BSNL દ્વારા સ્વતંત્રતા દિવસ નિમિત્તે નવી આકર્ષક યોજનાઓ લોન્ચ: માત્ર ૧ રૂપિયામાં ૨૪ દિવસ માટે દરરોજ ૧ GB ડેટા સાથે મળશે ફ્રી સિમ કાર્ડ
ભારતનું સ્વદેશી 4G નેટવર્ક હવે દરેક ગ્રાહક સુધી: ફ્રીડમ ઓફર્સનો લાભ લેવા BSNL સુરત બિઝનેસ એરિયાના હેડ સંજય સિંઘવીનો અનુરોધ
સુરત: ભારત સરકારના ઉપક્રમ BSNL દ્વારા ૧૫ ઓગસ્ટ-સ્વતંત્રતા દિવસના અવસર પર ગ્રાહકો માટે અત્યંત આકર્ષક અને કિફાયતી યોજનાઓ રજૂ કરવામાં આવી છે. દેશમાં જ નિર્મિત સ્વદેશી 4G નેટવર્ક ધરાવતા BSNL દ્વારા ૧૫મી ઓગસ્ટની સ્પેશ્યલ ઓફર અંતર્ગત માત્ર ૧ રૂપિયામાં ૨૪ દિવસ માટે દરરોજ ૧ GB ડેટા, અનલિમિટેડ કોલીંગ સાથે ફ્રી સિમ કાર્ડ આપવામાં આવશે.
ઘોડદોડ રોડ સ્થિત BSNL ની મુખ્ય ઓફિસ ખાતે મીડિયા પ્રતિનિધિઓ સાથે સંવાદ કરતા BSNL સુરત બિઝનેસ એરિયાના હેડ સંજય સિંઘવીએ જણાવ્યું હતું કે, BSNL નું નેટવર્ક હવે સંપૂર્ણ સ્થિર છે અને અમે ટૂંક સમયમાં તેને 5G માં પણ અપગ્રેડ કરવા જઈ રહ્યા છીએ. દેશના દરેક નાગરિકને હાઈ-સ્પીડ ઈન્ટરનેટ સુવિધા મળે એ અમારું લક્ષ્ય છે.
સુરત સહિત દક્ષિણ ગુજરાતમાં કનેક્ટિવિટીને મજબૂત બનાવવા માટે BSNL એ ૪૫૦ થી વધુ નવા ટાવર્સ ઉભા કર્યા છે, જેથી હવે કોઈ પણ અંતરિયાળ ગામડું નેટવર્ક વગરનું નહીં રહે એમ જણાવી સ્વાતંત્ર્ય દિને BSNL ગ્રાહકોને આ આકર્ષક ઓફર્સનો લાભ લેવા અને ભારતનું પોતાનું સ્વદેશી નેટવર્ક અપનાવવા શ્રી સિંઘવીએ અનુરોધ કર્યો હતો.
સુરતવાસીઓને સ્વાતંત્ર્ય દિનની શુભેચ્છા પાઠવતા તેમણે કહ્યું કે, BSNL દ્વારા રૂ.૧.૩૪ લાખની કિંમતનો અત્યાધુનિક સેટેલાઇટ ફોન લોન્ચ કરવામાં આવ્યો છે, જે કુદરતી આફતો કે નેટવર્ક વિહોણા અંતરિયાળ વિસ્તારોમાં પણ સંપર્ક જાળવી રાખવા માટે ઉપયોગી બનશે. હાઈ-સ્પીડ ઈન્ટરનેટના FTTH બ્રોડબેન્ડ પ્લાન (ગામડા માટે પ્રતિમાસ રૂ.૨૫૯ અને શહેરો માટે રૂ.૪૯૯) શરૂ કરાયા છે. જેમાં ૫૦૦ રૂ.સુધીનો ઇન્સ્ટોલેશન ખર્ચ લેવામાં નહી આવે. ઓફર્સનો લાભ લેવા અને વધુ વિગતો માટે નજીકની BSNL ઓફિસનો સંપર્ક કરવા જણાવ્યું હતું.
નોંધનીય છે કે, સીમ કાર્ડ નજીકની BSNL ઓફિસથી મળશે. FTTH બ્રોડબેન્ડ માટે કોલ/વોટ્સએપ: 9484848449 અને કસ્ટમર કેર માટે 1800 4444 અથવા 1503 નો સંપર્ક કરી શકાશે
BSNL દ્વારા સ્વતંત્રતા દિવસની ઓફર્સ
• માત્ર ૧ રૂપિયામાં ૨૪ દિવસ માટે દરરોજ ૧ GB ડેટા, અનલિમિટેડ કોલીંગ સાથે ફ્રી સિમ કાર્ડ અનલિમિટેડ કોલીંગ, દરરોજ ૧૦૦ SMS (આ ઓફર તા.૧૨ સપ્ટેમ્બર-૨૦૨૬ સુધી રહેશે)
• લાંબા ગાળાનો પ્લાન: રૂ.૨૩૯૯ માં ૪૧૨ દિવસ માટે 2GB પ્રતિ દિવસ 4G ડેટા, અનલિમિટેડ કોલીંગ આપવામાં આવશે.
• ભારત ફાઈબર પ્લાન: રૂ.૧૧૧૧ માં 200 Mbps સ્પીડ સાથે 200 થી વધુ OTT એપ્સ અને ફ્રી ટીવી ચેનલ્સનું સબસ્ક્રિપ્શન આપવામાં આવશે.
