કેન્દ્ર સરકારનું બજેટ 2025 : ટેક્સ સરળીકરણ, રોજગારી અને ઈન્ફ્રાસ્ટ્રક્ચર પર વિશેષ ભાર

સુરત: કેન્દ્ર સરકારના નાણામંત્રી  નિર્મલા સીતારમણએ આજે સંસદમાં કેન્દ્રીય બજેટ રજૂ કર્યું. આ બજેટમાં *“સબકા સાથ, સબકા વિકાસ”*ના સિદ્ધાંત સાથે ટેક્સ વ્યવસ્થામાં સરળીકરણ, લિટીગેશન ઘટાડા અને ઈન્ફ્રાસ્ટ્રક્ચર તથા રોજગારીના અવસર સર્જવા પર વિશેષ ભાર મૂકવામાં આવ્યો છે, તેવી માહિતી સીએ પારસ શાહએ આપી હતી.

આવકવેરા સંબંધિત મહત્વપૂર્ણ જાહેરાતો

ઈન્કમટેક્સ સ્લેબમાં કોઈ ફેરફાર નહીં; પગારદાર વર્ગ માટે રૂ. 12.75 લાખ સુધીની આવક ટેક્સ મુક્ત રહેશે.
1 એપ્રિલથી નવો ઈન્કમટેક્સ કાયદો અમલમાં આવશે.
ડીડીએસ ન કપાવવા માટે હવે એપ્લિકેશન કરવાની જરૂર રહેશે નહીં.
વિદેશમાં રૂપિયા મોકલવા પર ટીસીએસ ઘટાડીને 2 ટકા કરવામાં આવ્યો.
31 માર્ચ સુધી રીવાઈઝ રીટર્ન ફાઈલ કરી શકાશે.
ટેક્સ રીજીમમાં કોઈ ફેરફાર કરાયો નથી.
ટેક્સ ઓડિટ રિપોર્ટ મોડો ફાઈલ કરવાથી રૂ. 75,000 થી 1.50 લાખ સુધી દંડ નક્કી.
અઘોષિત રોકાણો અને રોકડ પરનો ટેક્સ ઘટાડી 30 ટકા કરવામાં આવ્યો.
ટેક્સ લિટીગેશન, ડિસ્પ્યુટ્સ અને પ્રોસિક્યુશનમાં સરળતા લાવવામાં આવી.
માર્કેટમાંથી ખરીદેલા *સોવરેન ગોલ્ડ બોન્ડ (SGB)*ના નફા પર ટેક્સ લાગુ.

આવકવેરા રિટર્ન ફાઈલ કરવાની તારીખમાં ફેરફાર:પગારદારો માટે 31 જુલાઈ

બિઝનેસમેન (નોન-ઓડિટ) માટે 31 ઓગસ્ટ
શેર બાયબેકના નફાને હવે કેપિટલ ગેઈન ટેક્સ તરીકે ગણવામાં આવશે.
શેરબજારમાં સટ્ટાકીય પ્રવૃત્તિઓ પર અંકુશ માટે STTમાં વધારો.

અન્ય મહત્વપૂર્ણ બજેટ જાહેરાતો

દેશમાં 7 હાઈસ્પીડ રેલ કોરિડોરની જાહેરાત.
કૅન્સરની દવાઓ પર આયાત શુલ્ક રદ્દ કરાયું.
ડિફેન્સ બજેટમાં 22 ટકાનો વધારો.
નવા AIIMS શરૂ કરવાની જાહેરાત.
ટુરિઝમને પ્રોત્સાહન આપવા માટે વિશેષ યોજનાઓ.
દરેક જિલ્લામાં છોકરીઓ માટે હોસ્ટેલ બનાવાશે.
આવક અને રોજગારીની નવી તકોનું સર્જન.
પર્યટન સ્થળોના વિકાસ પર ભાર.
દેશમાં મોટા ટેક્સટાઈલ્સ પાર્ક સ્થાપવાની યોજના.
મોટર અકસ્માત ક્લેઈમની રકમને કરમુક્તિ.

સીએ પરસ શાહે જણાવ્યું કે આ બજેટમાં જીએસટીમાં સરળીકરણ, ઈન્કમટેક્સમાં લિટીગેશન અને પ્રોસિક્યુશન ઘટાડવાના પ્રયાસો, તેમજ ઈન્ફ્રાસ્ટ્રક્ચર, રોજગારી અને ડિફેન્સ ક્ષેત્રે નોંધપાત્ર રોકાણ જોવા મળે છે. કુલ મળીને બજેટ આત્મનિર્ભર ભારત તરફ મજબૂત પગલું હોવાનું કહી શકાય.