અમદાવાદ, 22 જૂન, 2023: AR/VR ડેવલપમેન્ટ અને મોબાઈલ એપ્પમાં નિપુણતા ધરાવતી અગ્રણી ગેમ, બ્લોકચેઈન અને AI/ML કંપની યુડીઝ સોલ્યુશન્સને પ્રતિષ્ઠિત ટેક ઈન્ડીયા ટ્રાન્શફોર્મેશન ઈવેન્ટમાં “ટેક કંપની ઓફ ધ યર” તરીકેનુ બહુમાન હાંસલ થયું છે.
આ એવોર્ડ એ યુડીઝ સોલ્યુશન્સનના ઈનોવેટીવ સોલ્યુશન્સ ડિલિવર કરવા માટેની અનોખી ક્ષમતા બદલ એનાયત કરવામાં આવ્યો છે. કંપની એક દાયકા કરતાં પણ વધુ સમયથી અદ્યતન ટેકનોલોજીનો લાભ આપવા ઉપરાંત ઈનોવેશન અને સફળતાનો ટ્રેક રેકોર્ડ ધરાવે છે તેમજ સસ્ટેઈનેબલ અને કોસ્ટ ઈફેકટીવ સોલ્યુશન્સ પૂરા પાડવા માટે કટિબધ્ધ છે. કંપની સાનુકૂળ વાતાવરણ પૂરૂ પાડવાની સાથે સાથે કોલાબરેટિવ વર્ક કલ્ચર અમલમાં મૂકવા ઉપર ધ્યાન કેન્દ્રિત કરીને પોતાનો ઉદ્દેશ હાંસલ કરવામાં મહત્વની ભૂમિકા ભજવી રહી છે.
આ સિધ્ધિ અંગે પ્રતિભાવ આપતાં યુડીઝ સોલ્યુશન્સના મેનેજીંગ ડિરેકટર શ્રી પ્રતિક પટેલ જણાવે છે કે “ઈનોવેશન પ્રગતીનુ એન્જીન, અમને આગળ લઈ જતુ પ્રેરક બળ છે અને બધા માટે બહેતર ભવિષ્ય નક્કી કરે છે. અમે ઈનોવેશન અંગે ખૂબ ઉત્સાહી છીએ અને દુનિયાભરમાં તમામ માટે બહેતર અને સસ્ટેઈનેબલ ભાવિ બનાવવા કટિબધ્ધ છીએ. અમારા વિઝનને સહયોગ આપવા બદલ અમે તમારો આભાર માનીએ છીએ.”
યુડીઝ સોલ્યુશન્સ, ટેકનિકલ ક્ષમતા અને માનવ સંસાધન બાબતે વૈશ્વિક વિસ્તરણ માટે કામ કરે છે. કંપની પોતાનો ગેમીંગ સ્ટુડીયો અને ગેમ પબ્લીશીંગ પ્લેટફોર્મ શરૂ કરવાની દિશામાં આગળ વધી રહી છે.
