હજીરા-સુરત, એપ્રિલ 06, 2026: આર્સેલરમિત્તલ નિપ્પોન સ્ટીલ ઈન્ડિયા (AM/NS India), જે આર્સેલરમિત્તલ અને નિપ્પોન સ્ટીલનું સંયુક્ત સાહસ છે, એ હજીરામાં આવેલી પોતાની કોમ્પેક્ટ સ્ટીલ પ્રોડક્શન (CSP) મિલની એક મહત્વપૂર્ણ સિદ્ધિ મેળવી છે. આ પ્લાન્ટે 41 મિલિયન ટન સ્ટીલ ઉત્પાદનનો આંક પાર કર્યો છે અને વિશ્વમાં સૌથી મોટા અને સતત સારી કામગીરી આપતા યુનિટ્સમાંનું એક બન્યું છે. એક જ મિલ દ્વારા પ્રાપ્ત આ સિદ્ધિ AM/NS Indiaની આધુનિક સ્ટીલ ઉત્પાદન ક્ષમતા અને ઉત્તમ કામગીરી દર્શાવે છે.
વર્ષ 2011માં શરૂ થયેલી CSP મિલ વિશ્વમાં પ્રથમ એવી મિલ છે, જેમાં 3 ટનલ ફર્નેસ અને 3 કાસ્ટર્સને એક જ સાત-સ્ટેન્ડ ફિનિશિંગ મિલ સાથે જોડવામાં આવ્યા છે. જે વિશ્વના સ્ટીલ ઉદ્યોગમાં એક અનોખી રચના ધરાવે છે. આ સિદ્ધિ CSP મિલને ભારત અને વિશ્વ સ્તરે એક ખાસ સ્થાન અપાવે છે. તેની અનોખી રચના અને અદ્યતન ટેક્નોલોજીના કારણે, આ પ્લાન્ટ સતત સારી કામગીરી, વિસ્તરણ ક્ષમતા અને પર્યાવરણને અનુકૂળ કામગીરી આપે છે.
મુખ્ય સિદ્ધિઓમાં ઝડપી કાસ્ટિંગ, અલગ-અલગ પ્રકારના સ્ટીલ ગ્રેડ્સ બનાવવાની ક્ષમતા, વધુ સારું ઉત્પાદન પ્રમાણ (yield)નો સમાવેશ થાય છે. વધુમાં,મિલની શરૂ થયેલી ત્રીજી ટનલ ફર્નેસથી તેની ઉત્પાદન ક્ષમતામાં વધારો થયો છે.
હજીરાની હોટ રોલિંગ કામગીરીમાં મહત્વનું યોગદાન આપતી CSP મિલ, AM/NS Indiaની ફ્લેટ સ્ટીલ ઉત્પાદન ક્ષેત્રમાં આગેવાનીમાં મહત્વપૂર્ણ ભૂમિકા ભજવે છે અને ઓટોમોટિવ, ઇન્ફ્રાસ્ટ્રક્ચર, કન્સ્ટ્રક્શન, એન્જિનિયરિંગ અને વ્હાઇટ ગુડ્સ જેવા ક્ષેત્રોને સપોર્ટ કરે છે. આ પ્લાન્ટ વધુ મૂલ્યવર્ધિત સ્ટીલ બનાવવામાં, ડિજિટલ ટેક્નોલોજીનો ઉપયોગ વધારવામાં અને “Smarter Steels, Brighter Futures”ના કંપનીના મૂળ ઉદ્દેશ મુજબ પર્યાવરણ અનુકૂળ વિકાસ સાથે આગળ વધી રહ્યો છે.
