ડિંડોલી છઠ સરોવરમાં અસ્ત થતા સૂર્યને અર્ઘ્ય અર્પણ કરવામાં આવ્યું
ડીંડોલી છઠ સરોવર ખાતે શ્રી છઠ માનવ સેવા ટ્રસ્ટ દ્વારા છઠ મહાપર્વનું આયોજન
સુરત – છઠ પર્વના ત્રીજા દિવસે ગુરુવારે ઉપવાસ કરી રહેલી મહિલાઓએ પાણીની અંદર જઈને અસ્ત થતાં સૂર્યને અર્ઘ્ય અર્પણ કર્યું હતું. ચાર દિવસીય છઠ પર્વમાં ત્રીજો દિવસ સૌથી વિશેષ હોય છે. મહિલાઓએ સૂર્યદેવને દૂધ અને જળ અર્પણ કર્યા હતા. વાંસની ટોપલીમાં ફળો, ફૂલો, થેકુઆ, ચોખાના લાડુ, શેરડી, મૂળો, કંદ અને સૂપ રાખીને પૂજા કરવામાં આવી હતી.
શ્રી છઠ માનવ સેવા ટ્રસ્ટના વડા ગુલઝારીલાલ ઉપાધ્યાયે જણાવ્યું હતું કે આ ઉપવાસ દરમિયાન મહિલાઓ તેમના પરિવાર અને બાળકોના લાંબા આયુષ્ય માટે પ્રાર્થના કરે છે. છઠ્ઠી દેવી માતા અને સૂર્ય ભગવાન પાસેથી ઘરમાં સુખ અને સમૃદ્ધિની માંગ કરે છે. એવું માનવામાં આવે છે કે આમ કરવાથી છઠ્ઠી માતા વ્રત કરનાર મહિલાઓના પરિવાર અને બાળકોને લાંબુ આયુષ્ય અને સુખ અને સમૃદ્ધિ આપે છે.
આ પ્રસંગે મુખ્ય મહેમાન સંગીતાબેન પાટીલ (ધારાસભ્ય લિંબાયત વિધાનસભા), સંદીપ દેસાઈ (ધારાસભ્ય ચોર્યાસી વિધાનસભા) અને ડેપ્યુટી મેયર ડો.નરેન્દ્રભાઈ પાટીલ, શિક્ષણ સમિતિના મહાનુભાવો ઉપસ્થિત રહ્યા હતા.
