સુરત : ભારતીય જેમ એન્ડ જ્વેલરી ઉદ્યોગની સર્વોચ્ચ સંસ્થા જેમ એન્ડ જ્વેલરી એક્ષ્પોર્ટ પ્રમોશન કાઉન્સિલ (GJEPC)એ આજે ‘ઉન્નતિ – જેમ્સ એન્ડ જ્વેલરીમાં મહિલાઓનું સશક્તિકરણ’અભિયાન શરૂ કર્યું છે. આ એક રાષ્ટ્રીય અભિયાન છે, જેનો ઉદ્દેશ આ ક્ષેત્રમાં મહિલાઓને કુશળ વ્યવાસાયિક, ઉદ્યોગસાહસિક અને ભવિષ્યના લીડર તરીકે શીખવા, નેતૃત્વ કરવા અને આગેકૂચ કરવામાં મદદ કરવાનો છે. સુરતના સરદાર પટેલ સ્મૃતિ ભવનમાં ગુજરાત ચેપ્ટર સાથે શરૂ થયેલાં આ અભિયાનનો લક્ષ્યાંક 2047 સુધી વિકસિત ભારતના રાષ્ટ્રીય વિઝન સાથે તાલમેળ સ્થાપિત કરીને ઉદ્યોગમાં મહિલાઓની ભાગીદારી અને નેતૃત્વને મજબૂત કરવાનો છે.
આ કાર્યક્રમમાં ગુજરાતના ઉપમુખ્યમંત્રી હર્ષ સંઘવી અને રાજ્યસભાના સાંસદ ગોવિંદ ધોળકિયાની સાથે GJEPCના પ્રતિનિધિઓ અને ઉદ્યોગના હિતધારકો શામેલ થયા હતા. તેમાં GJEPCના ચેરમેન કિરીટ ભણસાળી, GJEPCના ગુજરાતના રિજનલ ચેરમેન જયંતિભાઈ સાવલિયા, GJEPCના ઓડિટ અને ફાઇનાન્સના કન્વેનર અનિલ વિરાણી, GJEPCના પ્રમોશન, માર્કેટિંગ અને બિઝનેસ ડેવલપમેન્ટના કન્વેનર આશિષ બોરડા, વિનસ જ્વેલના સ્થાપક અને ચેરમેન સેવંતિભાઈ શાહ, ગ્રીનલેબ ડાયમન્ડ્સના ચેરમેન મુકેશ પટેલ, GJEPCના એક્ઝિક્યુટિવ ડિરેક્ટર સવ્યસાચી રે અને WICCI સુરત ચેપ્ટરના પ્રેસિડન્ટ ફોરમ મારફતિયા શામેલ હતા. તેમની ઉપસ્થિતિથી આ કાર્યક્રમ વિશિષ્ટ બની ગયો હતો અને તેમાં સંપૂર્ણ ઉદ્યોગમાં ઉન્નતિ અને મહિલાઓ માટે વધારે તકોનું સર્જન કરવાના આ વિઝનને કેટલું જબરદસ્ત સમર્થન મળશે એ જોવા મળ્યું હતું.
આ કાર્યક્રમમાં ગુજરાતની જેમ્સ એન્ડ જ્વેલરી ઉદ્યોગમાંથી 1,100થી વધારે મહિલાઓ સામેલ થઈ હતી, જેમાં ગૃહિણીઓ, વિદ્યાર્થીનીઓ અને અન્ય આકાંક્ષી વ્યાવસાયિક મહિલાઓ શામેલ હતી. પોતાના પ્રથમ તબક્કામાં ઉન્નતિનો ઉદ્દેશ ઓછામાં ઓછી 200 મહિલાઓની વિવિધ કોર્સ મારફતે કૌશલ્ય તાલીમ માટે નોંધણી કરાવવાનો છે, જેથી તેઓ આ ક્ષેત્રમાં કારકિર્દી અને ઉદ્યોગસાહસિકતાના માર્ગે આગેકૂચ કરી શકે.
