ટાટા પાવરે સુરતમાં હોમ ઓટોમેશન સોલ્યુશન્સ લોન્ચ કર્યા

સુરત : ટાટા પાવરે સુરતમાં પોતાના ટાટા પાવર ઇઝી હોમ સોલ્યુશન્સ લોન્ચ કર્યા છે, જેના દ્વારા કંપનીએ ભારતના ઝડપથી વિકસતા શહેરી કેન્દ્રોમાંથી એક એવા સુરતમાં પોતાના સ્માર્ટ હોમ પોર્ટફોલિયોને વિસ્તાર્યો છે. આ લોન્ચ દ્વારા વધુ ઘરોમાં સ્માર્ટ અને ઊર્જા કાર્યક્ષમ જીવનશૈલી માટેના સોલ્યુશન્સ ઉપલબ્ધ બનશે, જે વિશ્વસનીય કામગીરી અને લાંબા ગાળાની વોરંટી સાથે આવશે.

આધુનિક શહેરી જીવનશૈલીને ધ્યાનમાં રાખીને ડિઝાઇન કરાયેલ ટાટા પાવર ઇઝી હોમ સ્માર્ટ ઓટોમેશન અને એનર્જી મેનેજમેન્ટને એક સંકલિત પ્લેટફોર્મમાં જોડે છે. આ સોલ્યુશન દ્વારા યુઝર્સ એપ આધારિત ઇન્ટરફેસ મારફતે લાઇટિંગ, ઇલેક્ટ્રોનિક ઉપકરણો, તાપમાન નિયંત્રણ અને કનેક્ટેડ ડિવાઇસીસને સરળતાથી નિયંત્રિત કરી શકે છે, જેના કારણે વધુ આરામ, સુવિધા અને વીજળીની બચત પ્રાપ્ત થાય છે.

ઇઝી હોમ પોર્ટફોલિયોમાં સ્માર્ટ સોકેટ્સ, ટચ પેનલ સ્વીચીસ, રેટ્રોફિટ કરી શકાય તેવા સ્માર્ટ કન્વર્ટર્સ અને મોશન સેન્સર્સનો સમાવેશ થાય છે. આ તમામ સોલ્યુશન્સને મોટા પાયે રીવાયરિંગ કર્યા વગર હાલના તેમજ નવા બનેલા ઘરોમાં સરળતાથી ઇન્ટિગ્રેટ કરી શકાય છે, જેના કારણે પરિવારો માટે તેનો ઉપયોગ સરળ બને છે.

સ્માર્ટ ટેક્નોલોજીમાં લોકો એવી બ્રાન્ડ પસંદ કરે છે જેના પર ભરોસો રાખી શકાય, જે લાંબા સમય સુધી સાથ આપે અને પૈસાની સાચી કિંમત આપે. એવા ગ્રાહકો માટે Tata Power EZ Home બનાવવામાં આવ્યું છે. લાંબી વોરંટી, ભરોસાપાત્ર ગુણવત્તા અને કામની સ્માર્ટ સોલ્યુશન્સ સાથે, EZ Home તમારા ઘર માટે લાંબા ગાળાનો વિશ્વાસ અને વેલ્યૂ લઈને આવે છે.

ઇન્ટેલિજન્ટ ઓટોમેશન અને બિલ્ટ-ઇન ઓવરલોડ પ્રોટેક્શનથી સજ્જ આ સોલ્યુશન્સ વોલ્ટેજમાં આવતાં ફેરફાર અને પાવર સર્જ દરમિયાન ઇલેક્ટ્રોનિક ઉપકરણોની સુરક્ષા કરવામાં મદદ કરે છે. ઓટોમેટેડ શેડ્યૂલિંગ અને રિયલ ટાઇમ મોનિટરિંગ જેવી સુવિધાઓ વીજળીના ઉપયોગને વધુ કાર્યક્ષમ બનાવવામાં સહાય કરે છે.

