અમદાવાદ: ગ્લોબલ ઈન્ડિયન ઈન્ટરનેશનલ સ્કૂલ (GIIS) અમદાવાદ અંડર-14 સ્કૂલ ગેમ્સ ફેડરેશન ઓફ ઈન્ડિયા (SGFI) ડિસ્ટ્રિક્ટ ફૂટબોલ ટુર્નામેન્ટમાં ચેમ્પિયન તરીકે પોતાની નામના બનાવી છે. શાળાની ટીમે ફાઇનલમાં ઉત્કૃષ્ટ રમત રમીને ઉદગમ સ્કૂલ સામે 1-0ના સ્કોરથી જીત મેળવી હતી.
આ ટુર્નામેન્ટમાં કુલ 19 શાળાઓએ ભાગ લીધો હતો અને GIIS અમદાવાદની ટીમે ખ્યાતી વર્લ્ડ સ્કૂલ સામે 4-0ના સ્કોર સાથે ક્વાર્ટર ફાઈનલ રાઉન્ડમાં જીત મેળવી હતી. સેમિફાઇનલમાં ટીમ ગ્લોબલ મિશન ઇન્ટરનેશનલ સ્કૂલ સામે રમાઈ હતી અને 3-0ના સ્કોર સાથે મેચ પોતાના નામે કરી હતી. ફાઇનલ મુકાબલો અમદાવાદ ઇન્ટરનેશનલ સ્કૂલ સામે હતો જ્યાં GIIS અમદાવાદ સ્કૂલની ટીમ 2-0ના સ્કોરથી જીતી મેળવી હતી.
ફાઈનલ તાજેતરમાં અમદાવાદમાં SAG સ્પોર્ટ્સ કોમ્પ્લેક્સ, નિકોલ ખાતે યોજાઈ હતી. GIIS અમદાવાદની ફૂટબોલ ટીમના કેપ્ટન જયશીલ સોમપુરાએ પોતાની ખુશી શેર કરી અને કહ્યું હતું કે, “ટાઈ થવાની સંભાવનાને કારણે રમતનો પ્રથમ હાફ રોમાંચક હતો. જો કે, જ્યારે અમે અમારો પ્રથમ ગોલ કર્યો ત્યારે અમારી ટીમના ખેલાડીઓ માં ઉત્સાહ વધ્યો હતો. મેચની પડકારરૂપ હોવા છતાં, અમે વિજયી બન્યા. આ વિજય અમારા અવિરત સમર્પણનું પરિણામ છે, અને જિલ્લા ચેમ્પિયન તરીકે તાજ પહેરાવવાની પળ ખરેખર આનંદદાયક છે. મને મારી ટીમ પર ખૂબ ગર્વ છે અને મને વિશ્વાસ છે કે અમે ભવિષ્યમાં પણ વધુ સિદ્ધિઓ માટે સતત પ્રયત્નશીલ રહીશું.”
જયશીલ સોમપુરા, મેક બાલધા, દર્શ દેવાણી અને શ્રેષ્ઠ શર્મા; GIIS અમદાવાદ ફૂટબોલ ટીમના ચાર ટીમના સભ્યો હવે આગામી મહિનાઓમાં યોજાનારી રાજ્ય કક્ષાની ચેમ્પિયનશિપમાં શહેરનું પ્રતિનિધિત્વ કરશે.
GIIS અમદાવાદના પ્રિન્સિપાલ શ્રી સીઝર ડીસિલ્વાએ વિદ્યાર્થીઓને તેમના જબરદસ્ત પ્રદર્શન બદલ બિરદાવ્યા હતા. તેણે કહ્યું, “મને અમારા યુવા ફૂટબોલરો પર ખૂબ જ ગર્વ છે જેમણે U-14 SGFI ડિસ્ટ્રિક્ટ ચેમ્પિયન બનવા માટે અસાધારણ પ્રતિભા અને નિશ્ચય દર્શાવ્યો છે. તેઓએ તેમની દ્રઢતા, સમર્પણ અને સખત મહેનતથી GIIS અમદાવાદને ગૌરવ અપાવ્યું છે. આ યુવા ફૂટબોલરો અને તેમના કોચ ક્ષિતિજ જૈનને તેમના અમૂલ્ય પ્રયાસો માટે અભિનંદન. મને વિશ્વાસ છે કે તેઓ રાજ્ય-સ્તરની ટુર્નામેન્ટમાં સિદ્ધિ મેળવશે.
