સુરતમાં AAC બ્લોક્સ હવે માત્ર એક વિકલ્પ નથી, પરંતુ એક જવાબદાર ભવિષ્ય માટેનું નવું સ્ટાન્ડર્ડ બની રહ્યું છે

સુરત. 08 ફેબ્રુઆરી 2026: જેમ સુરત, ભારતનું સૌથી તેજ નિર્માણ પામતું સ્માર્ટ સિટી બની રહ્યું છે, તેમ કન્સ્ટ્રકશન સાઈટ પર એક નવું મટીરિયલ પોતાની મજબૂત જગ્યા બનાવી રહ્યું છે. લાલ ઈંટ, જે ભારતમાં સદીઓથી કન્સ્ટ્રકશનમાં વપરાતી આવી છે, તેને હવે એક નેક્સટ જનરેશન મટીરિયલથી બદલવામાં આવી રહી છે: ઓટોક્લેવ્ડ એરેટેડ કોંક્રિટ (AAC) બ્લોક્સ. વર્ષ 2026 માં જ્યારે કન્સ્ટ્રકશન ખૂબ જ સક્રિય રીતે ચાલી રહ્યું છે, ત્યારે ઇન્ડસ્ટ્રીના એક્સપર્ટસ આ બદલાવને “મટીરિયલ અપગ્રેડ” નામ આપી રહ્યા છે. વેસુના હાઈ-રાઈઝ રેસિડેન્શિયલ ટાવર્સથી લઈને ડુમસના કૉમર્શિઅલ ડેવલપમેન્ટ સુધી, ડેવેલોપર્સ ફાસ્ટ નિર્માણ, સસ્ટેનેબિલીટી અને પર્ફોર્મન્સને ધ્યાનમાં રાખીને AAC બ્લોક્સ નો ભરપૂર ઉપયોગ કરી રહ્યા છે. સુરતમાં AAC બ્લોક્સ હવે માત્ર એક વિકલ્પ નથી, પરંતુ એક જવાબદાર ભવિષ્ય માટેનું નવું સ્ટાન્ડર્ડ બની રહ્યું છે.

જે શહેરમાં ઉનાળામાં તાપમાન 40°C થી વધી જાય છે, ત્યાં ઘરની અંદરનું ઠંડું તાપમાન હવે એક લકઝરી નહીં પણ જરૂરિયાત બની ગઈ છે. ડેવેલોપર્સનું કહેવું છે કે AAC બ્લોક્સથી નિર્મિત બિલ્ડિંગના ઘરો અંદરથી 5°C સુધી ઠંડા રહે છે, જેના કારણે એર – કન્ડિશનિંગનું બિલ 30% જેટલું ઓછું આવે છે. AAC બ્લોક્સ અનેક મહત્વપૂર્ણ લાભો આપે છે, એક બ્લોક 9 ઈંટ જેટલો હોવા છતાં માત્ર 1/3 ભાગ જેટલું વજન ધરાવે છે, 43dB ના સાઉન્ડ ઇન્સુલાશન રેટિંગને કારણે બહારનો ઘોંઘાટ ઘરની અંદર આવતો નથી અને 4 કલાક સુધીની ફાયર રેઝિસ્ટન્સ હોવાથી આ બ્લોક્સ બિલ્ડિંગના રહેવાસીઓ માટે અત્યંત સુરક્ષિત છે.

રૂંગટા ડેવલપર્સના  અંકુર રૂંગટાએ જણાવ્યું કે, “અમે ફક્ત ઘર નથી વેચતા, પરંતુ ઘરની અંદરનું ઠંડું તાપમાન અને મનની શાંતિ પણ વેચીએ છીએ. 2026 માં દીવાલો કેવળ પાર્ટીશન નથી, એ તાપમાન, અવાજ અને વધતા એનર્જી કોસ્ટ સામે એક હાઈ પર્ફોર્મન્સ ફિલ્ટર છે.”

નવું ઘર લેતા લોકોમાં AAC બ્લોક્સ અંગે કેટલીક સામાન્ય ગેરસમજણો જોવા મળે છે, પરંતુ હકીકત કંઈક અલગ છે:

• ગેરસમજ: AAC બ્લોક્સ હળવા હોવાથી તેમની મજબૂતી ઓછી હોય છે.

હકીકત: તેઓ IS 2185 (Part 3) ધોરણો મુજબ બનેલા છે અને લગભગ 4 N/mm² કમ્પ્રેસિવ સ્ટ્રેન્થ આપે છે, જે હાઈ-રાઈઝ બિલ્ડિંગ્સ માટે અત્યંત યોગ્ય ગણાય છે.

• ગેરસમજ: AAC બ્લોક્સની દિવાલ પાણી શોષી લે છે.

હકીકત: તેની છિદ્રાળુ રચના ભેજ અને ક્ષારને રોકે છે, જેના કારણે ઘરના પેઇન્ટનું આયુષ્ય લાબું રહે છે.

• ગેરસમજ: ભારે વસ્તુઓ દિવાલ પર ટકી શકતી નથી.

હકીકત: યોગ્ય ડેશ ફાસ્ટનર્સનો ઉપયોગ કરવાથી TV, AC યુનિટ અને કિચન કેબિનેટ જેવી ભારે વસ્તુઓ સરળતાથી અને સુરક્ષિત રીતે લગાવી શકાય છે.