એક સામાન્ય પરિવાર, જે અનેક વધુ વીજ વપરાશ ધરાવતા ઉપકરણોનો ઉપયોગ કરે છે, તેના માટે ઇઝી હોમ ઓટોમેશન દર વર્ષે અંદાજે 15 ટકા સુધી વીજળીના વપરાશમાં ઘટાડો કરી શકે છે*. દર વર્ષે 1,300થી વધુ યુનિટ વીજળીની બચત કરી શકાય છે, જેના કારણે પરિવારોને વાર્ષિક વીજ ખર્ચમાં આશરે રૂ. 10,000ની બચત કરવામાં મદદ મળે છે. સાથે સાથે દર વર્ષે લગભગ 1.1 ટન કાર્બન ડાયોક્સાઇડ ઉત્સર્જનમાં ઘટાડો થાય છે, જે દર વર્ષે આશરે 15 વૃક્ષો વાવવા જેટલું સમાન માનવામાં આવે છે. આ બચતમાં મહત્વપૂર્ણ ફાળો ઇન્ટેલિજન્ટ એર કન્ડિશનિંગ ઓપ્ટિમાઇઝેશનનો છે, જે ઓટોમેશન, શેડ્યૂલિંગ અને ઉપકરણોના ઉપયોગ અંગેની માહિતી દ્વારા અનાવશ્યક કૂલિંગ અને વધુ સમય સુધી ચાલતા ઉપયોગને ઘટાડે છે.

માપદંડ

અંદાજિત વાર્ષિક અસર (સામાન્ય ઘરમાં**)

વીજ વપરાશમાં ઘટાડો

વર્ષે લગભગ 15 ટકા

વીજ યુનિટમાં બચત

વર્ષે 1,300થી વધુ યુનિટ્સ

બિલમાં અંદાજિત બચત

વર્ષે લગભગ રૂ. 10,000

કાર્બન એમિશન ઓફસેટ

દર વર્ષે લગભગ 1.1 ટન કાર્બન ડાયોક્સાઇડ

પર્યાવરણીય સમકક્ષ અસર

દર વર્ષે 15 વૃક્ષા વાવવા સમાન

બચત અને કાર્યક્ષમતા અંગેના આ અંદાજ સૂચક સ્વરૂપના છે અને ઉપકરણોના ઉપયોગ, ઘરના વીજ વપરાશના પેટર્ન અને સ્થાનિક વીજ દરોના આધારે બદલાઈ શકે છે.

આ અંદાજ એવા પરિવારના આધારે તૈયાર કરવામાં આવ્યા છે, જ્યાં એર કન્ડિશનર, રેફ્રિજરેટર, પંખો, ગીઝર અને વોશિંગ મશીનનો ઉપયોગ થાય છે.

સુરતમાં ટકાઉ શહેરી ઇન્ફ્રાસ્ટ્રક્ચર, પ્રીમિયમ રહેણાંક વિકાસ અને ટેક્નોલોજી આધારિત જીવનશૈલી તરફ વધતું ધ્યાન સ્માર્ટ લિવિંગ સોલ્યુશન્સ માટે તેને મહત્વપૂર્ણ માર્કેટ બનાવે છે. ટાટા પાવર ઇઝી હોમ આ પરિવર્તન સાથે સુસંગત રીતે સ્કેલેબલ અને ફ્યુચર રેડી હોમ ઓટોમેશન સોલ્યુશન્સ પ્રદાન કરે છે, જે સુવિધા, સુરક્ષા, ઊર્જા કાર્યક્ષમતા અને લાંબા ગાળાના મૂલ્યમાં વધારો કરવા માટે ડિઝાઇન કરવામાં આવ્યા છે.

મુલાકાતીઓને આ સોલ્યુશન્સનો સીધો અનુભવ મળી રહે તે માટે ટાટા પાવરે લોન્ચ સ્થળે એક ઇન્ટરેક્ટિવ અનુભવાત્મક ડેમોન્સ્ટ્રેશન વોલ રજૂ કરી હતી. આ ઇન્સ્ટોલેશન દ્વારા હાજર રહેલા લોકોએ ઓટોમેશન ફીચર્સનો અનુભવ કર્યો, સ્માર્ટ લિવિંગના વાસ્તવિક ઉપયોગના દ્રશ્યોને સમજ્યા અને સંભવિત ઊર્જા તથા ખર્ચ બચતને દ્રશ્યરૂપે જાણી શક્યા.

સુરતમાં કરવામાં આવેલ આ લોન્ચ ટાટા પાવર ઇઝી હોમની ‘100 સિટીઝ, 1 પર્પઝ’ પહેલનો એક ભાગ છે. આ પહેલનો હેતુ મેટ્રો શહેરો ઉપરાંત ટિયર-2 અને ટિયર-3 શહેરોના પરિવારો માટે પણ સ્માર્ટ અને કાર્યક્ષમ જીવનશૈલીને વધુ સરળતાથી ઉપલબ્ધ, પરવડતી અને વ્યવહારુ બનાવવાનો છે.