સુરતઃ કપિલ ભાટિયા દ્વારા આયોજિત વિન સ્પોર્ટ્સ આંત્રપ્રિન્યોર્સ બોક્સ ક્રિકેટ વર્લ્ડ કપની બીજી આવૃત્તિ પટેલ ફૌજીએ જીતી હતી. 5 ફેબ્રુઆરીથી 26 ફેબ્રુઆરી દરમિયાન યોજાયેલી આ ટુર્નામેન્ટમાં ઉદ્યોગપતિઓની દસ ટીમોએ સાત લીગ અને નોકઆઉટ રાઉન્ડ સહિત 46 મેચો રમી હતી.
આ ક્રિકેટ વર્લ્ડ કપ ટુર્નામેન્ટમાં શહેરના 160 ખેલાડીઓએ ભાગ લીધો હતો. આદિત્ય ઇન્ફોટેક અને પીવીઆર ટેમ્પન્સના ચિંતન પટેલ અને જયેશ પટેલની સહ-માલિકીની ટીમ વિજયી બની. વિન સ્પોર્ટ્સ આંત્રપ્રિન્યોર્સ બોક્સ ક્રિકેટ વર્લ્ડ કપ એ સુરત શહેરના યુવા સાહસિક ઉદ્યોગપતિઓને એકસાથે લાવવા અને તેમની વચ્ચે સહકારને પ્રોત્સાહન આપવા માટે નેટવર્કિંગના માધ્યમ તરીકે ઉપયોગ કરવાનો પ્રયાસ છે.
