સ્થાનિક વેચાણમાં 218 ટકા વૃદ્ધિ સાથે નિસાન મોટર ઇન્ડિયાનો ઝડપી વિકાસ, વ્યવસાયમાં મોટા પરિવર્તન તરફ મજબૂત પગલાં

ગુરુગ્રામ, 01 ઓગસ્ટ, 2026: નિસાન મોટર ઇન્ડિયા પ્રાઇવેટ લિમિટેડ (NMIPL) એ જુલાઈ, 2026 દરમિયાન અત્યાર સુધીની પોતાની સર્વશ્રેષ્ઠ માસિક હોલસેલ વેચાણ નોંધાવી છે. સાથે જ કંપનીએ પોતાના વિકાસના સફરમાં વધુ એક મહત્વપૂર્ણ સિદ્ધિ હાંસલ કરતાં દેશભરના ગ્રાહકો માટે નવી નિસાન ટેક્ટોનની ડિલિવરી પણ શરૂ કરી છે.

9 જુલાઈ, 2026ના રોજ સફળ વૈશ્વિક પ્રીમિયર બાદ 20 જુલાઈ, 2026થી સમગ્ર ભારતમાં નવી નિસાન ટેક્ટોનની ડિલિવરી શરૂ કરવામાં આવી છે. ટેક્ટોનના સમાવેશથી નિસાનનું એસયુવી પોર્ટફોલિયો વધુ મજબૂત બન્યું છે. આ પોર્ટફોલિયોમાં અગાઉથી નિસાન મેગ્નાઇટ અને નિસાન ગ્રેવાઇટ સામેલ છે. પ્રોડક્ટ્સની વિસ્તૃત શ્રેણી અને ગ્રાહકોને વધુ સારો અનુભવ આપવાના પ્રયાસો સાથે કંપની ભારતમાં પોતાની હાજરી સતત વિસ્તારી રહી છે.

જુલાઈ, 2026માં નિસાન મોટર ઇન્ડિયાનું પ્રદર્શન:

ઘરેલુ હોલસેલ વેચાણ: 4,518 યુનિટ

નિકાસ હોલસેલ વેચાણ: 4,821 યુનિટ

કુલ હોલસેલ વેચાણ: 9,339 યુનિટ

આ સિદ્ધિ અંગે નિસાન મોટર ઇન્ડિયા પ્રાઇવેટ લિમિટેડના મેનેજિંગ ડિરેક્ટર  સૌરભ વત્સે જણાવ્યું: “જુલાઈ મહિનામાં ઘરેલુ હોલસેલ વેચાણમાં વાર્ષિક ધોરણે 218 ટકાનો વધારો એ સ્પષ્ટ દર્શાવે છે કે ભારતમાં નિસાન બ્રાન્ડ સતત આગળ વધી રહી છે અને ગ્રાહકો અમારા બ્રાન્ડ પર વિશ્વાસ વ્યક્ત કરી રહ્યા છે. ગ્રાહકો માટે નવી નિસાન ટેક્ટોનની ડિલિવરી શરૂ થવી પણ અમારા વિકાસના પ્રવાસમાં એક મહત્વપૂર્ણ સીમાચિહ્ન છે. તે અમારા એસયુવી પોર્ટફોલિયોને વધુ મજબૂત બનાવશે અને ભારતમાં વિકાસ માટેની અમારી વ્યૂહરચનાને નવી ગતિ આપશે.”

