દર વખતે કંઇક અલગ કરવા ઇચ્છતી ડૉ. અદિતિ મિત્તલે આ વર્ષે 250 દેશી મકાઇમાંથી ઇકો-ફ્રેન્ડલી ગણેશની મૂર્તિ બનાવી અને તેને ઉધના-મગદલ્લા રોડ પર આવેલ વીર નર્મદ દક્ષિણ ગુજરાત યુનિવર્સિટીના એમ્ફી થિયેટરમાં મુકી.
ડો. અદિતિ મિત્તલે જણાવ્યું કે દર વખતની જેમ આ વખતે પણ તેણે એવા ગણપતિ બનાવવા હતા જે પાછળથી ઉપયોગી થઈ શકે અને ખરા અર્થમાં ઈકો ફ્રેન્ડલી દેખાય. આ માટે તેણે દેશી મકાઈ પસંદ કરી. લગભગ 50 કિલો મકાઈમાંથી 5 ફૂટ ઊંચા ગણપતિ બનાવવામાં આવ્યા હતા અને તે જ રેસામાંથી ગણેશજીનું વાહન ઉંદર બનાવવામાં આવ્યું હતું.
અદિતિએ જણાવ્યું કે વિસર્જન પછી મકાઈને પ્રસાદના રૂપમાં જરૂરિયાતમંદ લોકોને વહેંચવામાં આવશે. આજના યુવાનોને ધર્મ અને ઈકો ફ્રેન્ડલીનું મહત્વ જણાવવા આ વખતે યુનિવર્સિટીમાં તેમના ગણપતિ રાખવામાં આવ્યા હતા. ગણેશજીની મૂર્તિનું વિસર્જન 9મી સપ્ટેમ્બરે સંપૂર્ણ વિધિ-વિધાન સાથે કરવામાં આવશે.
મંગળવારે વિદ્યાર્થીઓ દ્વારા સંપૂર્ણ શાહી શૈલીમાં મૂર્તિનું આગમન કરવામાં આવ્યું હતું અને બુધવારે સવારે પૂજા-અર્ચના કરવામાં આવી હતી.
ડો. અદિતિ મિત્તલ છેલ્લા છ વર્ષથી સતત તરબૂચ, ડ્રાયફ્રૂટ્સ, નારિયેળ વગેરેમાંથી ઇકો-ફ્રેન્ડલી ગણેશની મૂર્તિઓ બનાવે છે અને વિસર્જન પછી તેને પ્રસાદ તરીકે અલગ-અલગ જગ્યાએ વહેંચવામાં આવે છે. તેમના દ્વારા બનાવેલા ગણપતિની નોંધ ઈન્ડિયા બુક ઓફ રેકોર્ડ, ગુજરાત બુક ઓફ રેકોર્ડમાં નોંધાઈ છે.
