સેગમેન્ટમાં પ્રથમ વખત નિસાન ગ્રેવાઇટ સીએનજી એ ટ્વિન-સિલિન્ડર રેટ્રોફિટમેન્ટ કિટ સાથે પગલું ભર્યું

ગુરુગ્રામ, 4 મે, 2026: નિસાન મોટર ઇન્ડિયા પ્રાઇવેટ લિમિટેડ (NMIPL) એ આજે ઓલ-ન્યૂ નિસાન ગ્રેવાઇટ માટે સરકાર દ્વારા પ્રમાણિત સીએનજી રેટ્રોફિટમેન્ટ કિટ લોન્ચ કરવાની જાહેરાત કરી. સેગમેન્ટમાં પ્રથમ વખત સ્માર્ટ ટ્વિન-સિલિન્ડર ટેક્નોલોજી રજૂ કરવામાં આવી છે, જે 7-સીટર મોડ્યુલારિટી અને ઉપયોગિતા બંને જાળવી રાખવામાં મદદ કરશે. તેને 16 રાજ્યોમાં ₹82,999 ની શરૂઆતની કિંમત પર ઉપલબ્ધ કરવામાં આવી રહી છે. ગ્રેવાઇટ સીએનજીને એ રીતે ડિઝાઇન કરવામાં આવી છે કે ગ્રાહકોને વધુ સ્માર્ટ, વધુ કિફાયતી અને પર્યાવરણ માટે વધુ અનુકૂળ સોલ્યુશન મળે. સાથે જ, આ કિટ લગાવ્યા પછી પણ ત્રીજી પંક્તિમાં પૂરતી જગ્યા રહે છે, જેથી આરામ અને દૈનિક ઉપયોગમાં કોઈ ખામી ન રહે.

વ્યવહારિક અને ભવિષ્યને ધ્યાનમાં રાખીને તૈયાર કરાયેલા ગ્રેવાઇટ સીએનજીમાં ‘સ્માર્ટ પાવર’ ને ‘સ્માર્ટ સેવિંગ્સ’ સાથે જોડવામાં આવ્યું છે, જેથી ઉત્તમ મોડ્યુલારિટી, આરામ અને રોજિંદા ઉપયોગ સાથે પ્રતિ કિલોમીટર ઓછો ખર્ચ મળે. સરકાર દ્વારા પ્રમાણિત આ સીએનજી કિટનું ડેવલપમેન્ટ, મેન્યુફેક્ચરિંગ અને ક્વોલિટી એશ્યોરન્સ મોટોજેન દ્વારા કરવામાં આવ્યું છે. ગ્રાહકો નિસાનના અધિકૃત ડીલર મારફતે સીએનજી કિટ ઇન્સ્ટોલેશન માટે ઓર્ડર આપી શકે છે, જેથી તેમને સરળ અને વિશ્વસનીય રીતે સીએનજી સોલ્યુશન મળે. કિટના કમ્પોનેન્ટ્સ પર થર્ડ પાર્ટી પ્રોવાઇડર દ્વારા 3 વર્ષ અથવા 1,00,000 કિમી સુધીની વોરંટી આપવામાં આવશે.

નિસાન અને ઇન્ફિનિટી માટે મિડલ ઈસ્ટ, કેએસએ, સીઆઈએસ અને ભારતના પ્રેસિડેન્ટ તથા ડિવિઝનલ વાઈસ પ્રેસિડેન્ટ શ્રી થિયરી સબાગએ કહ્યું કે, ‘ભારત નિસાન માટે સતત વ્યૂહાત્મક રીતે મહત્વપૂર્ણ બજાર રહ્યું છે અને અમે અહીં ગ્રાહકોની બદલાતી જરૂરિયાતોને અનુરૂપ પ્રાસંગિક, સરળ અને ભવિષ્ય માટે તૈયાર મોબિલિટી સોલ્યુશન્સ અને પ્રોડક્ટ્સ પ્રદાન કરવા પર ધ્યાન કેન્દ્રિત કરી રહ્યા છીએ. ઓલ-ન્યુ નિસાન ગ્રેવાઇટ સાથે સીએનજી વિકલ્પની રજૂઆત આ દિશામાં મહત્વપૂર્ણ પગલું છે. ગ્રેવાઇટ સીએનજી સાથે અમે એવા ગ્રાહકોને પ્રમાણિત અને પ્રેક્ટિકલ સોલ્યુશન આપી રહ્યા છીએ, જે પરિવાર માટે પૂરતું સ્પેસ, દૈનિક મુસાફરી અને મુખ્ય સીએનજી બજારોમાં ઓછી કિંમતમાં મુસાફરીનો વિકલ્પ ઇચ્છે છે.’

