સુરત: ગુજરાત રાજ્ય યોગ બોર્ડ, ગાંધીનગર દ્વારા સુરતના પાંડેસરા વિસ્તારમાં કેમ્પ ૧૦ની યોગ ટ્રેનર માટેની પરીક્ષા યોજાઈ હતી. જેમાં કુલ ૩૫ વિદ્યાર્થીઓએ ભાગ લીધો હતો.
ઝોન કો-ઓર્ડિનેટર ડૉ.પારુલ પટેલના માર્ગદર્શન હેઠળ યોજાયેલી આ સ્પર્ધામાં સુરત વેસ્ટ ઝોનના ૧૦ અનુભવી યોગ કોચ દ્વારા શિસ્તબદ્ધ અને સુચારુ સંચાલન કરાયું હતું. પરીક્ષા દરમિયાન બોર્ડના તમામ નિયમો અને ધોરણોનું પણ સંપૂર્ણ પાલન કરવામાં આવ્યું હતું.
ગુજરાત રાજ્ય યોગ બોર્ડ દ્વારા રાજ્યમાં યોગ શિક્ષણને પ્રોત્સાહન આપવા તેમજ કુશળ અને પ્રમાણિત યોગ ટ્રેનરો તૈયાર કરવા સતત પ્રયાસો કરવામાં આવી રહ્યા છે.