એક વિકસિત દેશ બનવાની ભારતની સફરને અહીંની મહિલાઓ આગળ વધારશે અને આ વાત જેમ્સ એન્ડ જ્વેલરી ક્ષેત્રમાં સૌથી સ્પષ્ટ દેખાય છે. વર્કશોપથી લઈને બોર્ડરૂમ સુધી મહિલાઓ કારીગરો, ડિઝાઇનરો, વ્યાવસાયિકો, ઉદ્યોગસાહસિકો અને બિઝનેસ લીડર તરીકે આ ક્ષેત્રનો આધાર બની છે. ઉન્નતિનો ઉદ્દેશ એ સુનિશ્ચિત કરવાનો છે કે, તેમના આ યોગદાનને ઓળખ મળે, એને સપોર્ટ મળે અને તેમને આગેકૂચ કરવાની દરેક તકો મળે.
ઉન્નતિને કોઈ કલ્યાણકારક યોજના તરીકે નહીં, પરંતુ ઉદ્યોગના ભવિષ્યને મજબૂત અને સ્પર્ધાત્મક બનાવવામાં રોકાણ સ્વરૂપે શરૂ કરવામાં આવી છે. આ યોજના GJEPCની વર્ષ 2040 સુધી 100 અબજ ડોલરની નિકાસની આકાંક્ષાને પૂર્ણ કરવામાં ટેકો આપે છે. આ સુનિશ્ચિત કરે છે કે, આ ભવિષ્યની સંપૂર્ણ વેલ્યુ ચેનમાં મહિલાઓની પ્રતિભા, તેમની આશા અને લીડરશિપ પર આધારિત છે. જ્યારે મહિલાઓ શીખે છે, નેતૃત્વ લે છે અને આગેકૂચ કરે છે, ત્યારે તેમની સાથે ઉદ્યોગ પણ આગેકૂચ કરે છે અને બ્રાન્ડ ઇન્ડિયા પણ.
ગુજરાતના ઉપમુખ્યમંત્રી હર્ષ સંઘવીએ કહ્યું હતું, “ઉન્નતિ એક મહત્વપૂર્ણ પહેલ છે, જે જેમ્સ એન્ડ જ્વેલરી ઉદ્યોગમાં મહિલાઓ માટે અર્થસભર તકોનું સર્જન કરે છે. આજે 1,000થી વધારે મહિલાઓ રોજગારી અને વેપારના તકો સાથે સંબંધિત છે, પરંતુ એની ક્ષમતા બહુ વધારે છે. આપણે એ તકોને સુરતથી આગળ લઈ જઈને ગુજરાતના ગ્રામીણ અને આદિવાસી વિસ્તારો સુધી પહોંચાડવાનો વિચાર કરવો જોઈએ, જ્યાં મહિલાઓની વધારે ભાગીદારી તેમના પરિવારો અને સમુદાયો માટે મજબૂત સામાજિક અને આર્થિક અસર પેદા કરી શકે છે. હું GJEPCને આગ્રહ કરું છું કે, તે એવી પહેલો કરે, જેમાં મહિલાઓને આ ઉદ્યોગમાં લાવે અને સંપૂર્ણ ગુજરાતમાં તેમની ભાગીદારી વધારે. ઉન્નતિ 1,000 કે 2,000 મહિલાઓની તક પૂરતી મર્યાદિત ન રહેવી જોઈએ. આપણે આગામી વર્ષમાં 10,000 મહિલાઓ સુધી પહોંચવા કામ કરવું જોઈએ. સફળ મહિલાઓને બીજા માટે આદર્શ પણ બનાવવી જોઈએ, જેથી તેઓ વધારે મહિલાઓનો વિશ્વાસ મેળવી શકે, કારકિર્દી બનાવવા અને સ્વપ્નો સાકાર કરવામાં મદદ કરી શકે.”
