સુરત : એઆઈ પાવર ડિજિટલ એન્જિનિયરિંગ ક્ષેત્રની જાણીતી ટેક કન્સલ્ટિંગ કંપનીએ વડોદરામાં અદિતિ એઆઈ લેબનો આરંભ કર્યો હતો. અદિતિ લેબનો એઆઈ એપ્રેન્ટીસશીપ પ્રોગ્રામનો 12 મહિનાનો કોર્સ આશાસ્પદ એન્જિનિયરિંગ ગ્રેજ્યુએટ્સને ઉદ્યોગો માટે જરૂરી એવા એઆઈ પ્રોફેશનલ માં પરિવર્તિત કરવા ઘડાયો છે. આ પ્રોગ્રામમાં ભાગ લેનાર એ આઈ(AI)ના વાસ્તવિક વિશ્વની એઆઈ સિસ્ટમ્સ તૈયાર કરવાની પ્રત્યક્ષ તાલીમ મેળવશે અને તે ટેલિકોમ, ફિન્ટેક અને મેન્યુફેક્ચરિંગ જેવા સેક્ટરના પ્રોજેક્ટમાં કામ કરશે. ડેટા એન્જિનિયરિંગ અને મોડેલ ડેવલપમેન્ટથી લઈને ઓપરેશન સાથે સંકળાયેલા મોડેલ્સને કેવી રીતે વિકસાવી શકાય તેમની કુશળતા પણ વિકસાવશે.
અદિતિ કન્સલ્ટિંગના ભારત દેશના વડા રમણા વડાવલ્લીએ જણાવ્યું હતું કે: “વિશ્વભરના સાહસો કૃત્રિમ બુદ્ધિમત્તાના યુગમાં ટેકનોલોજી સિસ્ટમ્સ કેવી રીતે ડિઝાઇન, નિર્માણ અને સંચાલિત થાય છે તેની પુનઃકલ્પના કરી રહ્યા છે. જ્યારે AI ઉદ્યોગોને બદલી રહ્યું છે, ત્યારે તેની સાચી અસર આખરે આ સિસ્ટમોને જીવંત બનાવનારા એન્જિનિયરો પર આધારિત છે.
