સુરતઃ “સ્વચ્છતા હી સેવા – ૨૦૨૬” રાષ્ટ્રીય સ્તરના સ્વચ્છતા અભિયાન હેઠળ, CISF યુનિટ, ASG સુરત, સ્થાનિક પોલીસ સાથે મળીને આજરોજ ડુમસ બીચ ખાતે સ્વચ્છતા અભિયાન હાથ ધરાયું હતું. આ અભિયાન ડેપ્યુટી કમિશનર ઓફ પોલીસ (ઝોન ૭)ના સૈફાલી બરવાલ, અને કુમાર અભિષેક, કમાન્ડન્ટ/CASO, ASG સુરતના નેતૃત્વ હેઠળ હાથ ધરવામાં આવ્યું હતું.
આ કાર્યક્રમમાં સ્વચ્છતા રેલી, સફાઈ અભિયાન તથા મોજાનું વિતરણ અને સ્વચ્છતા પ્રતિજ્ઞા લેવાઈ હતી. સહભાગીઓએ સ્વચ્છતા પ્રતિજ્ઞા લીધી અને સ્વચ્છ ભારત અભિયાન પ્રત્યેની તેમની પ્રતિબદ્ધતાનો પુનરોચ્ચાર કર્યો હતો.
આ પ્રસંગે CISF કર્મચારીઓ, સ્થાનિક પોલીસ અને સામાન્ય લોકોએ ઉત્સાહપૂર્વક ભાગ લીધો હતો. આ અભિયાને સ્વચ્છતા અને સ્વચ્છ પર્યાવરણ વિશે જાગૃતિ ફેલાવી અને નાગરિકોને તેમની જવાબદારીઓ નિભાવવા માટે પ્રેરણા આપી હતી.