રાજ્યસભાના સાંસદ ગોવિંદ ધોળકિયાએ કહ્યું હતું,“ઉન્નતિ અમને એક પ્લેટફોર્મ અને દિશા આપે છે, પરંતુ સાચું કામ આપણે જ કરવાનું છે. આપણે આ તકનો ફાયદો ઉઠાવવો જોઈએ અને પોતાની પ્રગતિનો માર્ગ પોતે બનાવવો જોઈએ. હું યુવા ઉદ્યોગસાહસિકો, ખાસ કરીને મહિલાઓને આગળ આવવા, જોખમ ઉઠાવવા અને પોતાનું કશું શરૂ કરવાનો જુસ્સો આપું છું. જેમ્સ એન્ડ જ્વેલરી ક્ષેત્રમાં બહુ મોટી તકો છે. આપણે એવી મહિલાઓની જરૂર છે, જે ઉદ્યોગમાં શામેલ થવાની સાથે વ્યવસાયનું નેતૃત્વ કરે, રોજગારીઓનું સર્જન કરે અને સમાજમાં પ્રદાન કરે. ભવિષ્ય માટે આપણે એ પ્રકારની લીડરશિપ અને સર્વસમાવેશક વૃદ્ધિની જરૂર છે.”
GJEPCના ચેરમેન કિરીટ ભણસાળીએ કહ્યું હતું : “ પ્રધાનમંત્રી નરેન્દ્ર મોદીનું વિઝન વિકસિત ભારત @ 2047 એક મજબૂત અને વધારે વિકસિત દેશ બનવાની ભારતની સફરમાં નારીશક્તિ સૌથી મહત્વપૂર્ણ માનવામાં આવે છે. એક ઉદ્યોગ તરીકે આપણે 2040 ધી જેમ્સ એન્ડ જ્વેલરી નિકાસમાં 100 અબજ ડોલરનું મોટું લક્ષ્ય રાખ્યું છે. મહિલાઓની પ્રતિભા, કુશળતા અને લીડરશિપનો સંપૂર્ણ ઉપયોગ કર્યા વિના આપણે એ હાંસલ ન કરી શકીએ. ઉન્નતિ આ જ દિશામાં એક પગલું છે – મહિલાઓની ભાગીદારીથી લીડરશિપ સુધી, કુશળતાથી કારીગરી સુધી અને રોજગારીથી ઉદ્યોગસાહસિકતા સુધી લઈ જવાનું. જ્યારે મહિલાઓ આગેકૂચ કરે છે, ત્યારે આપણો ઉદ્યોગ પણ પ્રગતિ કરે છે. જ્યારે મહિલાઓ લીડરશિપ લે છે, ત્યારે તેઓ 2040 સુધી 100 અબજ ડોલરના આપણી સહિયારી સફરને ઝડપથી આગળ વધારે છે.”
આ પ્રસંગે GJEPCએ પોતાની રત્નકલાકારો પરિચય કાર્ડ પહેલ અંતર્ગત મહિલા રત્નકલાકારો માટે વિશેષ પહેલની જાહેરાત પણ કરી હતી. પ્રથમ તબક્કામાં 1,000 મહિલા રત્ન કલાકારોને પરિચય કાર્ડ અને ₹1 લાખ સુધીનું મેડિકલ વીમાકવચ આપવામાં આવશે, જેથી તેઓ મોટી હોસ્પિટલોમાં સારવાર કરાવી શકશે. આ પહેલનો ઉદ્દેશ મહિલા કારીગરોના પ્રદાનને ઓળખ આપવાનો અને તેમને શ્રેષ્ઠ હેલ્થ વીમો પ્રદાન કરવાનો છે. GJEPCએ યોગ્ય મહિલા રત્ન કલાકાર બહેનોને આગળ આવવા, પરિચય કાર્ડ મેળવવા નોંધણી કરાવવા અને તેના ફાયદાનો લાભ ઉઠાવવા અપીલ કરી છે.