નિસાન મોટર ઇન્ડિયાના મેનેજિંગ ડિરેક્ટર શ્રી સૌરભ વત્સએ કહ્યું કે, ‘મેગ્નાઇટ સીએનજી માટે ગ્રાહકો તરફથી મળેલા સકારાત્મક પ્રતિસાદ બાદ હવે ઓલ-ન્યુ નિસાન ગ્રેવાઇટ માટે સેગમેન્ટમાં પ્રથમ વખત ટ્વિન-સિલિન્ડર સોલ્યુશન રજૂ કરતાં અમને ખુશી છે. આ ખાસ કરીને એવા ગ્રાહકો માટે ડિઝાઇન કરવામાં આવ્યું છે, જે દૈનિક પરિવારની જરૂરિયાતો માટે 7-સીટર MPV સાથે પ્રેક્ટિકલિટી, લવચીકતા અને સુવિધા ઇચ્છે છે. સરકાર દ્વારા પ્રમાણિત સીએનજી રેટ્રોફિટમેન્ટ કિટ દ્વારા અમે એક એવું સોલ્યુશન આપી રહ્યા છીએ, જે માત્ર કિફાયતી જ નથી, પરંતુ સ્માર્ટ ટ્વિન-સિલિન્ડર સેટઅપ દ્વારા 7-સીટર વાહનની સંપૂર્ણ ફ્લેક્સિબિલિટી, મોડ્યુલારિટી અને ક્ષમતાનો પણ લાભ આપે છે. આથી રોજિંદા ઉપયોગમાં સ્પેસની કોઈ કમી અનુભવાતી નથી.’

સફળતાના માર્ગ પર આગળ વધતાં, સીએનજી સિસ્ટમને એવી રીતે ડિઝાઇન કરવામાં આવી છે કે આરામ સાથે કોઈ સમજૂતી કર્યા વગર પ્રદર્શન, સલામતી અને કાર્યક્ષમતા મળે. આ સિક્વેન્શિયલ BS 6.2 અનુરૂપ સીએનજી કિટ છે, જેમાં સલામતી અને વિશ્વસનીયતા માટે ICAT દ્વારા પ્રમાણિત સિસ્ટમ લગાવવામાં આવી છે. તેમાં વધુ ટકાઉપણું માટે 8.1 મિમી જાડાઈવાળો હેવી-ડ્યુટી સિલિન્ડર આપવામાં આવ્યો છે. ખાસ કરીને ગ્રેવાઇટને ધ્યાનમાં રાખીને તેમાં ડાયનામિક એડવાન્સર ટેક્નોલોજીનો ઉપયોગ કરવામાં આવ્યો છે. આ સિસ્ટમમાં ફ્યુઅલ લિડની નીચે ફ્યુઅલ ફિલિંગ પોઇન્ટ આપવામાં આવ્યો છે. તેમાં સારી રીતે ડિઝાઇન કરાયેલા કોમ્પોનેન્ટ બ્રેકેટ્સ સાથે ક્લીન ફેક્ટરી ફિનિશ મળે છે. સાથે જ તેમાં રિયર સીટને એવી રીતે ઑપ્ટિમાઇઝ કરવામાં આવી છે કે પાછળ બેઠેલા મુસાફરોને પૂરતો આરામ મળે અને પેટ્રોલ તથા સીએનજી વચ્ચે સ્વિચ કરવું સરળ બને.

ઓફિસ અને સ્કૂલ આવન-જાવન કરનાર તેમજ નિયમિત રીતે શહેર બહાર જતાં હાઇ-માઇલેજ વપરાશકર્તાઓને ધ્યાનમાં રાખીને તૈયાર કરવામાં આવેલી ઓલ-ન્યૂ નિસાન ગ્રેવાઇટ સીએનજીમાં પેટ્રોલની તુલનામાં ખર્ચ ઘણો ઓછો આવે છે. આથી સીએનજી ઉપલબ્ધ બજારોમાં 7-સીટર વાહનનો ઉપયોગ વધુ વ્યવહારુ અને કિફાયતી બનશે. સાથે જ આ સ્વચ્છ હવા અને પર્યાવરણને વધુ અનુકૂળ ઉકેલમાં યોગદાન આપશે. ખાસ કરીને ભારે ટ્રાફિકવાળા વિસ્તારો અને શહેરો માટે આ મહત્વપૂર્ણ છે. આથી પરિવારોને પોતાની સુવિધા સાથે કોઈ સમજૂતી કર્યા વગર વધુ સારું વિકલ્પ પસંદ કરવામાં મદદ મળશે.

ઓલ-ન્યૂ નિસાન ગ્રેવાઇટ સીએનજી રેટ્રોફિટમેન્ટ કિટ આજથી 16 રાજ્યોમાં નિસાનના અધિકૃત ડીલર નેટવર્ક પર ઉપલબ્ધ છે.