“આઝાદી કા અમૃત મહોત્સવ ” અંતર્ગત  ઇચ્છાપોર સુરત ખાતે રક્તદાન શિબિર નું આયોજન

ભારત દેશની આઝાદીના ૭૫ વર્ષ પૂર્ણ થતાં પ્રધાનમંત્રી  નરેન્દ્રભાઇ મોદી દ્વારા માર્ચ ૨૦૨૧ માં સાબરમતી આશ્રમ ખાતેથી “આઝાદી કા અમૃત મહોત્સવ ” ની શરૂઆત કરવામાં આવી હતી અને સમગ્ર દેશમાં તેની હર્ષોલ્લાસભેર ઉજવણી ચાલી રહી છે ત્યારે

આ કડીમાં આગળ વધતા ELSS Group ના ચેરમેન શ્રી નિશાંત શાહ તથા તેમના સહયોગી IFCO-TOKIO દ્વારા Gujarat Hira Bourse Jems and Jewellery Park , ઇચ્છાપોર , સુરત ખાતે રક્તદાન શિબિર નું આયોજન કરવામાં આવ્યું હતું . તેમાં લગભગ ૨૦૦ જેટલા રક્તદાતાઓએ ભાગ લીધો હતો અને ૨૦૦ યુનિટ જેટલું રક્ત એકત્રીત કરવામાં આવ્યું હતું .

ઉપરોક્ત પ્રસંગે ગુજરાત રાજ્યના મંત્રી  પુણેશભાઈ મોદી ની વિશેષ ઉપસ્થિતિ રહી હતી . સુરત રાજ્યના પ્રથમ નાગરિક મેયર  હેમાલીબેન બોઘાવાલા , ગુજરાત રાજ્યના ભૂતપૂર્વ મંત્રીશ્રી તથા Gujarat Hira Bourse ના સેક્રેટરી  નાનુભાઈ વાનાની , ધારાસભ્ય  ઝંખનાબેન પટેલ , સુરત શહેરના Ex . ડેપ્યુટી મેયર અને જૈન અગ્રણી  નિરવભાઈ શાહ , સુરત શહેરના નગરસેવક કુમારી નેન્સીબેન શાહ ,  કેતનભાઈ મેહતા , સુરત ભાજપ મીડિયા કો કન્વીનર  કલ્પેશભાઈ મેહતા ની પણ હાજરી રહી હતી .

પ્રસંગોચિત ઉદબોધન કરતા મંત્રી  પુણેશભાઈ મોદી એ રક્તદાનનો મહિમા જણાવતા કહ્યું હતું કે તમારું એક વખતનું રક્તદાન કોઈનો અમૂલ્ય જીવ બચાવી શકે છે , રક્ત એ ફેકટરીમાં બનતી વસ્તુ નથી જેથી રક્તદાન એ ઉત્કૃષ્ઠ દાન છે .

ELSS Group ના ચેરમેન  નિશાંત શાહે જણાવ્યું હતું કે આપણા આદરણીય પ્રધાનમંત્રી  નરેન્દ્રભાઇ મોદીજીએ આઝાદીના ૭૫ વર્ષ પૂર્ણ થતાં ” આઝાદી કા અમૃત મહોત્સવ ” અંતર્ગત દેશ અને સમાજ માટે જે સારા કર્યો કરવાની હાકલ કરી હતી જે અંતર્ગત તેમણે આ રક્તદાન શિબિરનું આયોજન કર્યું હતું .

આ શિબિરમાં મોટા પ્રમાણમાં વિવિધ સામાજિક આગેવાનો અને શુભેચ્છકો હાજર રહ્યા હતા .