GJEPCના ગુજરાતના રિજનલ ચેરમેન જયંતિભાઈ સાવલિયાએ કહ્યું હતું,“ભારતની જેમ્સ એન્ડ જ્વેલરીની ગાથાનું હાર્દ ગુજરાત છે તથા આ ઉદ્યોગની તાકાત હંમેશાં અહીંના લોકો, તેમની કુશળતા અને તેમની મહેનત છે. હાલ મહિલાઓ સંપૂર્ણ વેલ્યુ ચેનમાં પ્રદાન કરે છે – ઉત્પાદન અને ડિઝાઇનથી લઈને ટેકનોલૉજી, મેનેજમેન્ટ, બિઝનેસ અને ઉદ્યોગસાહસિકતા સુધી. ઉન્નતિ મારફતે અમારો ઉદ્દેશ મહિલાઓ માટે શીખવા, નવી કુશળતાઓ શીખવા, ઉદ્યોગ સાથે જોડવાનો અને સફળ કારકિર્દી બનાવવાના શ્રેષ્ઠ માર્ગ બનાવવાનો છે. આ ઉદ્યોગમાં વધારે મહિલાઓને લાવવાની સાથે તેમની આગેકૂચ, લીડરશિપ કરવા અને ઉદ્યોગના ભવિષ્યને દિશા આપવાની તકો વિશે છે. અમે ઇચ્છીએ છીએ કે સુરત ચેપ્ટર એક મોટા અભિયાનની શરૂઆત કરે, જે ભારતના દરેક મોટા જેમ્સ એન્ડ જ્વેલરી ક્લસ્ટરની મહિલાઓ સુધી પહોંચે.”
GJEPCના પ્રમોશન્સ એન્ડ માર્કેટિંગના કન્વેનર આશિષ બોરડાએકહ્યું હતું, “ઉન્નતિનો ઉદ્દેશ ઇરાદાને તકોમાં બદલવાનો છે – મહિલાઓને એ કુશળતા, નેટવર્ક અને માર્ગો સાથે જોડવાનો છે, જેની તેમને આપણા ઉદ્યોગમાં પોતાનું ભવિષ્ય બનાવવા માટે જરૂર છે. આજે ગુજરાતમાં આપણે જે શરૂઆત કરી છે, એ એક એવું પ્લેટફોર્મ છે, જે વિશે આપણને આશા છે કે આ સંપૂર્ણ ભારતમાં પ્રસરશે તથા જેમ્સ એન્ડ જ્વેલરીની એક મજબૂત અને સર્વસમાવેશક ઇકોસિસ્ટમ બનાવશે. જ્યારે મહિલાઓ આગેકૂચ કરે છે, ત્યારે ઉદ્યોગ પણ તેમની સાથે આગળ વધે છે.”
ઉન્નતિ પાંચ સ્તંભો પર આધારિત છે, જે મહિલાઓને તેમની આકાંક્ષાઓથી સફળતા સુધી લઈ જાય છે :
- પ્રેરક અને જોડાણ : ઉદ્યોગમાં મહિલાઓનાં પ્રદાનને ઓળખવું અને એની ઉજવણી કરવી
- વિકાસ અને સક્ષમતા : લીડરશિપ, કૌશલ્ય તાલીમ અને આજીવન શીખવું
- જોડાણ અને સહયોગ : માર્ગદર્શકો, સાથીદારોનું નેટવર્ક અને સાથે મળીને આગેકૂચ કરવા એક સમુદાય
- સક્ષમતા અને વેગ : વ્યવસાય માટે મદદ, ફંડિંગ અને માર્કેટ સુધી પહોંચ
- પરિવર્તન અને નેતૃત્વ : ઉદ્યોગમાં દરેક મહિલા માટે સલામત અને પ્રગતિશીલ કાર્યસ્થળ
આ કાર્યક્રમમાં ખાસ વિશેષ જોબ રોલમાં તાલીમની તકો રજૂ થઈ હતી : ડાયમન્ડ એસોર્ટર, ડાયમન્ડ પોલિશર, ડાયમન્ડ પ્લાનર, જ્વેલરી ડિઝાઇનર – હેન્ડ સ્કેચ, જ્વેલરી ડિઝાઇનર – CAD, વેક્સ સેટર, ફાઇલર એન્ડ એસેમ્બલર, મેટલ સેટર, જ્વેલરી પોલિશર અને ક્લીનર તથા જ્વેલરી રિટેલ સેલ્સ એસોસિએટ.
