એજ્યુકેશન
રેડિયન્ટ ઈન્ટરનેશનલ સ્કૂલના તાઈક્વાન્ડો ખેલાડીઓએ મેળવ્યા 11 મેડલ
5 ગોલ્ડ, 4 સિલ્વર અને 2 બ્રોન્ઝ મેડલ સાથે ઓવરઓલ 2nd રનર-અપ ટ્રોફી પર કબજો
સુરત: ઉગત કેનાલ રોડ સ્થિત ધ રેડિયન્ટ ઈન્ટરનેશનલ સ્કૂલના તાઈક્વાન્ડો ખેલાડીઓએ બિલીમોરા ખાતે યોજાયેલી 11મી ઓપન સ્ટેટ તાઈક્વાન્ડો ચેમ્પિયનશિપમાં શાનદાર પ્રદર્શન કરી શાળાનું નામ રોશન કર્યું છે.
ચેમ્પિયનશિપમાં રેડિયન્ટ ઈન્ટરનેશનલ સ્કૂલના ખેલાડીઓએ કુલ 11 મેડલ પ્રાપ્ત કર્યા હતા, જેમાં 5 ગોલ્ડ, 4 સિલ્વર અને 2 બ્રોન્ઝ મેડલનો સમાવેશ થાય છે. ઉત્કૃષ્ટ પ્રદર્શનના આધારે શાળાની ટીમે ઓવરઓલ 2nd રનર-અપ ટ્રોફી પણ હાંસલ કરી હતી.
આ સિદ્ધિ ખેલાડીઓની સખત મહેનત, શિસ્ત, સતત તાલીમ અને સમર્પણનું પરિણામ હોવાનું શાળા પરિવાર દ્વારા જણાવાયું હતું.
ખેલાડીઓની આ સફળતા બદલ શાળાના ટ્રસ્ટી મંડળ, મેનેજમેન્ટ અને પ્રિન્સિપાલશ્રીએ તમામ વિજેતા ખેલાડીઓ તેમજ કોચને અભિનંદન પાઠવી તેમના ઉજ્જવળ ભવિષ્ય માટે શુભેચ્છાઓ પાઠવી હતી.
