નિસાન મોટર ઇન્ડિયા અને એવિસ ઇન્ડિયાએ લીઝિંગ અને સબસ્ક્રિપ્શન આધારિત સોલ્યુશન્સ માટે ભાગીદારી જાહેર કરી
ગુરુગ્રામ, 23 એપ્રિલ, 2026: નિસાન મોટર ઇન્ડિયા પ્રાઈવેટ લિમિટેડ (એનએમઆઈપીએલ) અને એવિસ ઇન્ડિયાએ આજે ભારતમાં કોર્પોરેટ મોબિલિટી અને લીઝિંગ સોલ્યુશન્સને મજબૂત બનાવવા માટે વ્યૂહાત્મક ભાગીદારીની જાહેરાત કરી છે. બંને કંપનીઓએ મળીને ઇન્ટિગ્રેટેડ લીઝિંગ અને સબસ્ક્રિપ્શન ઓફરિંગ્સ રજૂ કરી છે. આ ગઠબંધનનો હેતુ વિવિધ કંપનીઓમાંથી આવી રહેલી ફ્લેક્સિબલ અને એસેટ-લાઇટ મોબિલિટી મોડલ્સની વધતી માંગને પૂરી કરવાનો છે. સાથે સાથે આ દ્વારા સ્ટ્રક્ચર્ડ અને એન્ડ-ટુ-એન્ડ ઇકોસિસ્ટમ મારફતે નિસાનના વાહન પોર્ટફોલિયો સુધી સરળ અને કિફાયતી પહોંચ સુનિશ્ચિત કરવામાં આવશે.
આ ઓફરિંગ્સ હેઠળ ફ્લેક્સિબલ લીઝિંગ અને સબસ્ક્રિપ્શન પ્લાન દ્વારા નિસાન મેગ્નાઇટ અને ઓલ-ન્યુ નિસાન ગ્રેવાઇટ સહિત નિસાનના પ્રોડક્ટ પોર્ટફોલિયો સુધી પહોંચી શકાશે. તેમાં 60 મહિના સુધીની અવધિ અને 50,000 કિલોમીટર સુધીના ઉપયોગ માટે વિવિધ પ્લાન ઉપલબ્ધ રહેશે. કેટલીક વેરિઅન્ટ્સ માટે ભાડું 9,399 રૂપિયા પ્રતિ મહિનો (જી.એસ.ટી. અને નિયમો તથા શરતો લાગુ)* થી શરૂ થશે. આ સોલ્યુશન્સ એવી રીતે ડિઝાઇન કરવામાં આવ્યા છે કે કોર્પોરેટ ગ્રાહકોને કિફાયતી અને અનુકૂળ વિકલ્પો મળી શકે.
આ જાહેરાત અંગે નિસાન મોટર ઇન્ડિયાના મેનેજિંગ ડિરેક્ટર શ્રી સૌરભ વત્સે જણાવ્યું કે, “આ ભાગીદારી વ્યૂહાત્મક અને ગ્રાહક કેન્દ્રિત પહેલો દ્વારા ભારતીય બજાર પ્રત્યે નિસાનની દીર્ઘકાલીન પ્રતિબદ્ધતાને મજબૂત બનાવશે. તેના માધ્યમથી સરળ અને લવચીક મોબિલિટી સોલ્યુશન્સનો વિસ્તાર કરવામાં આવશે અને ગ્રાહકોને વધુ સારું મૂલ્ય મળશે. એવિસ ઇન્ડિયા સાથે ભાગીદારી કરીને અમે એક સરળ લીઝિંગ ઇકોસિસ્ટમ બનાવી રહ્યા છીએ, જે અમારા પ્રોડક્ટ પોર્ટફોલિયોને પૂરક બની રહેશે અને કાર્યક્ષમ, સ્કેલેબલ અને એસેટ-લાઇટ મોબિલિટી સોલ્યુશન્સ ઈચ્છતા કોર્પોરેટ ગ્રાહકોની બદલાતી જરૂરિયાતોને પૂર્ણ કરશે.”
આ જાહેરાત અંગે એવિસ ઇન્ડિયાના મેનેજિંગ ડિરેક્ટર શ્રી અમન નાગરે જણાવ્યું કે, “આ ભાગીદારી એવિસ ઇન્ડિયામાં અમારા માટે મુખ્ય ઉત્પાદકો સાથેના સંબંધોને મજબૂત બનાવવાની અને ઓપરેશનલ ક્ષમતાઓ વધારવાની તક છે. તે એન્ટરપ્રાઇઝ ક્લાયન્ટ્સ માટે સ્કેલેબલ અને સ્ટ્રક્ચર્ડ પ્લેટફોર્મ બનાવવા અને પ્રદાન કરવાનો અમારા હેતુ સાથે સુસંગત છે.”
આ ભાગીદારી હેઠળ એવિસ ઇન્ડિયા લીઝના સમગ્ર જીવનચક્ર દરમિયાન મેનેજમેન્ટ સંભાળશે. તેમાં વાહન ખરીદી, રજિસ્ટ્રેશન, મેન્ટેનન્સ, ઇન્શ્યોરન્સ અને ટર્મના અંતે સેવાઓ સહિત બધું સામેલ રહેશે. આથી અંદાજિત ખર્ચ સાથે સરળ અને સુવિધાજનક અનુભવ સુનિશ્ચિત થશે. સાથે સાથે કંપનીઓ માટે સ્કેલેબલ અને એસેટ-લાઇટ મોબિલિટી સોલ્યુશન્સ અપનાવવું સરળ બનશે.
