CS પ્રોફેશનલમાં ઈગ્નાઈટ એકેડમીની શાનદાર સિદ્ધિ: AIR-9 સાથે લાબ્ધિ જૈન સુરતમાં પ્રથમ, 40થી વધુ વિદ્યાર્થીઓ CS એક્ઝિક્યુટિવમાં સફળ
સુરત: ઈન્સ્ટિટ્યૂટ ઓફ કંપની સેક્રેટરીઝ ઓફ ઈન્ડિયા (ICSI) દ્વારા જૂન-2026માં લેવાયેલી CS પ્રોફેશનલ અને CS એક્ઝિક્યુટિવ પરીક્ષાનું પરિણામ 25 ઓગસ્ટે જાહેર થયું હતું. આ પરિણામમાં સુરતના ઘોડદોડ રોડ સ્થિત ઈગ્નાઈટ એકેડમીના વિદ્યાર્થીઓએ શાનદાર પ્રદર્શન કરી સંસ્થાનું ગૌરવ વધાર્યું છે.
CS પ્રોફેશનલમાં ઈગ્નાઈટ એકેડમીના કુલ 20 વિદ્યાર્થીઓ સફળ થયા છે. જેમાં લાબ્ધિ જૈને ઓલ ઈન્ડિયા રેન્ક (AIR) 9 મેળવી સુરતમાં પ્રથમ સ્થાન પ્રાપ્ત કર્યું છે. જ્યારે ઝીલ પરિકરે વાપીમાં પ્રથમ સ્થાન અને સાક્ષી રબારીએ સુરતમાં પાંચમું સ્થાન મેળવ્યું છે.
CS એક્ઝિક્યુટિવમાં પણ 40થી વધુ વિદ્યાર્થીઓ સફળ
CS એક્ઝિક્યુટિવના પરિણામમાં પણ ઈગ્નાઈટ એકેડમીના 40થી વધુ વિદ્યાર્થીઓએ સફળતા મેળવી છે. સંસ્થા દ્વારા આપવામાં આવેલા નિયમિત માર્ગદર્શન, અભ્યાસ અને રિવિઝન પ્લાનને વિદ્યાર્થીઓની સફળતામાં મહત્વપૂર્ણ ગણાવવામાં આવ્યો છે.
અનુભવી માર્ગદર્શનથી વિદ્યાર્થીઓને સફળતા
ઈગ્નાઈટ એકેડમીના માર્ગદર્શક CS ભૂપેન્દ્ર જૈનના માર્ગદર્શન હેઠળ વિદ્યાર્થીઓને નિયમિત અભ્યાસ, પરીક્ષાલક્ષી તૈયારી અને જરૂરી માર્ગદર્શન આપવામાં આવ્યું હતું. વિદ્યાર્થીઓની મહેનત, લગન અને સંસ્થાની સુવ્યવસ્થિત તૈયારીના પરિણામે આ સિદ્ધિ હાંસલ થઈ હોવાનું સંસ્થાએ જણાવ્યું છે.
ડિસેમ્બર-2026માં આગામી પરીક્ષા
CS કોર્સ 12મા ધોરણ બાદ કરી શકાય તેવો પ્રતિષ્ઠિત પ્રોફેશનલ કોર્સ છે. કોર્પોરેટ ક્ષેત્રના સતત વિસ્તરણને કારણે કંપની સેક્રેટરી તરીકે કારકિર્દીની તકોમાં પણ વધારો થયો છે. CS પ્રોફેશનલ અને CS એક્ઝિક્યુટિવની આગામી પરીક્ષા ડિસેમ્બર-2026માં યોજાશે.
ઈગ્નાઈટ એકેડમી દ્વારા તમામ સફળ વિદ્યાર્થીઓને અભિનંદન પાઠવી તેમના ઉજ્જવળ શૈક્ષણિક અને વ્યાવસાયિક ભવિષ્ય માટે શુભેચ્છાઓ પાઠવવામાં આવી છે.
