સુરતના સાંસદ મુકેશભાઈ દલાલે સુરતના રેલવેના પ્રશ્નો બાબતે સંસદમાં રજૂઆત કરી

રેલવે મંત્રાલયની ડિમાન્ડ ગ્રાન્ટ્સ ૨૦૨૬-૨૭ની ચર્ચામાં સંસદમાં ભાગ લેતા ૨૪- સુરત લોકસભા સાંસદ મુકેશ દલાલે સુરત રેલવેના સ્પર્શતા વિવિધ પ્રશ્નોની રજૂઆત કરી હતી. સાંસદએ કીમ રેલવે સ્ટેશન પર એલીવેટેડ સ્ટેર કેસ બનાવવા માટે રેલ્વે મંત્રી અશ્વિની વૈષ્ણવજીને રજૂઆત કરી હતી. પરંતુ કેટલાક ટેકનિકલ કારણોસર તે બની શક્યો નથી. જેને કારણે બીજે રસ્તે થી ટ્રેક ક્રોસ કરતી વખતે ઘણા અકસ્માત થાય છે જેમાં ઘણા લોકો મૃત્યુ પણ પામતા હોય છે આથી આ એલિવેટેડ સ્ટેરકેસ બનાવવાનું કામ ઝડપથી પૂર્ણ કરવામાં આવે.

કોરોના પહેલા કુડસદ રેલવે સ્ટેશન પર લોકલ ટ્રેન અને કીમ રેલવે સ્ટેશન એક્સપ્રેસ ટ્રેન ઉભી રહેતી હતી પરંતુ ત્યાર બાદ તે બંધ કરી દેવામાં આવી છે આ ટ્રેનનો ફરીથી શરૂ કરવામાં આવે. વડોદરા, જામનગર ઇન્ટરસિટી જે હાલ વડોદરા અને જામનગર વચ્ચે ચાલે છે, પરંતુ સુરતમાં લાખોની સંખ્યામાં સૌરાષ્ટ્રવાસીઓ રહેતા હોય માટે તે ટ્રેનને સુરત સુધી લંબાવવામાં આવે તેવી રજુઆત કરી હતી.

વંદે ભારત અને શતાબ્દી ટ્રેન બપોરે નજીક નજીકના સમયમાં ઉપડતી હોય તેના સમયમાં ફેરફાર કરવામાં આવે. વલસાડ-વડનગર એક્સપ્રેસ ટ્રેનમાં ફર્સ્ટ ક્લાસમાં કોચીસ ઓછા પડતા હોય તેમાં અને અમદાવાદ – મુંબઈ ગુજરાત એક્સપ્રેસમાં ફર્સ્ટ ક્લાસના કોચીસની સંખ્યા વધારવામાં આવે ગાંધીનગર- મુંબઈ અને દિલ્હી – મુંબઈ વચ્ચે વંદે ભારત સ્લીપર ટ્રેન શરૂ કરવામાં આવે સુરત રેલવે સ્ટેશન પર એમનું પોસ્ટિંગ આપવામાં આવે તેવી રજુઆત કરી હતી.

તેમને પશ્ચિમ બંગાળમાં ડાન્કુની અને સુરતની વચ્ચે ડેડીકેટેડ ફ્રેઇટ કોરિડોરની બજેટમાં જોગવાઈ કરવા માટે વડાપ્રધાન  નરેન્દ્ર ભાઈ મોદીનો આભાર માન્યો હતો. ઉપરાંત કેબિનેટની ઇકોનોમિક અફેર્સ કમિટીમાં રૂ.૨૭૮૧ કરોડના ખર્ચે દેવભૂમિ દ્વારકા અને કુનાલાન્સની ૧૪૧ કિલોમીટરની લાઈનનું ડબલીંગ કરવા માટે અને બદલાપુર-કારજાતની ૩૨ કિલોમીટર લાંબી ત્રીજી અને ચોથી લાઈન ચાલુ કરવા માટે પણ આભાર માન્યો હતો. ઉપરાંત કચ્છમાં દેસલપુર, હાજીપુર, લુના ૮૧ કિલોમીટર, વેયર-લાખપત વચ્ચે ૬૩ કિલોમીટરની બ્રોડગેજ લાઈન, ભુજ-નલિયા-જખાઉ વચ્ચે નવી પોર્ટ લાઈન ના પ્રોજેક્ટ રૂ.૩૩૭૫ કરોડના ખર્ચ મંજૂર કરવા માટે બદલ આભાર માન્યો હતો.