જી.ડી.ગોએન્કા ઈન્ટરનેશનલ સ્કુલમાં છોકરીઓ માટે સેલ્ફ ડિફેન્સ વર્કશોપ નું આયોજન 

સુરત શહેર પોલીસ દ્વારા શહેરની તમામ શાળાઓમાં વિદ્યાર્થિનીઓ તેમજ મહિલાઓ માં સ્વરક્ષા વિશે જાગૃતિ આવે તે માટે ‘સ્વ RAKSHA અભિયાન – સશક્ત નારી સશક્ત સમાજ’ ની શરૂઆત કરવામાં આવી છે. જેનું ઉદ્દઘાટન જી.ડી.ગોએન્કા ઈન્ટરનેશનલ સ્કુલ, સુરત ખાતે કરવામાં આવ્યું હતું.

આ વર્કશોપમાં મેયર  હેમાલી બોધાવાલા, પોલીસ કમિશનર  અજય તોમર, એમ. એલ. એ.  ઝંખનાબહેન પટેલ,સ્ટેન્ડિંગ કમિટી ચેરમેન  પરેશભાઈ પટેલ, એ.ડી.સી.પી. – ટ્રાફિક એન્ડ ક્રાઇમ શરદભાઈ સિંઘલ, છોટુ પાટીલ, જી.ડી.ગોએન્કા સ્કુલના ટ્રસ્ટી  પર્વતભાઈ કાકડિયા ડાયરેક્ટ ઓપરેશન્સ  સેજલ ઠક્કર અને પ્રિન્સિપાલ ડો. શિલ્પા ઇંદોરીયા ઉપસ્થિત રહ્યા હતા.

વર્કશોપ ના શરૂઆતમાં ‘સ્વ RAKSHA અભિયાન – સશક્ત નારી સશક્ત સમાજ’ ના લોગોનું અનાવરણ કરવામાં આવ્યું.

આ કાર્યક્રમમાં શાળાના આચાર્ય ડો. શિલ્પા ઇંદોરીયાએ પ્રેરણાત્મક પ્રવચન દ્વારા કાર્યક્રમનો આરંભ કર્યો. ત્યારબાદ મેયર  હેમાલીબહેને તેમજ  ઝંખનાબહેને ખૂબ જ જુસ્સાભેર મહિલા સશક્તિકરણ અંગે રજૂઆત કરી હતી. પોલીસ કમિશનર  અજય તોમર સાહેબે વાસ્તવિક જીવનના ઉદાહરણો આપી વિદ્યાર્થિનીઓને સ્વરક્ષા અંગે સચોટ જાગૃતિ આપી. આ વર્કશોપ માં સેલ્ફ ડિફેન્સ ટ્રેનરર્સ  પામીર શાહ અને  વિસ્પી ખરાડીએ સ્વરક્ષણ માટેના ઉપાયોનું નિદર્શન કર્યું હતું.