ધ રેડીયન્ટ ઇન્ટરનેશનલ સ્કૂલ CBSE દ્વારા ઇન્ટર સ્કૂલ કોમ્પીટીશનનું સફળ આયોજન

સુરતઃ ધ રેડિયન્ટ ઇન્ટરનેશનલ સ્કૂલ,CBSE ઉગત કેનાલ રોડ જહાંગીરાબાદ ખાતે  29  નવેમ્બર 2025 ને શનિવારના રોજ ઇન્ટર સ્કૂલ “રોબો રિવોલ્યુશન ચેલેન્જ-રોબો ક્રાંતિ” સંદર્ભે આંતરશાળા સ્પર્ધાનું આયોજન કરવામાં આવ્યું. જેમાં વિદ્યાર્થીઓની સર્જનાત્મકતા ખીલે, સમસ્યાનું નિરાકરણ કરવાની કુશળતા વિકસે તેમજ તેઓ રોબોટિક્સ પ્રત્યેનો જુસ્સો પ્રદર્શિત કરી શકે તે હેતુથી આ સ્પર્ધાનું આયોજન થયું. આ સ્પર્ધામાં કુલ 17 શાળાના ધોરણ 5 થી 9ના વિદ્યાર્થીઓએ ભાગ લીધો તેમજ 31 જેટલી ટીમે રોબોટિક્સ અંતર્ગત જુદા જુદા પ્રોજેક્ટ રજૂ કર્યા.

પર્યાવરણ સુરક્ષિત રાખવામાં રોબટિક્સની ભૂમિકા, કૃષિ ક્ષેત્રે રોબોટિક્સની ભૂમિકા, તેમજ વાહન વ્યવહાર ક્ષેત્રે રોબોટિક્સની ભૂમિકા આ ત્રણ થીમ પર આધારિત જુદા જુદા પ્રોજેક્ટ રજૂ થયા. જે ખૂબ આકર્ષક રહ્યા. પ્રોજેક્ટોમાં રહેલી નવીનતા, સર્જનાત્મકતા, પ્રોજેક્ટની સમજુતી અને પ્રસ્તુતિને આધારે તેનું મૂલ્યાંકન કરી શ્રેષ્ઠ કૃતિઓને વિજેતા જાહેર કરવામાં આવી.

આ પ્રોજેક્ટમાં ઓટોમેટીક ટ્રાફિક સિગ્નલ, ઓટોમેટીક એમ્બ્યુલન્સ ડીઝાસ્ટર મેનેજમેન્ટ વિથ રોબોટિક, ઓટોમેટીક પ્લાસ્ટિક ઇલેક્ટ્રિસીટી જનરેટર, ધ્વનીપ્રદુષણપર રોબોટિક ધ્વારા નિયંત્રણ વન્યજીવોની સલામતી તેમજ સુરક્ષામાં રોબોટિકની ભૂમિકા, સુકા અને ભીના કચરાનો નિકાલ કરતી સ્માર્ટ ડસ્ટબીન, જેવા પ્રોજેક્ટ વિજ્ઞાનના શિક્ષકમિત્રો અને વિદ્યાર્થીમિત્રો દ્વારા રજુ થયા હતા.

આ કોમ્પીટીશનમાં સૌથી સફળ પ્રોજેક્ટ “ધ રેડીયન્ટ ઇન્ટરનેશનલ સ્કૂલ CBSE ધ્વારા તેમના આચાર્ય તૃષારપરમાર અને શિક્ષક મિત્રોના માર્ગદર્શન હેઠળ વિદ્યાર્થીઓએ “ ફાયર આઈ રેન્જર  રજુ કરી અન્ય શાળા અને વિદ્યાર્થી માટે આકર્ષણનું કેન્દ્ર બન્યું હતું.

આ કોમ્પીટીશન ખુબ સફળ રહી હોવાથી તેમજ વિદ્યાર્થીમાં વિજ્ઞાનની જીજ્ઞાશા અકબંધ રહે તે હેતુથી શાળાના મેનેજીંગ ડાયરેક્ટર શ્રી કિશન માંગુકિયા દ્વારા “રોબો રિવોલ્યુશન ચેલેન્જ-રોબો ક્રાંતિ જેવી સ્પર્ધાનું આયોજન કરતા રહેશે તેવી જાહેરાત કરી ૧૨ શાળાના વિદ્યાર્થી અને શિક્ષક મિત્રોને અભિનંદન પાઠવી તેમનો ઉત્સાહ વધાર્યો હતો