સુરતઃ ‘રક્તદાન મહાદાન’ના સૂત્રને સાચા અર્થમાં સાર્થક કરી જરૂરિયાતમંદો સુધી રક્ત પહોંચાડવાના લક્ષ્ય સાથે દેશના વડાપ્રધાન શ્રી નરેન્દ્રભાઈ મોદી સાહેબ ના 73 માં જન્મદિવસ ના ભાગરૂપે વિશ્વ હિન્દૂ પરિષદ – બજરંગ દળ પ્રેરિત પવન પુત્ર હનુમાન જી મંદિર દ્વારા આયોજિત “રક્તદાન શિબિર અને હેલ્થ ચેકઅપ કેમ્પ” નું આયોજન કરવામાં આવ્યું હતું.
આ કાર્યક્રમ માં લાયન્સ ક્લબ ના ગવર્નર દીપકભાઈ પખાળે, વાઇસ ગવર્નર લાયન્સ મોના દેસાઈ, લાયન્સ ક્લબ ઝોન 3 ના રિજન ચેયરપરસન ડો. રવિન્દ્ર પાટીલ, લાયન્સ ક્લબ હાર્મની અડાજણ ના અધ્યક્ષ જનાર્દન કશ્યપ , સેક્રેટરી રવિ પાલીવાલ , ટ્રેઝરર ભુવનેશ્વરી પાલીવાલ , વિશ્વ હિન્દૂ પરિષદ અને બજરંગ દળ ના પવન નિષાદ ઉપસ્થિત રહ્યા હતા.
આ રક્તદાન શિબિર માં કુલ 125 બોટલ યુનિટ રક્ત નું દાન રક્તદાતાઓ દ્વારા કરવામાં આવ્યું. આ અમૂલ્ય કાર્ય બદલ સૌ રક્તદાતાઓ ને અભિનંદન સહ સ્વસ્થ જીવનની શુભકામના પાઠવી અને આ ઉત્તમ સેવાકીય પ્રવૃત્તિઓના આયોજન બદલ સર્વે સ્વયંસેવકો ને ખૂબ ખૂબ અભિનંદન પાઠવ્યા.
