સુરત, ટ્રસ્ટના સ્થાપના દિવસ અને દીપાવલીના પવિત્ર પર્વ નિમિત્તે અગ્રવાલ વિકાસ ટ્રસ્ટ દ્વારા શનિવારે સાંજે 7.30 વાગ્યાથી સિટી-લાઇટ સ્થિત મહારાજા અગ્રસેન ભવનના પંચવટી હોલમાં દીપાવલી સ્નેહ મિલનનું આયોજન કરવામાં આવ્યું હતું. ટ્રસ્ટના પ્રમુખ સંજય સરાવગીએ જણાવ્યું કે આ પ્રસંગે પંચવટી હોલને શણગારવામાં આવ્યો હતો. કાર્યક્રમની શરૂઆત મહારાજા અગ્રસેનજી સમક્ષ દીપ પ્રાગટ્ય અને પુષ્પહારથી કરવામાં આવી હતી.
કાર્યક્રમમાં મુખ્ય મહેમાન તરીકે સુરત કલેક્ટર આયુષ ઓક અને સુરત મ્યુનિસિપલ કમિશનર શાલિની અગ્રવાલ ઉપસ્થિત રહ્યા હતા. સૌનું સ્વાગત કરતાં ટ્રસ્ટના પ્રમુખ સંજય સરાવગીએ જણાવ્યું હતું કે સમાજ સેવાની સાથે સાથે સમાજના લોકોમાં એકતા અને ભાઈચારો વધે તે માટે પણ ટ્રસ્ટ સતત પ્રયાસો કરે છે. આ કાર્યક્રમમાં સમગ્ર અગ્રવાલ સમાજમાં એક અલગ જ ખુશી અને ઉત્સાહ જોવા મળ્યો હતો.
કાર્યક્રમના અંતે, ઉપસ્થિત દરેકને ગળે લગાડીને એકબીજાને દિવાળીની ખૂબ ખૂબ શુભેચ્છાઓ પાઠવી. આ પ્રસંગે પ્રમોદ પોદ્દાર, રાજીવ ગુપ્તા, રાહુલ અગ્રવાલ, અનિલ શોરેવાલા, શશિભૂષણ જૈન, નીરજ અગ્રવાલ, સુધા ચૌધરી અને ટ્રસ્ટના અન્ય ઘણા સભ્યો હાજર હતા.
