૧૦મીએ સુરત શહેરની ૧૦  વિધાનસભાઓમાં  નવનિર્મિત પી.એમ.આવાસો, BLC આવાસોના ઈ-લોકાર્પણ અને ઈ-ગૃહપ્રવેશ

સુરતઃ પ્રધાનમંત્રી આવાસ યોજના હેઠળ રાજયભરમાં નિર્માણ કરાયેલા એક લાખથી વધુ પી.એમ.આવાસો તેમજ લાભાર્થીઓ દ્વારા નિર્મિત BLC આવાસોનું તા.૧૦મી ફેબ્રુઆરીએ બપોરે ૧૧:૩૦ વાગ્યે વડાપ્રધાનશ્રી નરેન્દ્ર મોદીની વર્ચ્યુઅલ ઉપસ્થિતિમાં ઈ-લોકાર્પણ કરાશે. જેના ભાગરૂપે તમામ વિધાનસભાઓ અંતર્ગત સુરત શહેરની ૧૦ વિધાનસભાઓમાં આવાસોના ઈ-લોકાર્પણ અને ઈ-ગૃહપ્રવેશ કાર્યક્રમ યોજાશે.

સુરત શહેરમાં ૧૫૯-સુરત પૂર્વમાં ગોપી તળાવ-નવસારી બજાર ખાતે, ૧૬૦-સુરત નોર્થમાં કયોક હોસ્પિટલની સામે-લાલ દરવાજા ખાતે, ૧૬૧-વરાછામાં જળક્રાંતિ મેદાન-ફૂલપાડા-વરાછા ખાતે, ૧૬૨-કરંજ વિધાનસભામાં શ્યામપ્રસાદ મુખર્જી કોમ્યુનિટી હૉલ-આઇમાતા રોડ ખાતે, ૧૬૩ લિંબાયતમાં નિલગિરી ગ્રાઉન્ડ-લિંબાયત ખાતે, ૧૬૪-ઉધના વિધાનસભામાં વિજયાનગર સ્ટેડિયમ-રામનગર પાસે, ૧૬૫-મજૂરા વિધાનસભામાં અલથાણ બસ ડેપો-સોહમ સર્કલ ખાતે, ૧૬૬-કતારગામ વિધાનસભામાં ડિસ્ટ્રિક્ટ સેન્ટર-સુમન દર્શન આવાસ પાસે-સિંગણપોર ખાતે, ૧૬૭ સુરત પશ્ચિમ વિધાનસભામાં એસ.એમ.સી પાર્ટી પ્લોટ-જહાંગીરબાદ ખાતે તેમજ ૧૬૮ ચોર્યાસી વિધાનસભામાં પ્લોટ નં સી-૧૯, સચિન વાંઝ ચાર રસ્તા સચિન સહિત ૧૦ વિધાનસભાઓમાં યોજાનારા કાર્યક્રમોમાં મંત્રીઓ, ધારાસભ્યો સહિત પદાધિકારીઓની ઉપસ્થિતિમાં પ્રધાનમંત્રી આવાસ યોજનાના લાભાર્થીઓના આવાસોનું ઈ-લોકાર્પણ તથા ઈ-ગૃહ પ્રવેશ કરાવવામાં આવશે. 

સાથે જ શહેરના સેવન સ્ટેપ સ્કુલની પાસે, રોયલ ટાઇટેનિયમ કોમ્પલેક્ષની સામે,કેનાલ રોડ, પાલનપોર સ્થિત સુમન લીપી ખાતે વડાપ્રધાનશ્રી લાભાર્થી સાથે સંવાદ કરશે.