સુરત , આઝાદીના અમૃત મહોત્સવ અંતર્ગત VIP રોડ સ્થિત સુરતધામના શ્રી શ્યામ મંદિર સુરતધામના અંજની હોલમાં શ્રી શ્યામ સેવા ટ્રસ્ટ દ્વારા રવિવારે વિશાળ રક્તદાન કેમ્પનું આયોજન કરવામાં આવ્યું હતું. સવારે 10 વાગ્યાથી આયોજિત શિબિરની શરૂઆત બાબા શ્યામ સામે શ્યામ ફાગલવાલા, સંજય સરાવગી, સાંવર પ્રસાદ બુધિયા દ્વારા દીપ પ્રાગટ્ય કરીને કરવામાં આવી હતી.
મહાવીર હોસ્પિટલ બ્લડ બેંક, સ્મીમેર હોસ્પિટલ બ્લડ બેંક અને સરદાર વલ્લભભાઈ પટેલ બ્લડ બેંકના સહયોગથી રક્તદાન કેમ્પમાં કુલ 277 યુનિટ રક્ત એકત્ર કરવામાં આવ્યું હતું. આ પ્રસંગે ટ્રસ્ટ દ્વારા તમામ રક્તદાતાઓને પ્રમાણપત્રો ઉપરાંત ઈનામો આપવામાં આવ્યા હતા.
કેમ્પમાં તમામ રક્તદાતાઓ માટે નાસ્તાની પણ વ્યવસ્થા કરવામાં આવી હતી. આ પ્રસંગે રામપ્રકાશ રૂંગટા, વિનોદ કાનોડિયા, સંદીપ બેરીવાલા, યોગેશ ઝાખલિયા સહિત શ્રી શ્યામ સેવા ટ્રસ્ટના અનેક સભ્યો ઉપસ્થિત રહ્યા હતા.