પ્રથમ ઉન્નતિ એવોર્ડમાં એ કંપનીઓ અને મહિલાઓનું સન્માન થયું હતું, જે જેમ્સ એન્ડ જ્વેલરી ઉદ્યોગમાં વધારે સર્વસમાવેશકતા અને પ્રગતિશીલ બનાવવામાં યોગદાન આપે છે. ઉન્નતિ કંપની એવોર્ડમાં પાંચ કેટેગરીમાં ઉત્કૃષ્ટતાનું સન્માન થયું હતું: વીમેન વર્કફોર્સ ચેમ્પિયન – હાઉસ ઓફ શાહ; વીમેન કેરિયર એડવાન્સમેન્ટ – ડેરેવાલા ઇન્ડસ્ટ્રીઝ લિમિટેડ; વીમેન સ્કિલિંગ એન્ડ ડેવલપમેન્ટ – ગ્રીનલેબ ડાયમન્ડ્સ LLP; વીમેન વર્ક-લાઇફ સપોર્ટ – ડિઝાઇન ક્રીએશન; અને વીમેન લીડરશિપ એક્સલન્સ – હાઉસ ઓફ શાહ.
ઉન્નતિ વૂમેન એચિવર એવોર્ડથી મહિલા ઉદ્યોગસાહસિક અને બિઝનેસ લીડર નિશા જરિવાલા, મહિલાઓની જ્વેલરી ડિઝાઇનર પ્રીતિ ભાટિયા અને નેહા કોચર, મહિલા રિટેલ લીડર માટે રાજવી કોટક એન્ડ અંશુ સિધાનિયા, વૂમેન આર્ટિસન એક્સલન્સ માટે સોરઠિયા કાજલ રમણિકભાઈ, માર્કેટિંગ એન્ડ બિઝનેસ ડેવલપમેન્ટમાં વૂમેન લીડર માટે મિસ્બાહ મન્સૂરી અને ઇમર્જિંગ વૂમેન ઓફ ધ યર તરીકે તન્વી વિરડીયાનું સન્માન થયું હતું.
આ ઉપરાંત, એક વિશેષ ક્ષણમાં 50 કંપનીઓમાંથી મહિલાઓને સન્માનનું સર્ટિફિકેટ એનાયત થયું હતું, જેમને તેમન કંપનીઓએ જ્વેલરી ડિઝાઇન અને ઉદ્યોગના અન્ય ક્ષેત્રોમાં તેમની કુશળતા માટે નોમિનેટ કરી હતી, જેથી તેમના યોગદાન અને ક્ષમતાને ઓળખી શકાય.
ઉન્નતિનું આયોજન GJEPCએ પોતાના પાર્ટનરોના સાથસહકાર સાથે કર્યું છે : વિમેન્સ ઇન્ડિયન ચેમ્બર ઓફ કોમર્સ એન્ડ ઇન્ડસ્ટ્રી, સુરત જ્વેલરી મેનુફેક્ચરર્સ એસોસિએશન (SJMA), લેબ ગ્રોઅન ડાયમન્ડ એસોસિએશન, સુરત જ્વેલરી એસોસિએશન અને સુરત ડાયમન્ડ ઇન્ડસ્ટ્રી; કો-પાર્ટનરો AF ફેરારી અને શિવમ જ્વેલ્સ; અને એને નિત્યાસ જેમ્સ એન્ડ જ્વેલરી, સ્કાય ગોલ્ડ, PGI, ગોલ્ડન કેરેટ, બ્યૂ જ્વેલ્સ અને આનંદ શાહનો ટેકો મળ્યો હતો. જેમ્સ એન્ડ જ્વેલરી સ્કિલ કાઉન્સિલ ઓફ ઇન્ડિયા (GJSCI) નોલેજ પાર્ટનર છે.
ગુજરાતના સુરતમાં પાયલોટ પ્રોજેક્ટ એક શરૂઆત છે. GJEPCનું વિઝન ઉન્નતિને સંપૂર્ણ ભારતમાં જેમ્સ એન્ડ જ્વેલરીના માટો ક્લસ્ટર સુધી લઈ જવાનું અને મહિલાઓને તેમની ક્ષમતા ઓળખવા અને તેને સાકાર કરવામાં મદદ કરે એવી મોટી ઇકોસિસ્ટમ બનાવવાનો છે. જે મહિલાઓ તાલીમ કાર્યક્રમ અને ઉન્નતિ મેન્ટર નેટવર્કમાં રસ ધરાવે છે, તેઓ unnati.gjepc.org પર નોંધણી કરાવી શકે છે.
