કુલ વેચાણમાં 31.3ટકા યોગદાન આપે છે.સુરતનું સુવ્યવસ્થિત અને વૈવિધ્યસભર મેન્યુફેક્ચરિંગ તથા સોર્સિંગ ઇકોસિસ્ટમ સ્નેપડીલના માર્કેટપ્લેસ પર ઉપલબ્ધ વિવિધ પ્રકારની પ્રોડક્ટ્સની વિશાળ શ્રેણીમાં મહત્વપૂર્ણ યોગદાન આપે છે.સુરતના સેલર્સ મહિલાઓના એથનિક વેર, જેમ કે સાડી, સલવાર સૂટ, કુર્તી, લહેંગા, ગાઉન અને એથનિક ફેબ્રિક્સ ઉપરાંત પુરુષો અને બાળકોના વિવિધ પ્રકારના વસ્ત્રો માટે મજબૂત પસંદગી પૂરી પાડે છે.

એકંદરે, ગુજરાતમાં સ્નેપડીલના એક્ટિવ યુઝર છેલ્લા એક વર્ષમાં લગભગ ત્રણગણા વધ્યા છે જેમાં રાજ્ય હવે સમગ્ર ભારતના વેચાણમાં 34.9 ટકાનું યોગદાન આપે છે.

તહેવારોની સિઝન શરૂ થઈ ગઈ છે અને દિવાળી સુધી ચાલુ રહેવાની હોવાથી, ‘પ્રોજેક્ટ ગતિ’માં ભાગ લેનારા સેલર્સને પાંચ મુખ્ય લાભ મળશે

આ જાહેરાત અંગે સ્નેપડીલના સીઈઓ અચિંત સેતિયાએ જણાવ્યું હતું કે, “સુરત એ મજબૂત ઉદાહરણ રજૂ કરે છે કે મેન્યુફેક્ચરિંગ આધારિત બિઝનેસ ઇકોસિસ્ટમ હવે ડિજિટલ કોમર્સ થકી વિકાસ કરી શકે છે. સુરત ટેક્સટાઇલ્સ અને ફેશનમાં તેની મજબૂતાઇ માટે જાણીતું રહ્યું છે અને હવે સ્થાનિક વેપારીઓ ગુજરાતથી આગળ વધીને અન્ય વિસ્તારોના ગ્રાહકો સુધી પહોંચવા માટે ઇ-કોમર્સનો ઉપયોગ કરી રહ્યા છે. સુરતમાં અમારા સેલર્સની ઝડપથી વધી રહેલી સંખ્યા દર્શાવે છે કે સ્થાનિક વ્યવસાયો માટે હવે કોઈ સપ્લીમેન્ટ્રી ચેનલ રહી નથી પરંતુ બજાર માટેનો મહત્વનો માર્ગ છે.તહેવારોની સિઝન દેશભરની માંગને ગતિ આપે છે ત્યારે અમે આ મોમેન્ટમનો લાભ લેવા માટે સુરતના સેલર્સ માટે એક મહત્વની તક જોઈ રહ્યા છીએ અને ‘પ્રોજેક્ટ ગતિ’નો હેતુ નવા સેલર્સને આ તકનો લાભ લેવામાં મદદ કરવાનો છે.”