તેમણે વધુમાં જણાવ્યું: “એસયુવી ક્ષેત્રમાં શ્રેષ્ઠતાના 75 વર્ષ પૂર્ણ થવાના અવસરે નિસાન ટેક્ટોન અમારી સમૃદ્ધ એસયુવી પરંપરાને આગળ વધારતાં ભારતીય ગ્રાહકો માટે પ્રીમિયમ એસયુવી અનુભવ લઈને આવી છે. પ્રતિષ્ઠિત નિસાન પેટ્રોલ (Nissan Patrol) થી પ્રેરિત ડિઝાઇન, ઉત્તમ ડ્રાઇવિંગ ડાયનામિક્સ, અત્યાધુનિક સુરક્ષા ટેક્નોલોજી અને આરામદાયક અનુભવને કારણે નવી ટેક્ટોન ગ્રાહકો માટે એક આકર્ષક વિકલ્પ બની છે. નિસાન કેર પેકેજ અને ગ્રાહકોને શ્રેષ્ઠ અનુભવ આપવાના સતત પ્રયાસો સાથે અમે ગ્રાહકો માટે લાંબા ગાળાનું મૂલ્ય સર્જવા અને ભારતમાં નિસાનની હાજરીને વધુ મજબૂત બનાવવા માટે પ્રતિબદ્ધ છીએ.”

ટેક્ટોનની ડિલિવરી શરૂ કરતાં પહેલાં કંપનીએ તેના માટે વ્યાપક પ્રોડક્ટ લોન્ચ અભિયાન ચલાવ્યું હતું. તેમાં ટેક્ટોનનું વૈશ્વિક પ્રીમિયર તેમજ ભવ્ય એક્સપીરિયન્સ ડ્રાઇવનો સમાવેશ થયો હતો, જેને ઇન્ડિયા બુક ઑફ રેકોર્ડ્સમાં સ્થાન મળ્યું છે. આ અભિયાન હેઠળ 60 નિસાન ટેક્ટોન એસયુવીના કાફલાએ ચંડીગઢથી લેહ સુધીની યાત્રા કરી હતી અને ઝાંસ્કર વિસ્તારમાં 16,703 ફૂટ ઊંચા શિંકુ લા પાસને પાર કરીને “લેહ પહોંચનાર એક જ મોડલના ચાર પૈડાવાળા વાહનોનો સૌથી મોટો કાફલો” તરીકે રેકોર્ડ નોંધાવ્યો હતો. આ ડ્રાઇવે એસયુવીની મજબૂતી, વિશ્વસનીયતા, ઑફ-રોડ ક્ષમતા અને એન્જિનિયરિંગ શ્રેષ્ઠતાનું પ્રદર્શન કર્યું હતું. સાથે જ વૈશ્વિક બજારો માટે એસયુવી વિકસાવવામાં નિસાનની લાંબા ગાળાની કુશળતાને પણ ઉજાગર કરી હતી.

એક જ પ્રોડક્ટ ધરાવતા પોર્ટફોલિયોમાંથી ત્રણ પ્રોડક્ટના વિસ્તૃત પોર્ટફોલિયો તરફ આગળ વધતાં નિસાન સમગ્ર દેશમાં પોતાના રિટેલ અને સર્વિસ નેટવર્કનો સતત વિસ્તાર કરી રહી છે. તેના પરિણામે ગ્રાહકો માટે નિસાન બ્રાન્ડ સુધી પહોંચ, સુવિધા અને વાહન માલિકીનો સમગ્ર અનુભવ વધુ ઉત્તમ બની રહ્યો છે. ગ્રાહક-કેન્દ્રિત આ વ્યૂહરચના ભારતમાં વિશ્વાસ મજબૂત કરવા અને લાંબા ગાળાના ટકાઉ વિકાસ હાંસલ કરવાની કંપનીની યોજનાનો મહત્વપૂર્ણ ભાગ છે.

નિસાન વિશ્વસ્તરીય પ્રોડક્ટ્સ ઉપલબ્ધ કરાવવા, ગ્રાહકો સુધી પોતાની પહોંચ વધારવા અને ગુણવત્તા, નવીનતા તથા વિશ્વસનીયતાના વૈશ્વિક ધોરણોને પ્રતિબિંબિત કરતો શ્રેષ્ઠ વાહન માલિકીનો અનુભવ પ્રદાન કરવા માટે પ્રતિબદ્ધ છે.