ગુરુગ્રામ, 18 ડિસેમ્બર, 2025: નિસાનની નવી ગેમ-ચેન્જિંગ 7-સીટર B-MPVનું નામ ગ્રેવાઇટ હશે અને તેને 2026ની શરૂઆતમાં લોન્ચ કરવામાં આવશે. ભારત માટે બ્રાન્ડની રિફ્રેશ્ડ અને સ્ટ્રેટેજિક લાઇન-અપ હેઠળ લોન્ચ થતું આ પ્રથમ મોડેલ હશે. આધુનિક ભારતીય પરિવારો માટે ખાસ તૈયાર કરાયેલ ગ્રેવાઇટ શાનદાર વિવિધતા અને મોડ્યુલેરિટી પ્રદાન કરશે. વેલ્યૂ શોધતા પરિવારો માટે સુવિધાઓને નવી વ્યાખ્યા મળશે, સાથે જ નિસાનના પ્રોડક્ટ પોર્ટફોલિયોના વિસ્તરણને ગતિ મળશે.
નિસાન મોટર ઇન્ડિયાની મહત્ત્વાકાંક્ષી પ્રોડક્ટ ઓફેન્સિવ હેઠળ બીજા મોડેલ તરીકે જુલાઈ, 2024માં ગ્રેવાઇટની જાહેરાત કરવામાં આવી હતી. આ મોડેલ કંપનીની વિકાસ ગતિ દર્શાવે છે. કંપનીના પ્રોડક્ટ રોડમેપમાં 2026ની શરૂઆતમાં ગ્રેવાઇટનું લોન્ચિંગ, 2026ના મધ્યમાં ટેક્ટોન અને 2027ની શરૂઆતમાં 7-સીટર C-SUVનું લોન્ચિંગ સામેલ છે. આથી ભારતીય ગ્રાહકો માટે પોતાની ઓફરિંગને વિવિધ, મજબૂત અને રીવાઇટલાઇઝ કરવાની નિસાનની પ્રતિબદ્ધતા સાબિત થાય છે.
એક નામ જે નિસાનની મહત્ત્વાકાંક્ષા દર્શાવે છે
‘ગ્રેવાઇટ’ નામ ‘ગ્રેવિટી’ (ગુરુત્વાકર્ષણ) શબ્દથી પ્રેરિત છે, જે સંતુલન, સ્થિરતા અને શક્તિશાળી આકર્ષણનું પ્રતિક છે. આ પરિવારને આરામ, વિવિધતા અને સરળ કનેક્ટિવિટી આપતા વાહનો ડિઝાઇન કરવાની નિસાનની દૃષ્ટિ દર્શાવે છે. 1.4 અબજ ભારતીયો અને દેશની આધારશિલા બનેલી 19,000 ભાષાઓ અને પરંપરાઓથી પ્રેરિત ગ્રેવાઇટ મહત્ત્વાકાંક્ષી અને બહુમુખી ભારતીયો માટે સચોટ સાથી બનીને સામે આવશે.
ઇન્ટીરિયર: મોડ્યુલેરિટી અને કમ્ફર્ટનું ઉત્તમ સંયોજન
કેબિનમાં વિશાળ ખુલ્લાપણું અને ક્લાસ-લીડિંગ સ્ટોરેજ ઇનોવેશન્સ સાથે ગ્રેવાઇટ પરિવારના સફરને ખાસ બનાવશે. તેની દરેક બાબત વિવિધતાને ધ્યાનમાં રાખીને તૈયાર કરવામાં આવી છે. તેમાં પેસેન્જર અને કાર્ગોની જુદી-જુદી જરૂરિયાતોને અનુરૂપ એડજસ્ટ થતી અલ્ટ્રા-મોડ્યુલર સીટિંગ આપવામાં આવી છે. આ સ્માર્ટ રીતે સ્પેસ યુટિલાઇઝેશનને શક્ય બનાવે છે, જે રોજિંદા પ્રવાસ સાથે સાથે ફેમિલી રોડ ટ્રિપ માટે પણ અનુકૂળ છે.
2026ની શરૂઆતમાં ગ્રાન્ડ ડેબ્યૂ માટે તૈયાર ઓલ-ન્યુ ગ્રેવાઇટનું ઉત્પાદન ચેન્નઈ સ્થિત પ્લાન્ટમાં કરવામાં આવશે. આ ખાસ કરીને ભારતીય ગ્રાહકોની બદલાતી માંગ મુજબ વાહનો પહોંચાડવાની નિસાન મોટર ઇન્ડિયાની પ્રતિબદ્ધતા દર્શાવે છે. નિસાનની નવી લાઇન-અપમાં બીજા મહત્વપૂર્ણ મોડેલ તરીકે ગ્રેવાઇટ, ભારતમાં બ્રાન્ડના નવા પ્રોડક્ટ્સની દિશામાં મહત્વપૂર્ણ પગલું છે.
ડિઝાઇન અને પ્રેરણા
નિસાનની ગ્લોબલ ડિઝાઇન લેંગ્વેજને અનુરૂપ ઓલ-ન્યુ ગ્રેવાઇટ તેની બોલ્ડ અને અનોખી ઓળખ સાથે ઉભરી આવશે. તેનો સિગ્નેચર C-શેપ્ડ ફ્રન્ટ ગ્રિલ નિસાનના DNAનું ડિફાઇનિંગ એલિમેન્ટ છે, જે તેની રોડ પ્રેઝન્સને વધુ બોલ્ડ બનાવે છે. ગ્રેવાઇટના સ્લીક હોરિઝોન્ટલ પ્રોપોર્શન અને આત્મવિશ્વાસભર્યા, મસ્ક્યુલર સ્ટાન્સ તેને પ્રેક્ટિકલ અને રોજિંદા ઉપયોગ સાથે સાથે મોડર્ન એલિગન્સ પણ આપે છે.
ગ્રેવાઇટ તેના સેગમેન્ટમાં એકમાત્ર મોડેલ છે જેમાં યુનિક રિયર ડોર બેજિંગ સાથે હૂડ બ્રાન્ડિંગ આપવામાં આવ્યું છે. આ એક બોલ્ડ ડિઝાઇન પસંદગી છે, જે તેની ખાસ ઓળખને વધુ ઉન્નત બનાવે છે. તેના રિયર ફેશિયાથી નિસાનની સિગ્નેચર C-શેપ્ડ ઇન્ટરલોક થીમ જોવા મળે છે, જે રસ્તા પર આ MPVની પ્રેઝન્સને સૌની નજર ખેંચતી બનાવશે.
