સુરતમાં એલ.પી. સવાણી એકેડેમીમાં જશ્ન-એ-સર્જન ડે 2 સ્પોર્ટ્સ મીટ 2025 ની ધમાકેદાર ઉજવણી

સુરત : એલ.પી. સવાણી એકેડેમીમાં જશ્ન-એ-સર્જન ડે 2 સ્પોર્ટ્સ મીટ 2025 ઉત્સાહ, ઊર્જા અને વિદ્યાર્થીઓ-વાલીઓની ઉમદા ભાગીદારી સાથે ભવ્ય રીતે યોજાઈ. રમતગમત ભાવના, શિસ્ત અને ટીમવર્કનું સુંદર સંયોજન ધરાવતો આ કાર્યક્રમ આખા કેમ્પસમાં પ્રેરણા અને આનંદનો માહોલ સર્જી ગયો.

કાર્યક્રમમાં મુખ્ય મહેમાન તરીકે ભારતભરમાં “આયર્ન ટીથ મેન” તરીકે જાણીતા રાકેશ સાનીની ઉપસ્થિતિ રહી. વિશિષ્ટ મહેમાનો તરીકે  રશીદ ઝિરક,  ભાવિતા પરેખ,  હેની ઝાલવાડિયા અને  મનિશા પ્રજાપતિ હાજર રહ્યા, જેમની હાજરીએ કાર્યક્રમને નવી ઊંચાઈ આપી. શાળાના ચેરમેન ડૉ. ધર્મેન્દ્ર સવાણીની વિશેષ ઉપસ્થિતિએ સમગ્ર કાર્યક્રમને વધુ પ્રેરણાદાયી બનાવ્યો. તેમણે વિદ્યાર્થીઓના ખેલ-પ્રયત્નોની પ્રશંસા કરી અને શ્રેષ્ઠ પ્રદર્શન માટે પ્રેરિત કર્યા.

ઉજવણીની શરૂઆત ભવ્ય માર્ચ-પાસ્ટ સાથે થઈ, જેમાં શાળાની રાષ્ટ્રીય અને આંતરરાષ્ટ્રીય ટીમોએ ભાગ લીધો. ત્યારબાદ સ્કૂલ કેબિનેટે આત્મવિશ્વાસભર્યું ટોર્ચ રન કર્યું. વિદ્યાર્થીઓએ રમતના મેદાન પર પ્રામાણિકતા, શિસ્ત અને પ્રતિબદ્ધતાથી રમવાની ખેલ-પ્રતિજ્ઞા લીધી. આ વર્ષની મસ્કોટ—હસમુખો અને આનંદમય પાંડા—કાર્યક્રમમાં બાળકો અને વાલીઓ માટે ખાસ આકર્ષણનું કેન્દ્ર બન્યો.વાલીઓ અને વિદ્યાર્થીઓ માટે આયોજિત જુમ્બા સેશન સમગ્ર મેદાનને તાજગી અને ઊર્જાથી ભરતું રહ્યું. ખુલ્લા મેદાનમાં યોજાયેલી વિવિધ રમતો અને પ્રવૃત્તિઓએ વિદ્યાર્થીઓની પ્રતિભા, મહેનત અને ખેલભાવનાને ઉજાગર કરી.

પ્રિન્સિપાલ ડૉ. મૌતોશી શર્માએ પોતાના પ્રેરણાદાયી સંબોધનમાં વિદ્યાર્થીઓ, વાલીઓ અને શિક્ષકગણને અભિનંદન પાઠવ્યા. તેમણે જણાવ્યું કે જશ્ન-એ-સર્જન ડે 2 સ્પોર્ટ્સ મીટ 2025 એલ.પી. સવાણી પરિવારમાં સૌના સામૂહિક સહકાર અને સમર્પણથી સફળ અને યાદગાર બની. ઉત્સવ ઉત્સાહ, એકતા અને આનંદમય સભર વાતાવરણમાં પૂર્ણ થયો, જેમાં વિદ્યાર્થીઓએ પોતાના Sportsmanship અને Spirit બંનેને નવા સ્તરે પહોંચાડ્યા.