વાઇબ્રન્ટ ગુજરાત માત્ર એક ઇવેન્ટ નથી, તે પરિવર્તન માટેની પ્રેરક શક્તિ છે: કેપી ગ્રુપ, સીએમડી, ડો.ફારુક પટેલ

વાયબ્રન્ટ ગુજરાત રિજ્યોનલ કોન્ફરન્સ આ વખતે ૧ અને ૨ મે-૨૬ દરમિયાન સુરતની ઓરો યુનિવર્સિટી ખાતે યોજાવા જઈ રહી છે. ગુજરાતના મુખ્યમંત્રી  ભૂપેન્દ્રભાઈ પટેલ તેનું ઉદ્ઘાટન કરશે. પરશુરામની ભૂમિ કહેવાતા સાઉથ ગુજરાતમાં જ્યારે આ મહત્વની કોન્ફરન્સ યોજાય રહી છે ત્યારે તેના મુખ્ય સ્પોન્સર તરીકે કેપી ગ્રુપ જોડાયું છે. રિન્યુએબલ એનર્જી અને ગેલ્વેનાઈઝીંગ-ફેબ્રિકેશન અને ઈન્ફ્રાડેવલમેન્ટમાં મોટું નામ એવા કેપી ગ્રુપના ચેરમેન-એમડી ડો. ફારુક પટેલે કહ્યું કે, વર્ષ ૧૯૯૨માં અમારી બિઝનેસ સફર માત્ર રૂ.૧ લાખથી શરૂ થઈ હતી અને આજે અમે રૂ .૨૦,૦૦૦કરોડથી વધુ મૂલ્ય ધરાવતા ગ્રુપ તરીકે ઉભા છીએ, જેમાં રિન્યુએબલ એનર્જીમાં 8.5+ ગીગાવોટથી વધુનો પોર્ટફોલિયો અને ૨.૫+ ગીગાવોટથી વધુ ઇન્સ્ટોલ્ડ ક્ષમતા છે. અમારી ત્રણ કંપની કેપીઆઈ ગ્રીન એનર્જી, કેપી એનર્જી અને કેપી ગ્રીન એન્જિનયરિંગ લિ. સ્ટોક માર્કેટમાં લિસ્ટેડ છે. આ પરિવર્તન માત્ર અમારી કહાની નથી. આ એક ગુજરાત સરકારની દૃષ્ટિવંત ઇકોસિસ્ટમથી શક્ય બન્યું છે.

ડો. ફારુકે કહ્યું કે, તેઓ  મુખ્યમંત્રી  ભૂપેન્દ્ર પટેલના નેતૃત્વ હેઠળ ગુજરાત સરકારનો અને  પ્રધાનમંત્રી  નરેન્દ્ર મોદીનો દિલથી આભાર વ્યક્ત કરે છે કે, જેમની રિન્યુએબલ એનર્જી માટેની દૃષ્ટિએ ભારતને, ખાસ કરીને ગુજરાતને, ટકાઉ ઊર્જામાં અગ્રણી બનાવ્યું છે. ગુજરાત માત્ર રિન્યુએબલ એનર્જી ક્રાંતિનો ભાગ નથી તે તેનું નેતૃત્વ કરે છે. અને તેનું એક મહત્વનું કારણ છે ‘વાઇબ્રન્ટ ગુજરાત’ અને ગુજરાત સરકાર દ્વારા સર્જાયેલ બિઝનેસ માટે અનુકૂળ ઇકોસિસ્ટમ. વાઇબ્રન્ટ ગુજરાતે મજબૂત રિન્યુએબલ એનર્જી ઇકોસિસ્ટમ ઉભું કર્યું છે. વિશ્વાસ, સ્પષ્ટ નીતિઓ, રોકાણકારોનો વિશ્વાસ અને વાસ્તવિક તકો સર્જી છે. આથી અમારી જેવી કંપનીઓ આત્મવિશ્વાસ સાથે વિકાસ કરી શકી છે.

ડો. ફારુકે કહ્યું કે, વાઈબ્રન્ટ ગુજરાત સાથે અમે શરૂ કરેલી સફરમાં મેળવેલી સફળતા તે દ્રષ્ટિ, વિશ્વાસ અને વ્યાપનું એક શક્તિશાળી ઉદાહરણ છે:

નરેન્દ્રભાઈ મોદી ગુજરાતના મુખ્યમંત્રી હતા ત્યારે વર્ષ ૨૦૧૨માં અમે રૂ. ૭૬૮ કરોડના એમઓયુ કમિટમેન્ટ કર્યા અને તેમાં સરકારના સહયોગ સાથે અમે વર્ષ ૨૦૨૪ સુધીમાં અમે કરેલા કમિટમેન્ટ કરતા ૧૦ ગણાથી વધુ ડિલિવર કર્યું છે. ૨૦૨૪ થી ૨૦૨૬ દરમિયાન, અમે વાઇબ્રન્ટ ગુજરાત મારફતે રૂ .૨૯,૦૦૦ કરોડથી વધુનું રોકાણ કમિટ કર્યું છે. અને આ વખતે વાઇબ્રન્ટ ગુજરાત રીજનલ કોન્ફરન્સ – સાઉથ ગુજરાતમાં, અમે ખાસ કરીને દક્ષિણ ગુજરાત માટે વધારાના રૂ .૪૬૦૦ કરોડનું કમિટમેન્ટ કરતા ગૌરવ અનુભવી રહ્યા છીએ. કેપી ગ્રુપ તરીકે, અમે ગુજરાતની રિન્યુએબલ એનર્જી દૃષ્ટિને આગળ વધારવા અને ભારતના સ્વચ્છ ઊર્જા મિશનને સમર્થન આપવા પ્રતિબદ્ધ છીએ.

ડો. ફારુક પટેલે કહ્યું કે, ‘હું ફરી એકવાર ગુજરાત સરકાર અને ભારત સરકારનો દિલથી આભાર વ્યક્ત કરું છું, જેમણે એવું ઇકોસિસ્ટમ બનાવ્યું છે, જ્યાં ઉદ્યોગસાહસિકો મોટા સપના જોઈ શકે, દ્રઢતાથી કાર્ય કરી શકે અને વિશાળ સ્તરે પરિણામ આપી શકે. વાઇબ્રન્ટ ગુજરાત માત્ર એક ઇવેન્ટ નથી, તે પરિવર્તન માટેની પ્રેરક શક્તિ છે.